الترقيه من معلم اول ا الى معلم خبير
 

للساده المسئولين عن المهيات ماذا سوف يتغير فى المرتب من الترقيه من معلم اول ا الى معلم خبير

حضرتك هتزيد 25 % من الاساسي و تنقص 25 جنيه فقط
و يا ريت ما تسمعش كلام الاستاذ فاارس علي لانه واضح انه من اعداء الوطن و دا واضح من خلال مشاركاته

شكرا للك يااستاذ ناصر

لو سمحت يااستاذ ناصر ال 25 جنيه يتم خصمهم من ان اى بند ولك جزيل الشكر

بدل الاعباء الوظيفية بالنسبة للمعلم اول ا هو مبلغ 350 جنيه وبالنسبة للمعلم الخبير 325 جنيه وبالتالي فان الاعباء تنقص 25 جنيه

الف مليون شكر لك وعلى زوقك واهتمامك ياستاذ ناصر

العفو يا افندم

انا اترقيت العام الماضى فى شهر 10 من معلم اول ( الى معلم اول ا ) وراتبى نقص 120 جنيه وانا الان على الدرجه الاولى اصبح اللى على الدرجه الثانيه معلم اول بياخد راتب اكثر منى ولا زال الخصم مستمر منى ومن كل الزملاء وتقدمنا بشكاوى ولا حياة لمن تنادى ومش عارفين حقوقنا فين ولا حد عارف حاجه فى اى حاجه اللى غايظنى ان الدرجه الاقل اصبحت تاخد اكثر من الدرجه الاعلى انا بيتهيئلى الكلام ده مايحصلش الا فى مصر بس

اولا عند الترقية من معلم اول الى اول ا المفروض ان بدل الاعتماد يظل كما هو و لا يزيد وتنقص فقط مبلغ 25 جنيه بدل اعباء
و لكن في حالتك يبدو ان الاساسي دخل شريحة خصم اعلى في الضرايب او فيه خطأ معين اذهب للادارة لمراجعة مرتبك واذا لم يلبوا طلبك اذهب للمديرية و اطلب استخراج تدرج مرتب منذ بداية تعيينك وده سهل عمله من خلال الكارت الخاص بك عندهم و على الاقل افهم السبب
الرجاء التحرك في هذه الاجراءات لاخذ حقك و بلاش نردد العبارات الهدامة مثل لا حياة لمن تنادي و غيره
و ختاما اتمنى لك التوفيق

الاستاذ فارس قال المرتب هاينقص 25% وده اللى حصل معايا انا وزملائى ورحنا الاداره قالو احنا صح اشتكينا فى النيابه الاداريه قالو انهم عندهم تعليمات بالخصم لحين ورود جديد

اخي العزيز
الموضوع اساسا عن الترقية من معلم اول ا الي خبير و ما ذكرته انا صحيح و طبقا لما حدث معي شخصيا وفي هذا الشأن كلام الاخ فارس خطأ تماما
اما بالنسبة لحالتك خلاص اسمع كلامه براحتك
انا قلت اللي عندي و قلت لك اشتكي و طالب بحقك و حضرتك اشتكيت و عرفت ان ده صح يبقى صح
و بعدين لاحظ اني قلت المفروض لكن هما ليهم وجهة نظر تاني

لك التقدير والأحترام

لا يا افندم
بدل الاعباء مبالغ ثابتة و ليست نسبة مئوية و هي تتدرج بنقص 25 جنيه كلما ارتقيت في مستوى الكادر و دي معلومة انا متأكد منها و يا ريت تسأل مسئول الماهيات في محل عملك و اذا كنت عايز تتأكد تمام انا هارفعلك القرار الخاص بيها بس انا حبيت ارد دلوقت ع السريع و بكرة بالكتير هارفعلك القرار

و بعدين انت فاهم كلامك رايح فين و جاي منين ؟
فيه حاجة اسمها هيزيد 25% من ناحية و يقل 25% من ناحية تاني يبقى الناتج بضعة جنيهات بالنقص او الزيادة
ما شاء الله!!!!!
ده كلام ده يا متعلمين يا بتوع المدارس

على فكرة القرار موجود بصفحة 2