|
دعوة للفكر ...
السلام عليكم ورحمة الله وبركاته أولا / الحمد لله الذي هداني الي هذه الفكرة التي قد تفيد الجميع . ثانيا .. الموضوع يتلخص في إني لاحظت مدي النقص العلمي اللي عندي وعند ناس كتير طبعا ودا بسبب الاعتماد الأساسي علي المناهج التعليمية (( العقيمة )) في التعليم ـ ودا بيؤدي إلي عدم نضوج الفكر وعدم وجود الحجة القوية أثناء المجادلة مع حد . كتير جدا الفترة دي بقي بيلعب علي وتر إن أغلب الشباب مش مثقفين فبيمشي علي منطق " إذا وجدت المستمع أهبل فقل ما تشاء " فيبدأ يلوث أفكارنا ولا داعي لذكر أمثلة .. هنا بقي عاوزين نتفق علي كتاب معين نقرأه كلنا أيا كان اللي هيشارك معانا فيه ونتعاون في فهمه ونخلصه ,, وكل عضو يرشح كتاب واللي نتفق عليه نقرأه ـ وهكذا .. صدقوني الفكرة ممتازة والله وهتعم بالنفع علينا كلنا . حد هيشارك ولا أحذف الموضوع :rolleyes: |
فكرة كويسة وجميلة
جزاك الله خيرا |
معنديش مانع اشارك بكتاب عبقرية خالد للعقاد
هبدأ فيها لما الامتحانات تهدى شوية :) |
اقتباس:
شكرا لمرورك |
اقتباس:
دا أول اقتراح ( عبقريات العقاد ) حد يقترح تاني ؟؟ واللي هيحصل عليه اجماع دا اللي هنقرأه وبعدين القراءة عمرها ما عطلت عن المذاكرة .. أنا بمتحن برده وهمتحن كمان يومين لحد 3 شهور جايين .... ربنا يسلم الكتاب مدته ف العرض والقراءة أسبوع مالم يكن مجلد . |
اقتباس:
حضرتك , انا قرات كتب كتير قبل كده و بدات ف العبقريات من فترة خلصت عمر و دخلت ف خالد :blush: .............. بالمناسبة توقيع حضرتك جميل مقتبس من فيديو why do we fail ؟ :rolleyes: |
اقتباس:
مش موضوع قرأت كتب كتير حتي لو قرأت 100 كتاب لسه فيه ألوف متقرأتش أنا كنت عاوز أبدأ فعلا ف العبقريات والله ... بس لسه فيه كذا كتاب كدا عاوز أخلصهم الأول زي : - ثم صار المخ عقلا . - أبي آدم من الطين إلي الإنسان . - لا تحزن د عائض القرني وبعدها أشوف العبقريات .... عاوز اقترااحات وياريت اللي هيقول اقتراح يبقي عنده استعداد يبدأ ف التو واللحظة .. بخصوص توقيعي .. / أيوا مقتبس من الفيديو دا .. ملاحظتك قوية ، هغيره حاضر :) |
الانسان مهما قرا , انا بعتبره مش عنده معرفه
لان العلم بحر لا ساحل ان شاء الله نقرا الف مش ميه مش كنت بقول لحضرتك عشان تغيره الفيديو فعلا جميل , انا كنت بتاكد بس من صحة المعلومة اللى عندى |
اقتباس:
تمام كدا حضرتك قلتي اقتراحاتك وانا قلت اقتراحاتي فيه حد كمان هيقول اقتراحاته ؟ .............................. طريقة التعامل إن شاء الله الكتاب اللي سيتم الإتفاق عليه سيتم البدء فيه بمجرد الاتفاق .. يستغرق الكتاب أسبوع مالم يزد عن 400 صفحة .. وهنتناقش هنا ف المعلومات اللي فيه والحاجات اللي مكناش نعرفها وعرفناها والحاجات اللي مش فاهمينها وفين كل واحد وصل وكدا ... حد كمان ؟ |
ربنا معاكو ياشباب
انا بتاعت روايات بس هاتابع يمكن استفيد |
وعليكم السلام ورحمه الله وبركاته ....... فكرة جميلة ... تسجيل متابعة بالتـوفـيــق ان شــــــاء الله |
اقتباس:
حلوة الروايات بس القراءة الصج : 10 % روايات 40 % كتب عملية تاريخ / أدب / فلسفة / فيزياء .. 50 % كتب في مجال تخصصك . لحضرتك : روايتين أنصح بقراءتهم : مئة عام من العزلة لماركيز 313 لعمرو الجندي . شكرا لمرورك |
قريتهم يادكتر
مائة عام من العزلة و سخيفة شوية رواية الجندي |
اقتباس:
بغض النظر عن مضمون القصة نفسها . مائة عام من العزلة أحاثها رائعة كأن كاتبها عبقري شكرا لمرور حضرتك |
اقتباس:
بالنسبه للفكره فهي ممتازه يادكتره وهتفيدنا كلنا لكن بالنسبه للتوقيت فهو سىء شايف انها بعد الامتحانات هتكون افضل وناس كتيره هتشارك تقبل مروري |
| جميع الأوقات بتوقيت GMT +2. الساعة الآن 06:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.