بعيداً عن كادر المعلمين اللى صدعنا مبروووك للمصرى
 

على الرغم من موضوع الكادر اللى معكنن على كل معلمي مصر بسبب قلة القيمة والامتحان وأرقام الجلوس والفضايح دى وذاكر يا بابا ومتنساش القلم الرصاص والمحايه والسندوتشات وأنت رايح تمتحن

إلا أن المصرى خفف علينا شويه نحن مدرسى بورسعيد ربنا يباركله ويبارك لحسام حسن
ولا عزاء للأهلوية اللى كانوا قهرنا على مدى عقود سابقة
وياريت محدش يزعل لأنى عارف الاهلوية متعصبين أوىىىىىىى
احترامى للجميع
ودى مجرد مداعبة صغيرة

ياعم يوم لك ويوم عليك الرياضة كدا
اهلاوىىىىىىىىىىىىىىىىىىىىىىى

معاك الرياضة كده فعلا يوم لك ويوم عليك
بس فى مصر مش رياضة يا راجل
ده يوم لينا و 100 علينا
سبنا نفرح شويه باليوم هههههههه

يا سيدي احنا الاهلاوية لازم كده كل سنة ولا اتنين لما نتغلب ماتش بس المهم النفس الطويل ويا ريت تفضلوا يا بورسعيدية كده علي طول وما ترجعوش تاني تصوتوا وتقولوا مش هاننزل ولا ايه وعلي فكرة الماتش اللي جاي ليكو مع الزمالك ولما نشوف بقي هاتعملوا ايه

ههههههههههههه
مش بقولكم الاهلوية متعصبين بس
بس السنة دى كده مطشين مش مطش بى اسى روما
ولكن ما علينا الزمالك تبعنا نتغلبله مش مشكلة عشان هو يطول نفسه شويه معاكم
واحنا خلاص اتعودنا على حكاية مش هننزل دى وبصراحة حلوة لأنهم بيعملوا المطش بجنيه فى أخر الموسم عشان مننزلش
يالله خلى الغلابة تتفرج
ههههههههههه

انا عايز اقولك حكمة " هناك فرق بين فريق يسعي لحصد البطولات وفرق اخري كثير تسعي للفوز علي من يحصد البطولات " ههههههههههههههههههه

ههههههههههه
نسيت تقول مصدر الحكمة
ولا أقولك أن ( قناة الأهلى الفضائية )

مبروك للمصرى الكادر
كل لاعب خدالفين جنيه عشان(لعبوا)90دقيقة
وحنا بنعمل اراجوزات فى الفصول ومش عارفين ناخد كادر!

معاك فى الاولى ومش مشكلة اما تنهزموا من روما فهو فريق عالمى اللاعب منهم يساوى قيمة فريق الاهلى كله ماديا
لكن الثانية اختلف معاك فلأول مرة الحكم يكون عادل وممكن تقولى ظلمكم في إيه
ولا هههههههه من غير زعل بدل ما حكملكوش زى كل مرة ولا بلانتى على الماشى ولا حاجة يبقى ظلمكم
يمكن السنة اللى فاتت كان فيه جون اوفسيط للمصرى لكن بدل استحلفتنى بالله
والله المصرى كسب لعب ونتيجة لأنى حضرت الماتش بالاستاد
وما علينا طظ فى المصرى لو هيخسرنا بعض يا جدع
وعلى رأى زميلنا هما اللى اخدوا اد الكادر بتاعنا 900 % فى 90 دقيقة

علي فكرة دي مش من قناة الاهلي لول حتي هي مش دي الحقيقة في فيرق في مصر زي الاهلي محدش يقدر ينكر

ربنا يخليك يا أبو إسراء وتليفونى فى ملزمة العربى والتربوى