|
!!!ايه اللى حصل للناس!!!
السلام عليكم ورحمة الله وبركاته بجد ايه اللى حصل للناس؟؟ مفيش حد مبسوط خالص كله مهموم وحيران رمضان على الابواب والناس زى ماهى زمان كنا نلاقى رمضان هو احلى شهر بيمر فى حياتنا والكل بيبقى فرحان والشوارع بتبقى زحمة جدا واغانى رمضان بتبقى فى كل حتة لكن دلوقتى يدوب الاقى الناس مكبة على وشها ومش فرحانة ومكتومة الشوارع بقت هادية جدا حتى المحلات اللى بتبيع فوانيس رمضان مبقش زى الاول كانت دايما تعلق الفوانيس فى نص شعبان زى دلوقتى ايه اللى حيفدنا لما رمضان يجى وهو زعلان مننا بسبب المعاصى اللى كثرت بيننا دايما كنا بنلاقى يافتات فى المساجد بتقول"يا باغى الخير اقبل ويا باغى الشر اقصر" لكن دلوقتى كله بقى واحد حتى فى اول يوم رمضان العائلة كلها بتتجمع فى بيت واحد وتلاقى الفرحة جامدة جدا دلوقتى بقت عزومة على الماشى وخلاص بجد ايه اللى حصل؟؟ امبارح كنت بتسوق مع والدتى وياميش رمضان بدأ بس برضه بلاقى الناس كل همها الاسعار وخلاص ومفيش البهجة بتاعت زمان ياريت اعرف ايه اللى حصل عشان اشوف وش الناس بالطريقة دى:(:( نفسي اشوف كله فرحان وبيغنى اغانى رمضان والكل يزور بعض |
بسم الله الرحمن الرحيم عارفه ... والله احنا زمان كنا بنستعد لرمضان و بنبقى فرحانين بيه اوي دلوقتي مش عارفه .. مش حاسه خالص انه رمضان راح ييجي كمان اسبوعين حاسه انه فاضل له 6 شهور مش اسبوعين انا قلبي مستعد و نفسه يستقبل رمضان بس مش عارفه ليه مش حاسه بنفس الفرحه كل لما افتكر ان الدروس راح تبدأ مع اول يوم لرمضان همتي تقل .. زي السنه اللي فاتت الدروس كانت مع رمضان و مش عرفت اتمتع بيه للأسف ولا في العشر الأواخر .. و مش صليت في المسجد غير يوم واحد بس :( و ده اللي راح يبقى السنه دي .. نفس الموال ربنا يتوب علينا |
اقتباس:
نفس مشكلتى:( بس مش حخلى الدروس متحسسنيش برمضان السنة اللى فاتت برضه معملتش حاجة ولا لحقت اختم القران وكل ده بسبب الدروس بس ان شاء الله مش حيعدى زى السنة اللى فاتت بس مش هو ده المقصود من كلامى احنا ممكن نعمل حاجات كثير فى رمضان بس المشكلة انى حاسة ان الناس مبقش زى الاول وفرحانة ومستقبلة برمضان بنفس فرحانة شكرا لمرورك الجميل نورتى التوبيك |
اقتباس:
عشان البلاوي اللي واحد بيشوفها من ارتفاع اسعار .. لآزمه في رغيف العيش .. لتسريب امتحانات .. لمذابح في فلسطين الواحد مش بقى لاقي حاجه يفرح عشانها بس للأسف الناس اصابها حالة يأس فظييييعه ربنا يهدينا بقى |
اقتباس:
عندك حق بس برضه ده ميمنعش ان الواحد يفرح برمضان وبعدين الناس هى اللى جايباة لنفسيها حنفضل فى الجبن ده لحد امتى؟:mad: ربنا يهدى فعلا مرورك بجد اسعدنى نورتى التوبيك |
امم رمضان انتى عارفه من شوية سنين كده فاتوا كان رمضان ده ليه طابع خاص جدا يعنى اول ما المفتى يعلن الرويا تلقى الصواريخ اشتغلت والناس فرحانه وبتهنى بعض حاليا ممكن تقول لواحد رمضان بكرة يقول طيب او هتصوم ولا زى كل سنه معتش فيه البهجة القديمة الناس كنتى تلقيها فى الاسواق بتشترى اكل بكمبات غريبة تحسى ان فيه مجاعة قريبة فوانيس وعمو فواد وبوجى وطمطم نصبة الكنافة ولقمة القاضى والناس فرحانه متلقيش الجو ده حاليا معتش فيه فرحه كل انسان عايش فى همومه رمضان شهر جميل ولظروف خاصة بحبه وبكره فى نفس الوقت :( |
