تعاقد 2007 والمثبتين 2011
 

اولا
؛حد فيكم ضم الخدمه ولو حصل ايه الخطوات ولوامكن مستندات
ثانيا
؛العلاوات من بعد التثبيت مازالت على المربوط والا حد بتتحسبله على الاساسى؟
ثالثا
؛الترقيات المفروض نبقى معلم اول امتى
منطقه مطروح بطيخ بطيخ بطيخ ولا حد فاهم حاجه ولا حد فاهم حاجه

ماعرفش الوضع ف الازهر عامل ازاي
انا تربويه ومريت بالمراحل دي

الازهر كله بطيخ احنا في الشرقية محدش عارف حاجة اخدنا جوابات بضم المدة وقالوا معاشات وليست ترقيات فمحسوب الخدمة الفعلية من تاريخ التثبيت وما قبل ذلك معاشات يبقي قدمنا ل 2019 عما نحصل علي الدرجة الثالثة الكلام ده من المسئولين في المنطقة

يارب يا مسهل

اقصد الدرجة الثانية يا ترى مين يعيش في 2019 ان شاء الله

هو تعيين2011 هايترقي للتانيه ف 2019
ليه 8 سنين؟
ماهما قايلين التلاته تعاقد ضمن. ال8 بتوع الدرجه

مافيش حد عارف هما هايعملوا ايه بس انا لاحظت انه عند محاولة استخراج نتيجة الكادر حاليا الموقع لا يفتح وتظهر رساله ان المستخدم مغلق الان فهل معنى هذا انهم يعدونا للدورة التربوية من اجل الترقية للدرجة الثانية ام لا والله اعلم وياريت حد يفيدنا لو عنده اى معلومة

بطيخ احلي كلمة اتقالت فعلا

اخي الكريم
الأزهر مش بطيخ زي ما حضرتك بتقول
بالعكس فيه انضباط اكتر من مؤسسات تانيه كتير
وكل صاحب حق بياخد حقه بشرط انه يتخذ الإجراءات المطلوبه ولا يتخاذل ويتابع تنفيذها مش يقدم طلب وينام.
وسأقص عليك تجربتي الشخصية لعل فيها افادة
عملت بالأزهر بنظام التعاقد منذ 1/9/2006 وحتى التثبيت في 2011 ميلادية
بعد انتهاء اجراءات التثبيت تقدمت بطلب لضم مدة عملي بالأزهر بنظام التعاقد وكذلك مدة خدمتي العسكرية
الأوراق المطلوبة حسب ما أذكر كالتالي:
طلب معتمد من المعهد يقدم إلي شؤون العاملين بمنطقتك قسم التعيينات يحدد فيه مدة الخدمة المطلوب ضمها من إلي وكذلك مدة الخدمة العسكرية إن وجدت او الخدمة العامة
يرفق بالطلب ما يلي
نموذج 25 س والذي يستخرج من مكاتب التجنيد ويفيد بمدة خدمتك باليوم والشهر والسنه.
صور طبق الأصل معتمدة بخاتم الشعار وخاتم المعهد من جميع عقود العمل.
مباشرة العمل لأول مره مختومة بختم المعهد ومعتمده بخاتم المنطقة التي تتبعها.
بيان حالة من معهدك معتمد من المنطقة التابع لها يفيد انك مازلت على رأس العمل منذ مباشرة العمل أول مره وحتى التثبيت.
صورة معتمده من قرار التثبيت (اول صفحتان واللتان تحتويان على نص القرار إضافة للصفحة المحتوية على إسمك).
وبعد التقدم بطلب ضم المدة والمستندات عليك التحلي بالصبر مع المتابعه الدائمة له في شؤون العاملين بمنطقتك حيث ان ضم المدة قد لا يحدث إلا بعد عام أو أكثر من تقديم الطلب كما حدث معي.
وبعد ضم المدة والتي دخلت ضمن المدة البينية بين الدرجة التي تم تثبيتي عليها والدرجة الأعلى تمت ترقيتي بفضل الله تعالى دون ان اسعى لذلك ودون ان اتقدم باي طلبات للترقية.
تقبل مني فائق التقدير والإحترام

جزاك الله خيرا

الرجاء توضيح اخي الفاضل اترقيت ايه وكيف حصلت علي ذلك لأن المفروض كلن زي بعض

جزاك الله خيرا

استاذ احمد ممكن توضحلنا معني تمت ترقيتي

اكيد الاستاذ الذى تم ترقيته ليس من صفوف المعلمين
قد يكون من صفوف السادة الزملاء الاداريين

يبدوا ان الاخ المتحدث عن الترقية من الاداريين المعينين على الدرجة الرابعة والذين تم ترقيتهم الى الثالثة ........... وهذا الكلام لم يطبق على المعلمين المعينين على الدرجة الثالثة