بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- قضايا سياسية وأخبار مصرية وعربية وعالمية (https://www.thanwya.com/vb/forumdisplay.php?f=79)

- - قول للسيسي .. شكراً (https://www.thanwya.com/vb/showthread.php?t=658337)

قول للسيسي .. شكراً

مع مرور أول سفينه في قناه السويس 2 اليوم السبت
الموافق 25يوليو 2015 الساعه10ص ( مرور تجريبي )

قول للسيسي شكرا
لانه لومعملش اللي عمله كنت هتلاقي مراتك بتتباع ف سوق النخاسه زي بغداد والموصل

قول للسيسي شكراً
لانه لو معملش كدة كنت هتلاقي المعادي والدقي والمهندسين زي حلب وتدمر ودير الزور في سوريا

قول للسيسي شكراً
لانه لو معملش اللي عمله كنت هتلاقي اخوك بيموت ابن عمك قدام عينك وجارك اليمين بيموت جارك الشمال..زي درنه وبني غازي ف ليبيا

قول للسيسي شكراً
لانه لو معملش اللي عمله كان زمانك تايه ف حرب الشيعه وحرب السنه زي عدن في اليمن

قول للسيسي شكرا
لانه لو معملش اللي عمله كان زمانك بتصيف مع ابو لهب في سينا وكان زمانهم اعدموك بالخازوق

قول للسيسي شكراً
علي منظومة الخبز .. بعد ماكنت بتقف في طابور العيش .. دلوقتي العيش بتجيبو بالكرت

قول للسيسي شكراً
علي التموين اللي بتاخدة بملاليم.. زيت وسكر وشاي ورز

قول للسيسي شكرا
علي انابيب الغاز اللي بتجيلك لحد البيت

قول للسيسي شكراً
علي الكهربا اللي مقطعتش ولا مرة في رمضان وانت صايم

قول للسيسي شكراً
علي مؤتمر شرم الشيخ الاقتصادي
علي حفر قناة السويس الجديدة
علي الكباري وشبكة الطرق الجديدة
علي تجديد المسرح القومي وميدان التحرير
ومحطة مصر ومعظم معالم البلد الثقافيه
علي صفقة طيارات الراڤال
علي رفع راسك بين شعوب العالم
علي قيمتك اللي رجعت وسط الناس تاني

هقولك ايه ولا ايه علي السيسي الراجل اللي ف سنه واحدة
قدر يرجع مصر للطريق الصحيح.. الكلام ده مش منقول ولا هو فتي
ولا هو كذب ولكنه اعجاب بشخص بطل صنعته الظروف

تحيه لشخص الرئيس
عبد الفتاح السيسي
واحب اقوله .... شكرا

للفناكيش
قافله السفن التي تمر من المتوسط للأحمر أو العكس تتكون من
حوالي 40:45 سفينه .. متوسط طول السفينه من 100 : 700 متر
يعني المسافه المطلوبه لاتقل عن 20 كيلومتر مع فارق المسافات
ونقاط الخدمه في تلك القناه .. يكون المطلوب كالموجود فعلا
المشروع عملاق ويحتاج المزيد والمزيد .. مش جمعيه هنقبضها الأول

شكرا على الموضوع استاذى الفاضل

شكرا أستاذي الفاضل الفيلسوف علي المرور

شكرا لشعب المستحيل

جزاكم الله خيرا أستاذنا الكريم

شكرا للمرور.. أستاذ / رضا الجوهري

والى يغيظك لما تقول لحد دا عمل كذا وكذا يرد عليك (برد) يبينلك انه مش فاهم حاجة يقولك دا (سيسى) وانتو يعنى نسيتو اسمه الكامل محمد عبد الفتاح

مننكرش انة عمل حاجات كويسة كتير
بس المعلم ياريس مظلوم اوي ومهان عايزين عدالة اجتماعية في الرواتب

؟؟؟؟

بس انتوا نسيتوا تشكروا سيادة الرئيس علي حاجات اهم
-علي الالاف اللي سال دمهم بلا ذنب.
-علي المصريين اللي ات***وا وبيت***وا كل يوم.
-علي الجثث اللي تم حرقها .
-علي الاجساد التي تمزقت وخرجت احشاؤها.
-علي الالاف من الشباب اللي مليين السجون
-علي الامهات اللي اترملت والاطفال اللي اتيتموا
-علي الكرامة التي امتهنت.
-علي مصر التي لبست ثوب الحداد
وفي النهاية اليس هو رئيس الجمهورية وهو مسؤل عن كل ذلك امام الله؟
علي فكرة بعد ان تقرا هذا التعليق وتنهال علي بالسباب والشتم والتخوين تذكر قبلها انه "ما يلفظ من قول الا لديه رقيب عتيد"

