كتنرول الشهادة الثانوية بالقاهرة
 

السلام عليكم ورحمة الله وبركاته
لو سمحتو اى حد راح قبل كده كنترول الشهادة الثانوية يفيدنا فى المميزات خصوصا طبعا المادية والعيشة والمدة علشان اتصلوا بيا عند مقابلة يوم الثلاثاء المقبل بلجنة النظام والمراقبة انا تخصص حاسب آلى من قنا تثبيت 2011

انا كنت هناك العام الماضي
اولا موضوع السكن بيبقي خارجي علي حسابك
ثانيا المقابل المادي عبارة عن
حاجة اسمها تحضيرية من 200الي 500ج المكافأة ودي الاساسي بتاع حضرتك في 10
حاجة اسمها قهوة الشيخ بتكون حوالي 600ج
العمل يبدأ من 7ص وينتهي حوالي3م ما عدا أخر 4أيام ) مرحلة ما بعد التصحيح( بتكون حتي 10أو11م

نصيحة مني لحضرتك متروحش لأن أكيد اساسيك مش هيزيد عن270ج ‏

مجموعة القاهرة القادمين بالوسطة والمحسوبية يتعمدوا فى تطفيش كل أبناء المحافظات الأخرى وعلى العموم من كان أساسى مرتبه قليل فأنصحه ألا يذهب لأنها تتساوى فى الشغل ولا تتساوى فى الأجر

علي فكرة انا من دمياط ومقدمتش السنة دي بس انا نصحته لوجه الله خصوصا انه حاسب ألي وأي واحد راح كنترول قبل كده يقولك شغل الحاسب الألي ‏
وللعلم انا اشتغلت مع ناس من القاهرة محترمين جدا ربنا يبارك فيهم
مش عايز اكون ببالغ لو قولت ان انا اتعلمت الكنترول كله في السنة اللي اشتغلتها

أستاذ محمد الشرقاوي بارك الله في حضرتك على اهتمامك فهل يمكنني الحصول على رقم تليفونك على الخاص للاستفسار عن هذا الموضوع أكثر

لا شكر علي واجب يا استاذنا
انا ارسلت لحضرتك الرقم علي الخاص

شكرا يا اخوة على المعلومات وبارك الله فيكم انا الاساسى بتاعى 266 لذا قررت انى مروحش مش مستاهلة التعب والسفر

شكرا جزيلا لكم ايها الاخوة الكرام وبارك الله فيكم

بحسبة بسيطه الأخوة اللي اساسيهم اقل من 400 جنيه مثلا ومن محافظات بعيدة -
اولا السكن في القاهرة قريبا من الكنترول هتشتشرك انت ومجموعة من الزملاء في شقة مثلا في المساكن اللي قدام المدينة الجامعية في مدينة نصر ودي اقرب حاجة للكنترول في العباسية عدد من 4 إلى 6 أفراد كل واحد هيدفع على الأقل 200 جنيه + الأكل والشرب إذا اشتركتم مع بعض كل واحد حوالى 15 جنيه في الغدا والعشا + حوالي 5 جنيه مواصلات كل يوم رايح وزيهم وانت مروح + اشتراك الشاي والمشروبات في الحجرة اللى انت هتكون عضو فيها في الكنترول حوالى من 5 جنيه إلى 10 ج كل أسبوع وحسب مزاج رئيس الحجرة دي اقل المصروفات وانت جاي لم تتحصل على ولا مليم من الكنترول بعد في مده 45 يوم أو أكثر أو أقل + ان عضو الحاسب في الثانوي بعد ما بيخلص شغل الحاسب بيبقى عضو عادى في الحجرات التانية وبيحملوا عليه أكتر من أي عضو تانى وممكن يدفع غرامات ولا تقبل الأعذار الا بالعافية في الكنترول وفي الأحر الناتج المادى ايه؟؟؟؟-
- اضرب الاٍساسي بتاع حضرتك في 7% في 160يوم ناقص 11% + تحضيري بالنسبة للجدد لن تزيد عن 400 جنيه وقد تنقص حسب شغلك وحضورك في المواعيد والتزامك بالعمل المكلف به وتعاملك مع رئيس الحجرة اللي انت فيها احسبها كويس وفكر

شكرا على التفصيل والشرح
بس كدة الموضوع مش جايب همه وواقع بالخسارة