يوم بنت مصريه
 

اول ما تصحى من النوم ماما انا رايحه اشترى شويه حجات للبيت
( وتلاقيها راجعه بكيس اريال )
المفروض تقعد تزاكر لا مينفعش لازم تغسل المواعين وتنضف المطبخ
( واجب برضو )
يااه قبل مامسك الكتاب لازم امسح البيت كله علشان ابيض وش ماما قدام الناس والنضافه من الايمان
( تاعد فى اليله دى عشر ساعات )
احنا عندنا فرح رمضان الجاى لازم اقيس فستان السهره الى هروح بيه قبل ما ازاكر
( وتاعد تكوى فى الفساتين الى عندها كلها )
تاعد تزاكر تبص فى المرايه تقول لالا انا شعرى منكوش وشبه الشيته لازم اغسلو واسرحو
( داخله مسابقه جمال ياختى مش امتحان )
تخلص من هنا تروح لاخوها الصغير تزاكرله لغايه ما الولا يجيلو اكتئاب
( الولا اساسافى الاجازه )

وتيجى ليله الامتحان وهى مش عارفه حاجه وتبقى عامله زى الكتكوت الغرقان وتحل زى وصفه امينه شلبايه
وفقره علشان تبقى فاشله

واما تسقط فى الاخر تقول لمامتها عين يا ماما تقوم مامتها الغلبانه تقولها الله لا يوفقهم ولاد الحرام
تعالا اقرا عليكى يا بنتى
وفى الاخر تقوم البنت تغرق نفسها ماء توليت وتلبس الجيب القصيره والبدى الضيق وتمشى فى الشارع تقول ايه الولاد دى حاجه تقرف مبقاش فى احترام طول مانا ماشيه باتعاكس ردو انتو بقى
والى يشل الواحد بقى تلاقى البنات فى حفلات تامر حسنى الاقى بنت بترمى نفسها فى حمام السباحه علشان تروحله وواحده تانيه تصوت ويغمى عليها والتالته تجرى عليه وتبوسه وتحضنه كانه ابن عمها بس من اب تانى
ونفسى اعرف ايه الى يخلى بنت لما تشوف ممثل ولا مطرب مشهور هيافه بقى
ويجو فى الاخر يقولوك نسبه العنوسه زادت وتيجى تشوف لما ولد يروح يخطب بنت
هات شبكه ماعرفش بكام _ لازم يكون عندك شقه _ وعربيه ولا تتبهدل ياعنى فى الموصلات ( والمشكله تلاقى ابوها عامل كارته فى الاتوبيس) وبالنسبه للهدايا فى العيد الصغير والعيد الكبير والعيد الى فى النص وعيد العمال وعيد الام وعيد تحرير سينا

( وللهى ما حسد بس البنات عايشنها بلطول وبلعرض ) :confused::confused::confused::confused:
( ياعينى عليكو يا شباب مصر )

أيه الموضوع الجاامد الجميييييييل الواقعي المتكرر دا يا ريس تقبل أعجابي

مممممم
موضوع جميل وواقعى
بس مش كل البنات كده
انا برده بستغرب لما البنت تشوف تامر حسنى او اى حد من المغنيين
تبقى هموت عليه وهتموت عشان يسلم عليها
ده اسمه هبل وبنات بتبقى فاضيه
ربنا يهديهم ويهدينا
شكرا على الموضوع

هههههههههه
موضوع جميل
بس مش كلوا كده برده
ميرسي جدااااااااا

الموضوع جميل بس انا اساسا مبحبش تامر حسنى ولا بنضف مع ماما

ولا واقعى ولا بتاع انتو بتكلمو ع فئه مخها تعبان بس يا استاذ عايش ليك انا هخده من الجانب الترفيهى لان البنات هم اللى بيطلعو الاووائل عاده:p واضح انه يا عينى الصبيان اعصابهم تعبه مننا يا بنات ادوهم فرصه يقولو اللى جواهم:p

مممممممم
على فكره انا برده بنت
بس منكرش ان فى بنات كده
طبعا مش كل البنات
وفيه بنات بتعمل كل ده وبتتطلع الاوائل وبتذاكر
بنات بتعرف تنظم وقتها كويس
وبنات تانيه نايمه فىالباى باى

ههههههههههههه والله ضحكتنى دا انت مصيبة ......... بس مش كل البنات كده برضه 99% بس منهم ههههه

لا والله شكرا بجد ليك علي الموضوع
بس ليه الهجوم الفظيع علي البنات ده تقريبا كل مواضيع اللي في المنتدي عن كده بس مش كل البنات كده وبعدين البنات دايما يطلعوا الاوائل علي الالاولاد وفي سعات العكس مش كل البنات هبله ومش كلهم برضك عندهم طموح
بس بجد ليه كده الهجوم ده علي البنات

بنات ايه يا جماعه الى بيطلعو اوائل دول مشفناش حاجه ياعنى

يا اهلاويه انا مقلتش كل البنات وربنا انا الت كلهم ياعنى وبعدين هاتيلى بنت مبتعملش كدا
وبعدين هو الاهلى خسر من المصرى 2 صفر ولا حاجه :D:D:D:D:D:D

لو ماما عايزا حد ينضف معاها انا غسيلى خميس وجمعه زى الفل