المطالبة بوقف ترخيص الكتب الخارجية
 

المطالبة بوقف ترخيص الكتب الخارجية





طالب المستشار عدلي حسين محافظ القليوبية وزارة التربية والتعليم بوقف ترخيص الكتب الخارجية.. مشيراً إلي أنها تكلف ميزانية الأسر المصرية ما لا يقل عن 7 مليارات جنيه سنويا دون داع. وأكد محافظ القليوبية ـ خلال اجتماع مجلس المحافظين الأخير الذي عقد بمحافظة الإسماعيلية ـ في اقتراحه للمجلس أهمية منح الفرصة الكاملة للكتاب المدرسي باعتباره الأصل في العملية التعليمية.. موضحا أن حقوق الملكية الفكرية لا تنطبق علي الكتب الخارجية لكونها تسوق أفكار الكتاب المدرسي وتقوم بإعادة صياغتها وطرحها للطلاب. وأشار عدلي إلي أن منع تداول الكتاب الخارجي يعد أحد أسباب القضاء علي الدروس الخصوصية.. مؤكدا أنه لابد من أن تأخذ الوزارة هذا الاقتراح مأخذ الجد طالما أنه في صالح الطلاب ودعا إلي المواجهة لصالح الطلاب والأسر المصرية.

بلا كلام فارغ ..ال تكلف الاسره المصريه ال ....كلكوا حراميه ربنا ينتقم منكم ....وينتقم من كل المدرسين الاستغلالين ...الهى يارب يشوفوا فى قبورهم اللى هيشوفوا فرعون ....

أنا غير موافقه نهائى على إلغائها وبصراحه أنا أهتم سنويا بشرائها أكتر من كتب المدرسه لأن فيها مراجعات وامتحانات وبأسلوب لذيذ وسلس خاصة وأن الكتاب المدرسى فيه غباء غير عادى وأسئله تافهه وغير كافيه نهائيا .. هو كل ماواحد مسئول يشغل التكييف على دماغه شويه يطلع لنا بمصيبه تنكد علينا حسبى الله ونعم الوكيل

دة كلام فارغ

القضاء علي الكتاب الخارجي بتقويه مستوي الكتاب المدرسي وجعله قادر علي المنافسه بقوه وليس بقرارات تجعل الكتاب الخارجي يباع مثل المخدرات وتزيد من حجم توزيعه وتغلي في سعره اضعاف اضعافه لانها هتبقي تجاره ممنوعه فطبيعي السعر هيزيد علي الاسر المصريه يا ريت نفكر قبل ماناخد قرارات غير مدروسه

الكتب الخارجية كويسة جدا خاصة مع كتاب مدرسى اهبل جدا فى الخارج ما فيش كتاب خارجى لان كتاب الرياضيات هناك الف صفحة بس مش كل دة بيدرسة الطالب لا بيدرس على اد امكانياتة فقط يعنى جزء صغير والباقى للفاهم اللى بيحب الرياضة وبكدا بقى المتعلم والكتاب اصحاب اما لو قلنا الكلام دة عندنا للمسئولين ح يقولو بسيطة خلى الكتاب الفين صفحة وكلة فى يدرسة الطالب فى تيرم واحد هبل فى هبل يعنى وسلملى على التعليم فى مصر

مش هيقدروا على كده