ما هي اكبر غلطه ارتكبتها في حياتك ؟؟؟
 

--------------------------------------------------------------------------------



كثيره هي القرارات التي نتخذها بحياتنا .. والأكثر منها تلك التجارب التي نخوضها

ونحن على ثقه تامه بنجاحها وبالنهايه نُفاجأ بالفشل ونتفاجأ بأننا على خطأ

مامن شخص معصوم من الخطأ..

ومامن شخص لم يمر بتجربه فاشله خرج منها بجرح وألم ..

خرج منها بيأس شديد.. وندم أشد الندم ..

كل بني آدم خطاؤون وخير الخطاؤون التوابون .

سؤالي هو :-

ماهي اكبر غلطه ارتكبتها بحياتك

؟

ولماذا ندمت عليها ؟

وهل استطعت ان تصلح مايمكن اصلاحه؟

وأتمنــى مــن الـجــميــع المشــآركـــه

أنا لست بفطن لما مضى من حياتي ومعذرة أكبر غلطة في حياتي أتركها بيني وبين ربي لئلا أكون من المجاهرين

صعب الاجابة ....................

انا الحمد لله لحد دلوقتى
مافيش غلطه جامده عملتها يعنى
لدرجة انى اندم عليها الحمد لله

مش مشكله اجاوب علي السؤال ده معلش...لأني لو قعدت اكتب يبقي مش هنخلص النهارده الغلطات

انى حبيت واحدة متستهلش الحب
لانها اتخطبت لواحد تانى والله اعلم نسيتنى ولا لسة فاكرانى

ليه بس صعب الاجابه عادي انت غلطت غلطه وندمت عليها خلاص ولا كانها حصلت يعني عادي علي العموم ميرسي علي مرورك

ميرسي علي مرورك

الحمد لله انك لسه لغايه دلوقتي ما عملتيش غلطه تستاهل الندم مع اني بقول ان اي غلطه لازم الواحد يندم عليها مهما كانت صغيره



المهم نستفيد من الغلطات دي ومنكررهاش



وليه انت ماتنسهاش زي ماهي نسيتك وابتدي انت حياه تانيه جديده مع واحده تحبك وتحبها بعد ما تخلص دراسه طبعا ولا ايه وميرسي علي مروركم جميعا

`من حوالي 4 سنين

كان ليه واحده صحبتي بحبها جدا وبعدين زعلنا علي حاجه بسيطه وهي كبرت الموضوع وهانتني اهانه جامده فانا قررت مكلمهاش تا
تاني وهي حاولت تصالحني اكتر من مره لكن انا مكنتش قادره انسي اهانتها

ومكملناش بعض لمده 3 سنين

والسنه دي في واحده صاحبتنا صالحت ما بينا بس انا وهي مرجعناش تاني زي الاول ابدا

وانا بجد كل يوم بندم ع اللي انا عملته واني مقدرتش اسامحها لاني فعلا افتقدت وجودها في حياتي

احماحم ايه المواضيع دى :D بس الصراحه الواحد لسه فى بدايه حياته يعنى لسه كلنا اطفال يعنى بس انا غلطتى انى صاحبت واحده غلط وضيعت وقتى مع واحده مش تستاهل يلا ماعلينا متشكرين ع الموضوع :d

hانى حبيت واحدة متستهلش خالص يالا ربنا يوفقها بقى

بصراحة اكبر غلطة فى حياتى هى صراحتى مع الناس بس اعمل ايه ما بعرفش اكدب
بس انا عارفة انى صح ومش هغير من نفسى
لانى ما بحبش الكدب

الغلطه انى ابتعدت عن ربى وبعدى عن قراءة القرآن لفتره جامده وندمت على ده لأ نى كنت ملتزمه جدا جدا وبحاول انى ارجع زى الأول واحسن قريب ان شاء الله ويارب كده ربنا يبعد عننا كلنا وساوس الشيطان عليه اللعنه

زيك بالضبط صاحبت واحدة ماكانتش تستاهل

الحمد لله على كل شى

شكرا على الموضوع بتاع الفضايح ده:p

دخولى هذا المنتدى
فى امان الله