|
تاريخنا.....أم ايرادات للأفلام؟؟؟!!!!!
ــ (( السلام عليكم ورحمة الله وبركاته )) ــ أزيكم ياجماعة عاملين ايه؟؟ يارب كلكم كده تكونوا بخير وفى الجنة جميعا ان شاء الله من يومين وانا بتفرج على مسلسل (عباس الأبيض فى اليوم الأسود ) للعظيم والأب الروحى لى (يحيى الفخرانى) كان بيتكلم فى مشهد عن اننا لازم فى الدراما والفن اننا نكتب التاريخ زى ماهو وقال جمله عجبتنى قوى ( التاريخ كما يجب أن يكون) يعنى مثلا ياجماعة كلنا درستنا فى 2 ث قصة (واإسلاماه) للدكتور (على أحمد باكثير) طبعا كلنا حفظ القصة والقصة كانت شيقة وممتعة جدا ؛ لما نيجى نشوف القصة دى لما اتحولت لفيلم ــ بس اعتقد ان اللى كتب القصة بتاعت 2ث مش هو اللى كتب قصه الفيلم ــ المهم لما اتحولت القصة لفيلم طبعا ياجماعة شوفنا حاجات غريبة جدا فى الفيلم وعلى فكرة الأحداث الحقيقية هى اللى كنا بناخدها فى 2ث مش اللى فى الفيلم انا بقى عايز اقول ايه انا من رأئيى ياجماعة ان احنا نكتب التاريخ فى الأفلام كما هو لأن ياجماعة الفن عامة هو اللى بيلعب الدور الأول فى نقل الثقافات للشعب فلازم نكتب الأفلام كما هى وتُمثل القصة كما هى ولا يحدث تحريف فى القصة نفسها علشان يجامة مفيش حد كتير دلوقتى بيقرأ كتب وكده فالفيلم بيوصله ده فلازم الفيلم يروى التاريخ صحيحا ده من وجهة نظرى المتواضعة جدا رأئيكم ياجماعة تاريخ هذة الأمة يجب ان يكتب فى الأفلام كما هو ويكون فى هذة الحالة التاريخ كما يجب ان يكون أم مفيش مشكلة لو الكاتب بدل فى كتابة التاريخ شوية ونقول ده مهما كان فيلم برضه؟؟؟؟؟ معلش طولت عليكم بس منتظر أرائكم والسلام عليكم ورحمة الله وبركاته مع تحيات أحمد2025 عاشق الفخرانى |
اصل لو غير فى قصة الفيلم التاريخى
دا يبقى اسمه .... دى قصه تاريخيه حقيقيه مينفعش التلاعب فيها وشكرا على الموضوع المهم دا ياحمد |
عندك حق..بس المشكله اصلا ان المنتج بيفكر فشباك التزاكر والايرادات فقط بغض النظر عن مضمون الفيلم...غيران معظم المنتجين جزارين وبتوع سباكه زي السبكي وشركاه..ناس زي دول بيفكروا فالايرادات مش التاريخ وعمرهم مايفكروا يعملوا حاجه للتاريخ..انت عايز مثلا محمد سعد يعمل دور قائد تاريخي...ولا لو هنيدي هنركبه حمار مش حصان..هما اللي ينفعوا بجد السقا كرم عبد العزيز بس مفيش منتجين..احنا نجمع من كل واحد فالمنتدي مبلغ ونعمل فيم تاريخي وابقوا افتكروني بدور حتي لو حارس بوابه القصر..يلا وانا اول المتبرعين..وادي ميه جنيه..مين يزود؟؟؟
|
زى مانت قولت فى فيلم واسلاماه وجهاد وسلامة غير موجود فى الحقيقة لأن سلامة مات ................. لكن لازم كاتب السناريو يعمل تحابيش (سورى الكلمة بلدى)) قصدى يعمل حاجات تجذب المشاهد وده غلط جدا
|
اقتباس:
اقتباس:
يبقى اسمه ايه ياواد:D المشكلة انه بيحصل اتلاعب فعلا شكرا على مرورك ياكومندا اقتباس:
فعلا والله المشكلة فى المنتج انه بيفكر شباك التذاكر وفى الحالة دى بيظلم الممثل والمشاهدين والتاريخ ومن معايا بتبرع لميزانية البرنامج ب200ج من اجل فيلم تاريخى عن ايجبت:cool: شكرا على تفاعلك مع الموضوع withoutname اقتباس:
فعلا عند حق وطبعا اكيد ده غلط شكرا على مرورك الجميل |
بصراحة موضوعك حلو اوى يا احمد وموضوع جديد وفكرة جديدة بصراحة انا بحييك ...هو المفروض الافلام ما تكتبش من دماغها يعنى المفروض تكتب الاحداث الحقيقية بس حنعمل ايه المخرج عايز كدة!!!وبصراحة موضوعك حلو وجديد الله ينور ..بيس
|
المشكلة يا سادات انك لما تكلم المخرج من دول يقولك دة عمل درامى مليش دعوة بالقصة
التاريخية انا بعمل الى يخلى العمل بتاعى حلو المفروض الاعمال التاريخية بالذات تبقى فى منتهى الدقة لان الاعمال دى ليها تاثير اكبر من الكتابة بمراحل ومغسى بكو يا سادات على موضوعك الجميل دة |
اقتباس:
هو المفروض اللى انت بتقوليه يتنفذ بس تقولى ايه بقى على اللى بيحصل شكرا جزيلا على تفاعلك مع الموضوع اقتباس:
اقتباس:
سادات مين ياعم والله انت عندك حق فى كلامك ياجمال وياريت ده يتنفذ شكرا على مرورك الرائع |
| جميع الأوقات بتوقيت GMT +2. الساعة الآن 06:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.