الى كل الاسكندرانية عايزة اعرف حاجة ضرورى جدا
 

:(في منطقة رشدي أحد أرقى مناطق الإسكندريةوفي واحد من أهم شوارع الإسكندريةتقع هذه العمارة.. عمارة قديمةكنها ومنذ بنائها في الستينات إلى اليوم مغلقة ولم يسكنها أحد على الإطلاق، والسبب الذي يحكيه الناس هنا بسيط جداً، لأن هناك آخرين سبقوا الجميع وسكنوا فيها.. إنهم.. بسم الله الرحمن الرحيم.. العفاريت مشهد العمارة فعلا يجعلك تشعر بالقلق حتى وإن لم تكن مؤمناً بقصص العفاريت والأشباح ياجماعة انا نفسى اعرف موضوع العفاريت ده حقيقى ولا لآ ويا ترى انتو سمعتوا عن اى حاجة عن العمارة دى
يا ريت ترضوا عليا
انا كنت عايزة اجبلكوا الصور بس مش عارفه اجبها ازاى

انا من المنصورة مش من اسكندرية بس وانا راحة اقدم فى الكلية ماما قالتلى عن موضوع العمارة دى بس احنا منعرفش هى حقيقة ولا لا

ا ايوه يا ساره حقيقى

لان انا سمعت عنها كتيررررررررر وسمعت ان صاحب العماره وهو بيبنى العماره دى حط تحتها مصاحف هو طبعا نوع من التخلف

اعتقادا منه ان بكده ربنا هيحفظ له العماره

وطبعا مافيش حاجه بتكون اعلى من كلام ربنا والله اعلم برده بس دى حقيقه ان فيه عمااره فى رشيدى فيها كده

انا الصراحه مسمعتش عنها ...انا من جليم...ونزلت كتير رشدي بس عمري ماشوفت العماره دي

انتي جيتي على الجرح

انا بحب العمارة دي قوي :rolleyes::rolleyes:

بصي هي عمارة 5 او 6 ادوار كل شبابيكها وبلكوناتها مفتوحه والعمارة بابها مسدود بالطوب الاحمر بس فيها جراج تحت ومفتوح عادي بس محدش بيحب يدخله

القصص حوالين العمارة دي كتير جداااااااااااااااا

اللي يقول انه كان تحتها مصاحف واللي يقول ان اللي كانوا بيبنوها قتلوا بعض (اخوات 2)

واللي يقول انه كان المفروض تبقى جامع بس عملوها عمارة والعمارة دي فعلا اسودت من بره خالص زي كأنها محروقة

والقصص اللي حصلت جواها كتيرررررررر برضه منها ان العفش يترمى من البلكونات وكلاب الحراسة تتقل والاسانسيرات تتعطل وحاجات كتير كده


واللي ميعرفش مكانها هي على شارع ابو قير يعني وانت جاي من عند ديب مول افضل ماشي طوالي ناحيه مصطفى كامل كده على نفس الرصيف كأنك رايح على كيروسيز مول


الغريب ان كل العمارات اللي حواليها عايشين عاااااادي بس فيه عمارة جديدة بتتبني قدامه بالظبط يعني اللي يبص من بلكونته يبص عليه طوالي

انظر الصورة المرفقة

انظر الصور المرفقة

انا مش من الاسكندرية
بس فضولى خلانى ادخل

وشفت الصورة

هى العمارة دى ادفنت ورجعت تانى؟؟

عمارة رشدي عمارة غريبة جدا العمارة اللى اتبنت من الستنيات تقريبا ومن يوم ما اتبنت لحد دلوقتى لم يسكنها احد ويقال انها مسكونه ... بعيد عن ودن السامعين ... الغريب برضه اننا من صغرنا بنسمع كلام كتير عن العمارة لدرجة انى واحد من الناس اللى رسمتلها فى خيالى صورة من افلام الرعب ... حاجة كده زي قلعة دراكولا .. او تشبها وممكن تسمع فلان اللى يقولك انى كان لى واحد صحبي كان شغال فى البنزينه اللى فى وشها وكل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير

او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده


وطبعا الرأي المشهور فى سبب قفلها هو رأي العفاريت ...



وطبعا فى اللى بيقول انها اتسكنت عشان هى اصلا كانت مسجد وصاحبها طمع فى الارض وهد المسجد وبناها

ومنهم اللى بيقول ان صاحبها ندر ندر لو ربنا عطا له فلوس وقدر يبنيها هيعمل الدور الاول مسجد ولما اتبنت طمع فيها

وفى اللي بيقول انها اتبنت على مصحف وقع من واحد من العمال

وفى اللى بيقول انهم كانوا مجموعة شركه ونصبوا على واحد فيهم فرملهم عمل وهما بينوا وطلعت العمارة عليه

وفى اللى بيقول ان العمارة صاحبها بناها ومات على طول ومازل فى خلاف بين الورثه حتى الان

وفى اللى بيقول ان الوريث الوحيد بره مصر وطلع الاشاعة ديه عشان محدش يسرقها وهو مش موجود

طب ما دام كده يبقى انا حعمل موضوع كامل

فانتظرونا