هل هناك قدسية لمرتدي الزي الأزهري
 

محدش فوق النقد والزي الازهري مش مقدس

يعني مفيش جزا اسمه أهنت العمامة
أو أهنت الزي الأزهري
يعني مش مقدس ويمكننا أن ننتقد واحد لابس عمامة من غير ما يكون غلطنا في الدين أو ألحدنا والعياذ بالله

يعني مفيش جزا سببه هنت العمامة
أو أهنت الزي الأزهري
يعني مش مقدس ويمكننا أن ننتقد واحد لابس عمامة من غير ما يكون غلطنا في الدين أو ألحدنا والعياذ بالله

شكلك كدة وقعت مع حد لابس عمة واتهمك بمعاداة الازهر والسامية وهدم الاسلام والاساءة للدولة واللستة الجاهزة .. لو في موقف معين احكيه وان شاء تجد مساعدة صادقة

أنت عرفت إزاي
أنا حاسس إننا في سجن كبير ممنوع علينا انتقاد أي حد مش زي التربية والتعليم أو أي وزارة أخرى ممكن تتكلم عن الوزير وتنتقده في التليفزيون الإذاعة والنت والصحف
إحنا بقى بتبقى القضية دينية متمثلة في إهانة العمامة والزي الأزي حتى وأنت قاعد بتتغدى مع عيالك في البيت تبقى خايف علشان الحيطان ليها ودان
أما من اتهم بذلك النقد لصاحب الفضيلة شيخ المعهد أو مدير المنطقة
ياااااه
حاجه كده شوية جزاءات زي
إعدام + أشغال شاقة + تغريب + تغريق + حرق
خمس جزاءات من غير تحقيق على هذه الشاكلة
وفين وفين على ما حد يفتكرك
حتى بتاع التربية والتعليم ممكن المحافظ يحل مشكلته
أما أنت لو رحت للمحافظ هيقولولك ملوش سلطة علينا
مفقود مفقود يا ولدي
أما الحكاية فهي طويلة
ومش هتصدق فيه واحد ...............

إلقاء التهم جزافا بدون دليل
 

[QUOTE=tarek hasssan;6196348]لايمكن أبدا أن تكون أزهريا لايمكن لأزهري مهما كان في الأزهر من عيوب أن يكيل له التهم بهذه الطريقة الهمجية
لايمكن لأزهري حقا أن يشارك من يحاولون هدم الأزهر بأن يكيل الاتهامات جزافا
لايمكن لأزهري أن يتهم الحكم في بلده بأنه حكم ديني
مع العلم كل ملبس كالشرطة والقضاء والأزهر له قدسيته التي يجب احترامها ولكن لايمنع من نقدها بالأسلوب الذي يليق وبالأدلة والبراهين وعدم تجريح الأشخاص
ولكن أن تتهم الآخرين دون دليل فهو الكذب والتدليس وعندما تُحاسب عليه تتهم الحكم بأنه ( ديني كهنوتي )
اتقِّ الله فيما تقول ولا تُلقِ التُهم جزافا وانقد من تشاء بالأدلة ولن يعاقبك أحد لأنك اتخذت الطريق القانوني الصحيح

[QUOTE=adel elshamy;6197547]فين الطريقة الهمجية يا ريس مش عيب عليك كده
ولا إحنا ناقصين الناس اللي تيجي تعمل نفسها غيورة على الأزهر وعلى الدين وهما واقفين أمام كل تطور أو تجديد أو تقدم
وللي مش عاجبه إنه ينتقد يقعد في بيتهم
أو يبدل الأماكن والناقدين يقعدوا مكانه وهيرضوا بالنقد
المناصب في الأزهر مناصب إدارية وليست دينية
إحنا لا نعارض الدين ولكن ممكن نعارض القرارات الإدارية أو الشخصيات التي تقوم بعمل إداري
فهمت ياريس ولا أقول تاني

والله واحد قالي تهمتك إنك أهنت العمامة ومش هقولك بقى أن تقريبا دخلت نار الدنيا في الذنب ده
فيه ناس بتحب السلطة قوي ومبيطيقوش كلمة عليها وبيعتبروها مقدسة
دائما هي على حق وهما ناس فل
وعلى رأي عادل الإمام
إحنا اللي ولاد كلب
بقول على نفسي
ربنا يفرج كربي ويفك محنتي

مازال هناك تخلف وفساد ومحسوبية في الأزهر
مثل رئاسة قطاع المعاهد الأزهرية
امتحانات غلط ومنقدرش نتكلم
وقلت للموجة العام في المنطقة قال لي مش عوزين مشاكل يا بني الامتحانات جية من فوق
قلت له من الدور الكام قعد يضحك ؟؟؟؟؟؟؟؟؟؟؟؟؟؟؟؟؟؟؟

ضحكتني يا أخي وأنا بقالي كام يوم مكتئب
إحنا يا بني في سجن كبير مظلم محكومين بجد ولا يجوز الخروج على الحاكم أيا كان
شيخ معهد قائم بعمل شيخ معهد مدير منطقة أو قائم بعمل شيخ المنطقة
حتى لو تظلمت من قراراتهم هيبعتوا التظلم ليهم وهما يقولوا اللي هما عايزينه أي كلام وينتهي الموضوع
أنت ضايع ضايح
ولذلك خليك مهاود
إذا ضربوك على جنبك اليمين
أعطيلهم جنبك الشمال
ومت بداء الصمت خير لك من داء الكلام