|
نفسي انسى امي
أول مرة اتمنى انساكي امسح صورتك م الأحلام وامر قلبي ينسى هواكي يمكن تقدر عيني تنام عارفة انا ليه بتمنى انساكي؟ اصلك غبتي عني خلاص كل ما افكر اني هلاقي زيك حب ما بين الناس زيك احساس اسند راسي القى الصدر حجارة وقاسي القى الحب كلام اوهام علشان كده بتمنى انساكي يمكن تقدر عيني تنام نفسي اقولها لحد يا أمي نفسي في حد يحس بهمي كلمة ماما زي المية في حضن غمامة زي جناح رحمة في حمامة كلمة ماما ياما وياما كنت صغير وهي بتكبر تجري في دمي كنت صغير واكبر اكتر روحها تسمي كلمة ماما اغلى من اختى اخويا مراتي خالي وعمي لسه بقولها قبل ما نام يمكن تقدر عيني تنام نفسي انساكي اصل رجوعك شيء ممنوع مش هتجيبك ليا دموع ولا معجزة الله ليسوع حبك حب الفطرة يا امي بعدك كل الحب كلام مصنوع علشان كده بتمنى انساكي وامسح صورتك م الأحلام يمكن تقدر عيني يا أمي في حضن الدنيا القاسية تنام نفسي انساكي |
اسلوبك جميل جدا والقصيدة حلوه ومعناها جديد وتناولته كويس
بس كان ليا تعليق على الجزء ده كنت صغير وهي بتكبر تجري في دمي كنت صغير واكبر اكتر روحها تسمي حاسس ان الوزن مش مظبط فيها كويس والجزء ده اجمل جزء عجبنى فى القصيدة كلمة ماما زي المية في حضن غمامة شكرا يا مان وتقبل رأيى |
شكرا و شد الهمه
|
قصيده حلوه اووووووووى
|
إل كل من مروا على موضوعي المتواضع وتركوا فيه بصمة أو رأي أهدي تحيتي و سلامي وانا أتقبل كل نقد بناء وشكراً للجميع وبإذن الله سأحاول تنقيح القصيدة مرة اخرى وتعديلها لإزالة ما بها من كسر
|
اقتباس:
لقد قمت بتعديل الكسر باللون الأزرق أرجو ان أكون قد أصبت أسألكم الدعاء |
كده تمام والوزن احلى بكتيرر
ما شاء الله ولا انت شايف ايه ؟ |
شايف انك منورني والله وربنا ما يحرمني منك
|
جميله جدااااااااا
بجد رائعة وكلماتها مليانة احاسيس تقبل مرورى |
والله بكيت
احساسها جميل ما شاء الله جزاك الله كل خير |
موضوع جميل جدااا وربنا يصبرك يا ابو حميد وبكره الايام هتنسيك كل حاجة
كل من عليها فان ويبقى وجه ربك ذو الجلال و الاكرام صدق الله العظيم |
اقتباس:
|
اقتباس:
|
اقتباس:
|
رائعة حقا
تستحق رفع القبعة |
| جميع الأوقات بتوقيت GMT +2. الساعة الآن 01:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.