اقتباس:

المشاركة الأصلية كتبت بواسطة ان الحكم الا لله";6254591]بس انتوا نسيتوا تشكروا سيادة الرئيس علي حاجات اهم
[font="arial

واجب علينا نشكره برده علي كل حاجه

[/font]-علي الالاف اللي سال دمهم بلا ذنب.
الألاف دي كانت رايحه تشم هوا ولا تأزأز لب .. كانت معطله مصالح الناس
وبتساعد علي ضرب نظام الدوله .. وبتخطط لأفكار الشعب كله رفضها
والناس إدوهم فرصه وممر آمن يخرجوا منه .. لكنهم إفتكروا أنهم أكبر
من الدوله .. وماشافوش إن كل القاده الكبار بتوعهم .. هربوا وسابوهم
لمصيرهم يواجهوا الموت بأفكار ومعتقدات مغلوطه ..

-علي المصريين اللي ات***وا وبيت***وا كل يوم.
ماشفناش إلا شويه إرهابيين في سينا .. أو خوارج بيحاربوا الدوله

-علي الجثث اللي تم حرقها .

لعبه وحكايه .. بيستعطفوا بيها قلوب البسطاء .. زيك ومن هم مثلك

-علي الاجساد التي تمزقت وخرجت احشاؤها.
فيلم محبوك .. بصور كتيره

-علي الالاف من الشباب اللي مليين السجون
كل نفس بما كسبت رهينه .. ياتري هما عملوا إيه ؟؟؟؟؟؟

-علي الامهات اللي اترملت والاطفال اللي اتيتموا
ياريت من ضلوا الطريق .. كانوا فكروا إن الخونه لايصدقوا في أقوالهم
بل وضعوهم وقود لأفكار حرقتهم هم أول من حرقت

-علي الكرامة التي امتهنت.
الكرامه الداخليه .. لم يحدث إلا لمن هانت عليه نفسه فهان علي الناس
خارجيا .. تغيرت الصوره المهينه من جراء حكم الإخوان التافه المقيت ..
وتستعيد مصر مكانتها ومكانتها .. بصور أفضل .. لكل ذي بصر وبصيره

-علي مصر التي لبست ثوب الحداد

مصر عروسه .. إستردت شرفها إللي أهين وأرادوا زفافها علي خونه .. لكن
برجالها وأهلها .. نفضوا عنها عار العام الإسود الإخواني .. وأول مواليدها بعد
6 أيام .. فرح قناه السويس 2

وفي النهاية اليس هو رئيس الجمهورية وهو مسؤل عن كل ذلك امام الله؟
ربنا يعينه .. ويساعده .. علي هموم كبيره قوي ..

علي فكرة بعد ان تقرا هذا التعليق وتنهال علي بالسباب والشتم والتخوين تذكر قبلها انه "ما يلفظ من قول الا لديه رقيب عتيد"

نفسي في مره تشيلي نظاره الإخوان .. وتقرأي تعقيباتي علي ماكتبتي
وأقسم بالله .. إني لامصلحه بيني وبين هذا الرجل .. سوي حب مصر
مصر التي مرغتوا شرفها .. بالتراب .. ربنا يهديكي .. ويهدي الجميع

======================

في ناس كتير قرأت المكتوب وريحت دماغها ولم تعلق فأرجوا من الجميع ان يصبروا ويحتسبوا فنحن في فتن لم تمر بلاد المسلمين من قبل

اقتباس:

المشاركة الأصلية كتبت بواسطة هبهابراهيم (المشاركة 6254674)

==================================
شكرا لمن شاهد الموضوع .. حتي ولو لم يعلق

كاتب الموضوع مفتون والمعلقون مفتونون احنا مشفناش حاجة لدلوقت غير الغلاء فى كل شىء عدم الامن فى البيت والطريق انتظروا ربما يأتى الله بالفرج على يد ه او يد اى انسان آخر ييسره ربنا من اجل هذه البلد المسكين

الحمد لله على نعمة العقل

:078111rg3: اشكرك يا سيسي