|
اسكتوا يا ولاد ... مش المرتب زاد !!!
المرتب زاد يا ولاد ..... المرتب زاد وف شهر سبعة احنا على ميعاد المرتب زاد وخلاص هبني الدور العاشر وهخلي تليفوني مباشر واجيبلي بودي جارد ياباني وسكرتيرة لشغلي تباشر تقعد ويايا وتغني واللمب الحمرة هتنقاد م المرتب زاد يا ولاد المرتب زاد حد يقرصني في لباليبي .... مش مصدق وهركب شوالين لجيوبي ..... مش مصدق مش راح افكر ابقى سعودي .... ولا يوم هخرج بره حدودي .... لا تقولي يورو ودولار ..... الجنيه ولا عايز ريالات ودينار ..... الجنيه مهما هيغرق او يتمزق هو الفرود هو الواد م المرتب زاد يا اولاد المرتب زاد وانتي يا سوسو يللي خطبتك من خمسين شهر واسبوع مامتك مش هتقول يا خبتك سيبي الواد ابو جيب مقطوع الشق هجيبها على النيل ..... نيل .. نيل وهجيبلك خط ف موبينيل .... نيل .... نيل ونصيف في باريس ونشتي ف بوركينا فاسو يا سعاد ما المرتب زاد يا ولاد المرتب زاد وانا راح اسدد كل ديوني ويمكن اساهم في ديون مصر واسعد كل اللي يصحبوني واعزمهم عندي في القصر واعمل بارتي على البيسييييييم ...... سيم سيم وف صحتكو عصير برسييييييييم ...... سيم سيم اشربوا ياما هتشربوا تاني اتزحلقوا دا بلاطي قشاني اوعاك تحرن او يوم ترفس لتلاقي نفسك متقرفص جوه غريب اللي ف بغداد المرتب زاد يا ولاد المرتب زاد يا مرتب يا ابن ألمبوحة دي زيادتك صبحت مفضوحة يا مرتب تسمحلي أقولك المتغطي بيك عريان بعد 11 سنة يا مرتب من تعييني افضل غلبان ولاعتي خلاص مش هملاها م البنزين غلوه سبعين حتى الجواميس قالت ليهم لازم لبني يزيد خمسين والسكر قالك يشمعنى زودته ... هديله العين كادر ونيلة ايه يا منيل دا والله مرتب عيل دي خسارة فيك الكشوفات على ايه عاملينلك ادارات خليت شكلي زي ولية .... والله لهدي دروس خصوصية اوعو حد يقف قدامي .... دا انت خليت غيري حرامي مش راح نحرق تاني المبي .. هحرقك انت يا حارق قلبي وهزفك زفة ليقالك كل الناس جارية وجيالك تاخد جنبك آخر صورة وتقولك غنوة مشهورة يا مرتب يا ابن المبوحة دي زيادتك صبحت مفضوحة ابكي عليه وقولي .. دا كان ميجيبش البوري ابكي عليه وشلشلي دا خلا لبسي بهدلي ابكي عليه و بس دا كمان ميجبش العدس يا مرتب يا ابن ألمبوحة |
شكرا لكل الأعضاء الذين مروا على موضوعي المتواضع
لقيت 13 شاهدوا الموضوع ولا واحد فيهم رد أكيد كا ن مستني زيادة حقيقية في المرتب |
شكراا على الموضوع
|
شكرا على مرورك اخي احمد ويارب يكون عجبك الموضوع
|
معلش حبيت اجيب القصيدة من طي النسيان عشان أعرضها تاني .. أحبكم في الله كلكم
|
موضوعك جميل كالعاده
وبجد واقعيه جداااااااااااااا جزاك الله كل خير |
شكرا على مجهودك وفى انتظار المزيد
|
sunsero2000شكرا على مجهودك وفى انتظار المزيد
شكرا على مرورك الكريم hend ereموضوعك جميل كالعاده وبجد واقعيه جداااااااااااااا جزاك الله كل خير شكرا هند على مرورك |
موضوع جامد وشكرا علية واستاذنك انى انسخة واضعة عندى على الجهاز
|
والله موضوع تحفة معبر جدا
كلمات جميله رغم الظروف المصحوبة للموضوع إلا انها جميله جدا ومنطقية جدا جدا وانا اشكرك جدا جدا جدا |
اقتباس:
|
اقتباس:
|
الموضوع ده حلو اوى
بيتناول المشكلة بشكل ظريف كده بس عايزة اعرف معلش ايه معنى المبوحه دى |
دي اغنية بورسعيدية بتتقال في شم النسيم لما بنعمل الألمبي من القماش والأسفنج ونحرقه ليلة شم النسيم ونغنيله يا ألمبي يا ابن المبوحة ,, يعني المبوحة دي ام المبي واخدة بالك ,,, ومتدقيييييييييش
هههههههههههههه شكرا ً لمرورك العطر |
موضوع جميل جدااااااااا
شكرا لحضرتك. |
| جميع الأوقات بتوقيت GMT +2. الساعة الآن 01:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.