عن وجود بديل لدروس الثانوية العامة ( نقاش مفتوح )
 

كلنا يا جماعة عارفين مشاكل الدروس الخصوصية من تضييع وقت وجهد وفلوس وفى الأخر ممكن تفهم أو متفهمش , فيه مجموعة من الشباب هيعملوا موقع ع النت وهيجيبوا مدرسين كتير لكل مادة هيسجلوا فيديوهات شرح للمناهج الثانوية كلها بأسلوب سهل ,
مميزات الموقع :
1-وجود أكتر من مدرس لكل مادة , دا هيسمحلك تختار أفضل مدرس فهمت منه وتكمل معاه
2- بالرغم إن الفيديوهات مسجله لكن تقدر تتواصل مع المدرس , تسأله أى أسئله , هيتم تسجيل الإجابه فيديو ويرفعها
3-مبالغ رمزية لكل حصة 5 جنيه تقريباً (الموقع هيوفرلك طرق بسيطه وسهله جداً لشحن رصيدك و إستعماله ) - مع العلم إن المبالغ الرمزية دى هيتصرف منا على نفقات (كاميرات التسجيل - سيرفرات تخزين الفيديوهات و المواقع و الأماكن اللى هنصور فيها )

و بما إنى من ضمن الفريق , حابب أخد رأيكم بأدق التفاصيل ,
هل مشروع زى دا ممكن يساعدكم ؟
هل عندكم أستعداد لتجربة شئ جديد زى التعليم أونلاين ؟
هل حاجة زى دى ممكن تخليكم تستغنوا عن الدروس ؟
هل عندكم إستعداد تدفعوا 5 جنيه مثلاً لكل حصه ؟
ايه المميزات اللى عايزينها ؟
أسباب رفضكم لفكرة زى دى ؟
ياريت الإجابة بالتفاصيل , كل كلمة هتساعدنا نطور من نفسنا ونعمل حاجة كويسة

الافضل يكون اون لاين وشكر اااااااااااااا علي مجهود

الفكره كويسه جدا بالتوفيق