|
هاموت من الحيرة .... اسنان ولا طب بشرى ؟؟؟
انا مريم دفعة ثانوية 2015 الحمد الله جبت 99.4
ومحتارة بين اسنان وبشرى ....بس قبل النتيجة كنت عايزة اسنان لكن بعد كدة اهلى قالولى حرام المجموع وادخلى طب احسن بس المشكلة انى الاول كنت علمى رياضة يعنى عمرى مافكرت فى طب .... و دلوقتى عايزة اسنان بس الناس قالتلى كليه مش حلوة مفهاش ابداع لكن طب ممكن تبدعى فيها عشان تخصصتها كتير وكمان العيادة مكلفة قوى وفى الاخر محدش هيجليك ..... فاتلخبط تانى واحتارت ومبقاش فى وقت .... باب التقديم هيقفل يوم الاربع؟ بجد لو حد يقدر يفيدنى ويقول رايه هاكون متشكرة قوى |
نصيحتى أسنان
لأنك أولا بنت ثانيا أنت مش فارقة معاك التخصص أما من ناحية المرضى والعيادة فالأرزاق بيد الله وحده نصيحتى :طب بهدلة بهدلة بهدلة انا مش بمنعك من دخولها أنت حرة فى قرارك بس افتكرى أنى حذرتك (لو ادخلتى برضه استحملى ومترجعيش تعيطى) |
وانتى تتعبى ليه نفسك هتلاقى كل واحد يقولك رايه هو الشخصى ممكن يكون صح وممكن غلط اعملى صلاة استخارة النهرضة وبكرة اعملى التنسيق................. كله على الله
|
والله انا شايف تعملي استخاره ........ ورايي طب بشري بس اهم حاجه يكون عندك الرغبه في اي كليه تدخليها
|
| جميع الأوقات بتوقيت GMT +2. الساعة الآن 11:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.