المستشار الإعلامى للجمل يصف المعلمين بـ"الأبقار"
 

شهدت نقابة المعلمين بالمحلة الكبرى حالة من الغضب الشديد وتجمع عشرات المعلمين داخل النقابة، معبرين عن استيائهم الشديد من تصريحات الدكتور حسن الببلاوى المستشار الإعلامى لوزير التعليم لإحدى القنوات الفضائية وتشبيهه للمعلمين، بأنهم مثل الأبقار التى تجر السواقى.

تصريحات مستشار الجمل دفعت المعلمين لرفع عدد من الدعاوى القضائيه ضده، كما قاموا بإرسال فاكسات عاجله للرئيس مبارك والدكتور أحمد نظيف رئيس الوزراء، يطالبون فيها بالتدخل لوقف قرار وزير التعليم بإجراء اختبارات الكادر وربطها بالنواحى المالية، كما طالبوا بعدم وقف صرف الكادر، لأنه حق مشروع للمعلمين وتم التصديق عليه من مجلس الشعب ولا يتم ربطه باجتياز الاختبارات.

وقرر المعلمون جمع التوقيعات، استعدادا لرفع قضايا ضد وزير التعليم لتعنته ضد المعلمين، والعمل على تشكيل لجنة للتنسيق بين المعلمين، للبدء فورا فى جمع هذه التوقيعات خلال الأيام القليلة القادمة على مستوى الجمهورية، وبالتنسيق مع روابط المعلمين بالمحافظات بعيدا عن النقابات.

وفى تطور للأحداث، رفض أمين عام النقابة الفرعية للمعلمين بالمحلة التدخل فى مشكلة اختبارات الكادر وعدم محاسبة المسئولين، حتى لا يقال إن نقابة المحلة وراء تصعيد الأحداث، وقال إن النقابة بلغت "أمن الدولة" عن المدرسين ومشاكلهم، "وهى حرة فى إللى هتعمله معاكم".

وأشار أمين عام النقابة الفرعية بالمحلة، إلى أن النقابة مع الاختبارات للترقيات وليس للخصم من الماليات. من ناحية أخرى أكد مندوب أمن الدولة، الذى حضر الوقفة الاحتجاجية للمعلمين، وجود نائب من كتلة الإخوان بالمحلة قام بتوزيع أسطوانات و"سيديهات" عليها الاختبارات للمدرسين وحرضهم على عدم حضور هذه التدريبات.

http://www.youm7.com/News.asp?NewsID=35969

الله يلعن فكرة الكادر اللى وصلت الامور لكده,ماكنا بكرامتنا من غير زفت,وكملت بكلام حسن البلاوى,له حق ماهو مفيش نقابة لينا
فلوس ايه اللى هيزلونا بيها واللى هتخلينا على آخر الزمن مربوطين 3 ساعات على دكة الطلبة بيحل فيها مدرس الانجليزى اسئلة فى النحو
يا جماعة بصراحة انا لجأت لاستاذ مناهج وطرق تدريس لحل اسئلة التربوى وعجز عن حل اغلبها وقال ان من ال4 اختيارات يوجد خياران متقاربان فى اكثر من سؤال ولا يمكن حسم ايهما اصح اذا كان ده رأى استاذ مساعد فى كلية التربية فماذا يراد بنا
ماتخلوها 50%للكل وتخلصوا , واللى يحصل على دبلومة يزيد 25%,واللى يحصل على ماجستير شرحه
فى الحالة دى الغاوى هيكمل للآخر بكرامته وبدون اهانة
حسن البلاوى ده هو اللى هيخرب التعليم بأفكاره الخيالية وما ننساش انه هو بتاع الجودة اللى انصرف عليها الملايين وفشلت الفكرة

والله اصلا الببلاوي ده اكبر طور في الوزاره ومالوش لازمه حارس مكتب مش اكتر
وتاريخه معرووف وكل واحد في الوزاره دي عارف هو جه ازاي اصلا وبلاش تلبيخ في المدرسين اللي محروق دمهم

ااان من العباد عبادا اختصهم الله لقضاء حوائج العباد
وفى الوزارة ان من العباد عبادا اختصهم الوزير وحاشيته والريس وبطانته للقضاء على حوائج العباد

حسبى الله ونعم الوكيل
ياجماعة ده تفسير الحلم اللى كنت باحلمه خلال 5 سنين انى فى امتحان وماحلتش معظمه
اه ربنا حقق حلمى وطلع لنا الكادر

اعتقد افضل اسم له هو حسن البلاوي

ربنا ياخدكم ويريحنا منكم ومن امثالكم

حسبي الله ونعم الوكيل فيكوا

وربنا يعين المدرسين على تحملكم

كل يوم تخبط فى قرارات الوزارة
استمارة الكادر تم تغيرها اكثر من مرة وذلك لان واضعى الاستمارة باشوات وليس ابقارا
تحديد اماكن امتحانات الكادر كل يوم قرار جديد لان رجال الوزاره ليس ابقارا
تسرب امتحانات الثانويه العامه فى اكثر من محافظه لان رجال الوزير ليس ابقارا
ولكن كما قال المستشار الاعلامى لسياده الوزير
المدرسين كالابقار
رجل يصف من علموه بالابقار
ونعم التعليم