اقتباس:
ده عشان مش بنصلح من نفسنا كل واحد يقول المفروض كل واحد يبدا بنفسه بس للاسف ده مش بيحصل بجد احنا مش عايزينه شعار و خلاص عايزين نبدا بجد شكر عالموضوع جزكم الله كل خير |
والله مش من يومين كنت عامل رمضان بعد شهرين او اكتر
الجمعة اللي فاتت اتفاجئت لما واحد قال اننا في نص شعبان واتفجات بردو اننا في شهر 8 انا كنت عامل اننا في شهر 6 والله مش عارف النهاردا اي!!!! بس دا يمكن لأني مش بهتم بالتفاصيل وبنسى كتير ..... لكن بالنسبة للناس لأن مفيش معنى لرمضان عندهم لأن مفيش تغيير ....مفيش أمل...... حتى الجانب الديني سيطر عليه ناس مدعومين من قوى خارجية تفكيرهم غير تفكيرنا .....افكارهم غيرت مبادئنا..... مفيش شئ بقي مضمون.... |
اقتباس:
كانت ايام جميلة نفسي والله ترجع تانى الله اعلم اذا كانت حترجع ولا لاء:( شكرا لمرورك الكريم |
اقتباس:
عندك حق ذنوبنا كثرت ومش لاقينلها حل اه لو الناس تعرف قيمة الفرحة شكرا لمرورك يا قمر نورتى التوبيك |
اقتباس:
المشكلة ان الناس هى اللى عاشرت فرحة رمضان زمان دلوقتى ايه اللى حصلهم مش عارفة جزاك الله كل خير على المرور الكريم |
الفرحة اختفت من النفوس ......... و الضحكة اختفت من الوشوش ........... و الناس بقت دايما عايشة في هم دائم و حزن مقيقم ............ اعتقد ان السبب في دا غضب من ربنا عز و جل على هذا الشعب الذي اصبح كل منه يسرق اخيه و ينصب على اخيه و كل منه همه على نفسه ........... العيب فينا مش في الحكومة ........... العيب فينا مش في الادارة ........... الحكومة مقالتش للناس اسرقوا الدقيق المدعم من المخابز ........... الحكومة مقالتش للناس اضحكوا على بعض و اسرقوا فلوس بعض ........... و ان كانت ............ معظم تلك الصفات السيئة لتختفي اذا وجد تعليم جيد مش مدرس ماسك عصاية و كل اللي همة العيال تروح تاخد عنده دروس .......... اسف على الاطالة و شكرا لحضرتك على الموضوع و تقبلي مروري و تحياتي
|
اقتباس:
صح العيب فينا مش فى الحكومة بس العيب الاكبر فى الازهر زمان الازهر كان ليه دور والشعب كان جواه ايمان عشان مشايخ الازهر كان ليهم دور كبير دلوقتى دور الازهر اختفى اعتمد على الناس الملتزمة بس ربنا يهدى بجد جزاك الله كل خير على المرور الكريم |
والله يا ندى للاسف انا يمكن محستش برمضان انه قرب يمكن لما خرجت النهاردة ولاقيت الحاجات بتتباع الفوانيس والحاجة بتاعة رمضان يمكن علشان الدنيا بقت فيها مشاغل كتيير بقت فيها حاجات كتيير اهم واكبر من اننا نحس برمضان :(:(:( يمكن كل واحد بقى مشغول او مهموم او مخنوق مش عارفة انا كنت عمالة اقول لنفسى رمضان فاضل عليه 3 اشهر دلوقت فجاة لاقيته اسبوعين ربنا يستر ياترى اللى جاى هيبقى ازاى :confused::confused: |
الدنيا مليانة مشاكل وكل واحد شايل هموم غير هموم التانى عشان كده محدش بيحتفل برمضان
وده شىء طبيعى عشان الاوضاع الى بتمر بيها البلد من غلاء و تدهور الاحوال الاقتصادية والصحية والعنوسة والبطالة كل ده بيلهى الناس عن الفرحة والسعادة بس الغريب فى الموضوع ان الهموم وصلت للاطفال هما كمان شايلين الهم ولا بيلعبوا فى الشوارع بالفوانيس زى الاول |
| جميع الأوقات بتوقيت GMT +2. الساعة الآن 04:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.