|
نقل بالبدل بين سوهاج واسوان ( مطلوب من يريد النقل من سوهاج لأسوان)
السادة الزملاء معلمي محافظة سوهاج من يريد النقل الي مديرية التربية والتعليم بأسوان فأنا ان شاءالله سأبدل معه بالنقل مكانه في محافظة سوهاج اي نقل بالبدل وهو الاسهل والاسرع بشرط توافر نفس مادة التخصص والمرحلة والدرجة المالية.
بيناتي:- محمد شلبي زيدان عبد الحميد معلم لغة انجليزية المرحلة الابتدائية الدرجة المالية الثالثة ايميل :- m_sh_muslim4ever@hotmail.co.uk واتساب :- 201112554064 + |
ربنا يكرمك وتلاقي حد
|
ياريت يا استاذة
|
ليه عايز تنقل وتبدل مع حد؟!!!
|
انا يا استاذة لوجين من محافظة سوهاج وخريج تربية عام انجليزي ٢٠٠٩ ونظرا انه مفيش وظايف انتقلت لأسوان لاعمل بالحصة في ٢٠٠٩ شهر اكتوبر بمنطقة صحراوية والله بلاكهرباء او خطوط مياه او صرف صحي حياة صعبة وعشان صعوبتها وانها نائية لقيت فرصة العمل ومن حينها للآن موجود هناك اي علي مدار ست سنوات وبشوف اهلي كل اجازة صيف فقط واحيانا بنص الترم وحاولت اني اعمل ندب كلي ولجأت لكل القيادات ولكن مفيش فايدة وده بسبب تعطيل الموجه العام ورفضه التوقيع بالموافقة حتي علي مجرد الندب رغم انه فيه زيادة كبيرة بالمدرسين في نفس التخصص. تعبت ولفيت كتير ولم يتبقى لي حل الا النقل بالبدل.
|
انت تعيين قرار كام طيب!!!
حاولت تجيب الموافقة من المديرية ومانفعش طيب وبعديت احنا ع ابواب انتخابات وكتير يحب يخدم ماتحاول تشوف حد وتجرب تاني وربنا معاك حاول تسيب خبر النقل بالمديرية بسوهاج او الادارات كان فى حد عامل ندب لاسوان من سنه ف ادارة المنشاة وكان عايز نقل كلي كان بيجدد لعام جديد حاول تسال ف المديرية ع المنتدبين لاسوان واتواصل معاهم ده افضل من المنتدى |
حضرتك انا تم تعييني بقرار 451 وفعلا ذهبت لمديرية التربية والتعليم بسوهاج امبارح الاثنين وحاولت اعرف من الموظف اي حد طالب نقل لأسوان فكان رد الموظف سلبي مرضيش يساعدني وقال لي انا معنديش بيانات لاي حد اقدمهالك. حصلت علي موافقة من الموجه الاول بندب كلي ولكن الموجه العام رفض اعتمادها لجأت لمدير المديرية مفيش فايدة لجأت للمحافظة مفيش فايدة لجأت للتنظيم والادارة ومفيش حل بل لجأت لمدير امن اسوان وهو هنا من جهينة اصلا سوهاجي كواسطة وبرضه لافائدة . عموما لو تعرفي الاستاذ اللي حضرتك بتقولي عليه خليه يتواصل معاي علي رقم الواتساب وهو هو رقم الموبايل. بكده يبدل معايا ومنفعة متبادلة. وانا معرفش اعضاء مجلس شعب حتي يخدمني احدهم سواء بأسوان او هنا بسوهاج. انا متوكل علي الله بعد اخذي بكل الاسباب وهو حسبي.
|
الكلام ده من سنة فاتت
صدفة لقيت واحد عايز يجدد الانتداب لاسوان واستغربت لانها محافظة بعيدة بس قال البدلات هناك افضل والمرتب كمان وماعرفش حاجة عنه تاني انت سالت الاستاذ اسماعيل اللي ف مكتب الانتداب اول واحد عند الباب؟ مش هايفيدك اسماعيل للاسف فعلا سلبي اسال ف ترتيب الوظايف طيب عن حد منتدب لاسوان او روح للمدام اللي لابسه اسود تاني مكتب عند اسماعيل عن انتدابات المنشاة لاسوان عشان تبدل معاه بس الف قصه وقول اختك عايزة تبدل عشان اتطلقت وفى مشاكل لا قدر الله اعمل محاولة تاني اسمع دى قولها اخوك ضيع جواب تجديد الانتداب للاستاذ محمود من المنشاة ومنتدب لاسوان وانت بتسال ع رقم الصادر واسمه بالكامل عشان شيك التكاليف حتى لو زوحتك وقالتلك الانتداب بيتعمل اول عشرة قولها اخوك سافر والمديرية منتظرة الرد عشان المرتب اتوقف انا باعمل كدة هناك وربنا معاك ابقي اديني خبر هنا وصلت لايه |
الاستاذ اسماعيل السلبي بعتني علي الاستاذ اللي هو اخر مكتب علي الشمال جنب الشباك . انا كده اتعرفت اصلا هناك هشوف حد مكاني وجه جديد يقوم بالمهمة دي لاني اتعرفت ليهم هناك وارجوكي وضحي لي من هو الاستاذ محمود؟
|
ولا حد
محمود اسم وهمي عشان تحكي صح قلها مش فاكر اسمه كويس اخويا سافر الخليج ولسه مارنش عشان يقول اسمه بالكامل لو مش عاجبك سميه حسين انا لو نزلت المديرية قريب هابقي اسالك وده صعب شوية |
شكرا يا استاذة هحاول اشوف زميل لي هنا مشفهوش قبل كده لاني صراحة حين سألت قلت لهم جايلكم من اسوان وعايز اعرف اسماء اللي طالبين نقل من عندكم بسوهاج الي اسوان لابدل معهم وصعب اني ارجع ليهم تاني وافبرك القصة دي هروح اشوف اي زميل هنا يقوم بالدور ده. جزاكي الله خيرا
|
انت تبع ادارة ايه ف سوهاج طيب؟
حاولت تسال ف ادارتك طيب !!! |
انا ادارة اسوان كعمل اما كمنطقة سكن فانا ساكن بمدينة سوهاج يعني تابع سكنيا لادارة سوهاج . انا لسه راجع من المديرية وحاولت اني اعرف بيانات الاستاذ المنتدب كليا من المنشاة مرضيوش بحجة ان المنتدبين كتار وعشان يدوروا لي فصعب
|
والمدام اللي لابسة اسود قالت لي اعطني الاسم وانا اشفهولك. يعني برضه مفيش فايدة . انا اشتركت بكذا جروب تعليمي علي الفيسبوك خاص بمعلمين سوهاج ونزلت نفس الاعلان اللي حاطه هنا بالمنتدي وكل التفاعل مجرد لايكات ولاحد دلني علي شئ
|
كنت الفت اى اسم ثلاثي وقولها مش مذكر كويس
قولها هو عالدرجة التالته التخصصية واديها مواصفاتك عشان تلقي حد يناسبك يا اما تنزل ادارة المنشاة او اى ادارة وتسال فيها ع واحد بنفس مواصفاتك عشان تلاقي مكان بنفس درجتك شارك ف اى جروب اسوانى واسال هناك يمكن يدلوك |
| جميع الأوقات بتوقيت GMT +2. الساعة الآن 03:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.