3 حصص في اليوم
 

اقترح على الازهر اليوم الدراسي يكون 3 حصص فقط مدة الحصة ساعة وساعة نشاط يعني الاجمالي 4 حصص (من الساعة 8 الى الساعة 12) وده مع تخفيف وتعديل المناهج امر مناسب جدا ومنطقي وهيناسب كل الناس وكمان الطلبة هتستريح من الضغط الشديد للمواد والشرح اللي فوق بعضه ومحدش بيفهم حاجة في الاخر

واليوم الدراسي يكون كالتالي كمثال للاسترشاد:
الحصة الاولى: مادة شرعية
الحصة الثانية: مادة ثقافية
الحصة الثالثة: نشاط (فسحة + انشطة مختلفة)
الحصة الرابعة: مادة عربية

النظام ده لو اتطبق الازهر هيشد الطلبة من البيوت وفي ظرف سنتين التعليم العام هيتلغي لانه هيحول كله للازهر بس يتطبق صح وبحرفية والطالب ياخد وجبة حلوة كدة في الحصة الثالثة ويلعب ماتش مع شوية ترفيه هيبقى تمام لان التعليم بالطريقة الحالية سجن وحشو ومعتقل اجباري ومحدش راضي والنتيجة زفت والطلبة قرفانة واولياء الامور مستاءين وفي الاخر الطالب بيطلع حمار مش عارف يكتب اسمه لان الدنيا مطربقة فوق دماغه لكن كده احنا هنروقه ونديله القدر المناسب اللي يقدر يفهمه ونروحه بدري هو والمدرسين فالناس دي كلها تيجي تاني يوم فايقة ورايقة ومستعدة ونشيطة وطبعا ده اقتراح مبدئي ممكن يتعدل، ايه رايكم في هذا الاقتراح؟

الكلام ده صعب يتحقق... لأن ببساطة الإدارة الحالية تريد إرهاق المدرس والطلاب وأيضا أولياء الأمور... وشئ كهذا يتطلب حذف كمية كبيرة من المنهج... فمثلا مادة القرآن الكريم لا يمكن أن تدرس بحصة واحدة يوميا إلا إذا تم إلغاء حوالى نصف المقرر... وهذا لن يحدث طبعا.