|
هو ربنا عرفوه بالعقل ؟؟؟
السلام عليكم ورحمة الله وبركاته
بصراحة لفتت نظرى المقولة دى وانا مشغل مسلسل جنبى على الجهاز وبصراحة ما ريحتنيش اوى.... ايه رأيكم اولا فى المقولة دى؟؟؟ يعنى ايه ربنا عرفوه بالعقل؟؟؟ هل هى صح ولا غلط...؟؟؟ طبعا انا كلامى بيبقى فى الاخر بس اشوف رأيكم فى المقولة دى وانا جبت مقولة واحدة كفاية.....!! |
والله فعلا سؤالك محير وانا بردو بسمعهاا كتير اوى بس يعنى هى فيما معناها ان العقل هو اللى بيميز الانسان
وتقريبا تتقال لما يكون انساان مش قادر يفهم حاجه او ( مقفل دماغه )بالعامى ،،،،،،،،، تقريبا يعنى ده رأى وشكــــــــــــرا ,,,,,,,,,,,,, |
انا من رأى
ممكن اتكلم مع واحد وهو مش عايز يقتنع بوجهة نظر دينية مثلا فا اقول له شغل دماغك وفكر فى الموضوع ده ما تبقاش ببغان بيسمع ويردد الكلام واقوم قايل له ده ربنا عرفوه بالعقل |
شكرا على مروركم
انا عارف بتتقال ازاى...... مجاوبتوش على سؤالى برضو:d |
أنا من رأيى إن دى قضيه مسلم بيها وهى إن ربنا سبحانه وتعالى عرفوه بالعقل وبجد أنا مش عاوز أتكلم ولا ادخل فى تفسيرات دينيه ولا أتكلم عن ربنا سبحانه وتعالى ولا أقول أى حاجه عشان مدخل فى متاهات وإحتمال أخطأ فيها |
انا مش بدخل فى حاجات دينية
بس ربنا خلق كل اللى حوالينا علشان نعرفه ونعرف انه الخالق علشان كده ربنا قالنا تدبروا فى خلق السموات والارض اكيد علشان نحس بعظمة الله ونعبده |
لو تفتكر قصة سيدنا ابراهيم لما شاف القمر والشمس وكده هنا هو عرف ربنا بالعقل
اعتقد ولست مفتى |
انا مش فاهمه اصلاً هي يعني ايه؟ << ممنوع دخول الأغبياء
شكراً للموضوع |
فى كتاب اسمه (حوار مع صديقى الملحد) للدكتور مصطفى محمود جمله بتقول ان لله عرف بالضمير ولله اعلم
|
يا جماعة انا مش عارف
بس مش هفتى فى حاجة انا مش عارفها انا قولت مجرد رأى |
على فكرة
انا حبيت فيكم ظاهرة ان محدش بيحب يفتى ودى ظاهرة صحية على فكرة تحية خاصة لمساميدو عشان بقالى كتير ما لمحتوش:d اقتباس:
اللى هى قصة سيدنا ابراهيم.....وهتكلم عليها فى تعليقى بس انا بحب اشوف تعليقاتكم وعلى فكرة الجملة دى مش قرآن يعنى اللى عاوز يقول حاجة يقولها وانا ليا تعليق صغنن بس:) |
اعتقد ان اللى مقصود بالعبارة دى
ان زمان مش كان حد يعرف ان فى ربنا (ايام القدماء المصرين يعنى) فلما وجدوا ان فى شمس وفى قمر وليل ونهار فكروا بعقلهم وتوصلوا ان اكيد فى اله هو اللى مسير كل العالم ده ده تفسيرى |
والله مش عارفه انا خايفه افتى يبقى حرام عليا
جزاك الله كل خير |
ياللهوووووووووووووووى
هو دة الى انا خايفة منه ياجماعة اقسم بالله هتتحسبوا عالكلام الى انتوا قلتوه دة مش عارفين اسكتوا من قال لا اعلم فقد افتى عقل اية الى عرفنا بيه ربنا امال فين الرسل والانبياء فين القرآن والانجيل والتوراة اية بقى فى اية عقل اية الى بتتكلموا عنه ياريت ياجماعة متدخلوش فى الامور دية والله عمالين تغلطوا والعداد عمال يعد |
وبعدين ايه بقا المطلوب مننا اننا نعمله
يعنى ايه الرد المطلوب وبعدين ايه السؤال الغريب ده؟؟؟ ربنا يهدى يارب |
| جميع الأوقات بتوقيت GMT +2. الساعة الآن 03:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.