بوابة الثانوية العامة المصرية

و لو تسألني عن نفسي ...
ولو تسألني عن يأسي ..
أقولك إني مش عارف !
في أغلب وقتي أنا خايف
و باقي الوقت ... مش عارف !
و ببعد عني أحبابي ..
و أنا عارف بإني هموت
يدق الحزن أبوابي
و أبكي من زعيق الصوت
حقيقي بجد مش عارف
و لا لاقي كلام يتقال
يصلح وضع كان معدول
ولو له لزمة أديني بقول
أنا آسف .. أنا آسف
أنا كل اللي يسمع عني
يقول أشعار
ولو مرة قرب مني ..
هيعرف إني .. واحد عادي
ويتمني كأنه معرفنيش
لأني حقيقي بتلون
وبتغير .. وحتي مرايتي متشوفنيش
و أنا أصلا مبعرفنيش ..
فببعد عني أحبابي
و أقنع نفسي بأسبابي
و أقول ع الكل و بناقص
وكل الدنيا فيها عيوب
و أنا بس اللي مش ناقص
هتفرق يعني لو كملت !!؟
هييجي اليوم وتكرهني
وهتقولي ياما اتحملت
ما كل الدنيا فيها نفاق
فمش تفرق
فراق بفراق ..
و أفضل تايه ..
ومش راسي ولاقي بر
و أنا ياما شفت كتير
و أشوف الدنيا في الشر
و أنا بس اللي فيا الخير
أتاريني معبي ذنوب
وكل الدنيا دي صالحة
و أنا بس اللي كلي عيوب ..
ما أنا عارف !!
و إيه يعني
يبعد عني كل الناس ..
وتكرهني .. وتندم لما تعرفني
ما انا اتعودت أعيش وحدي
و أمسح دمعي من خدي
عشان أظهر مبتأثرش
و أنا ياما كتير قلبي اتكسر
و عشان كدا مبقتش أتأثر
مبقتش بميز ألوان
كل الدنيا شايفها أسمر ..
صدقني صلاحك في بعادنا ..
و أنا بحلف بميت لحظة
تشهد إني أنا مشتاق
لكن أصلا مهياش فارقة
فراق بفراق ...