جماعة التربية السكانية
 

هل نشاط جماعة التربية السكانية إلزامى على مدرسين العلوم لان عندنا فى المدرسة احنا اثنين مدرسين فقط وواخدين (جماعة العلوم - ووحدة تدريب العلوم - والوحدة المنتجة وكمان ريادة فصل) فى حين ان مدرسى الدراسات اربع مدرسين ومعاهم نشاطين فقط جماعة الدراسات الاجتماعية - ووحدة تدريب الدراسات مع العلم ان الجماعة اصلا كانت مع مدرسى الدراسات من فترة طويلة

انا عارفة ان الموضوع مش وقته لان النشاط بيتوزع فى بداية العام الدراسى لكن اللى فتح الموضوع ان كان معانا مدرس علوم ثالث ماسك هو النشاط لكن مع بداية الترم الثانى انتدب كاملا خارج المدرسة وجابو لينا حد يكمل الجدول ومدير المدرسة لم يسند لنا نشاط الجماعة ولكن جاء تدريب يومين للنشاط وبالتالى دور على حد يروح التدريب وانا رفضت تحسبا لاى تطورات لان النشاط طول العام الدراسى لم يفعل وخفت اتحمل انا مسئولية النشاط لذلك رفضت اوقع على نشرة التدريب وهددنى المدير لكنى رفضت لانه لم يكلفنى به من بداية الترم الثانى وكمان انا ماسكة ريادة فصل وجماعة العلوم

روحي التدريب وسيبي ريادة الفصل

اولا شغل الريادة خلص واخر حاجة فيه هى رصد درجات اعمال السنة للطلاب فى جميع المواد وخلصناه - ثانيا التدريب كان يومين الاربع والخميس الماضى مباشرة والحمد لله المدير كلف زميلة من مادة الدراسات بالتدريب - ثالثا انا لعبت على وتر ان المدير لم يكلفنى بالنشاط منذ ان تركه زميلى وبالتالى فهو مخطىء فلن ينفذ تهديده لى لانه معناه انه مقصر فى عملة ويسأل قانونيا مثلى تماما - والاهم ان اى مدير مدرسة طالما انك توافق على اى شىء بدون اى جدال معناها انك ( حيطة مايلة )اسفة على التعبير لكن هذه هى الحقيقة وبالتالى السنة الجاية بأذن الله يشيلنى الجماعتين والريادة بدون اى تردد وغيرى نايم فى العسل

انا افتكرت الجماعه للسنه الجديدة مش الحاليه
لانه احيانا بينزل التدريب متاخر وبتنفذ عالعام الجديد
انتي اتصرفتي كويس