هام لكل المعلمين
 

ما رأيكم فى أن يكون الدكتور جمال زهرلن الرجل المخلص الذى يدافع دائما عن حقوق المعلمين وزيرا للتربية والتعليم

اذا كان دكتور تربوي يعني متخرج من كلية تربية و الدكتوراه بتاعته ف التربية و ياريت يكون مارس مهنة التدريس قبل ما ياخد الدكتوراه
اذا كان كده اهلا و سهلا بيه
غير كدا ما يلزمناااااااااااااااااااااااش
كفاية بقى تعبنااااااااااااااااااااااااااااا
مرة دكتور اطفال و مرة مهندس حاسبات و مرة....... و مرة..........
يا ريت كمان يقدم برنامج وزاري على غرار البرنامج الرئاسي و يكون عنده رؤية واضحة

ثق مليار فى المية انه لا مكان لمن يريرد الاصلاح ...طبعا انت حر تصدق او تنكر .

اسمه دكتور محمد زهران
اذا كان انت مش عارف اسم الراجل اللى طالع عينه عشان خاطرك يبقى المسئولين هيعرفوه
يا مرارتى اللى اتفقعت

فاكرين أبو عيطة؟;)

الكلام دا كان ف العصور السابقة انما دلوقت لا و اديك هتشوف

هـ؟
ونصرفها منين هـ؟
لما تبقى تعرف تشيلها من الفعل ابقى اتكلم زى ما أنت عاوز.

انظر حولك ستجد انه لا مكان لمن يريد الاصلاح !!!!!!!!!!!!!!!!!!!!!!!!!!
وانظر بعد ثورتين من هم القائمون مثلا على وزارة التربية والتعليم وهل تغيرت الافكار العقيمة التي تسببت في دمار التعليم؟؟؟؟؟؟؟؟؟؟؟؟؟؟؟؟؟؟؟؟؟؟

نتكلم باللغة العربية الفصحى شوية
سترى مصر تتقدم في ظل قيادتها الحكيمة واضحة الرؤية صاحبة النهضة الحيقية و ليست طائر العنقاء ( ما يقابل الفنكوش في اللغة العامية) و ليس فقط بقيادتها و لكن بسواعد الشرفاء من أبنائها و المطالبين بحقوقهم دون التجريح في احد
و في هذا الصدد سيقوم مجموعة من المعلمين بعمل وقفات احتجاجية يوم 31/8/2015 للمطالبة بتفعيل المادة 89 من قانون الكادر 155 لسنة 2007 و ذلك بعد اذن وزارة الداخلية حتى تكون في اطار قانوني و أنا واثق مئة في المئة سنأخذ حقنا إن شاء الله

اما بالنسبة لحرف الهاء يقابله في العربية الفصحى سين التسويف أو كلمة سوف
و اذا كنت في احتياج لتقوية في اللغة العربية فنحن في الخدمة

و ختاما قلت لك سابقا ان عجلة التاريخ لا ترجع يوما الى الوراء وحكم (اللي بالي بالك) لن يرجع ابدا لن يرجع ابدا لن يرجع ابدا
دا من الآخر يعني

لت وعجن ومزايدة وتهويش وتخوين وتطاول واستفزاز وبعد كل ذلك رجعت فى الآخر لنفس النقطة وهى أنك لا تملك إلا الوعود وهنأخذ حقنا وهيحصل وهنشوف وبكرة ...ونحن لا نأكل منها ولا نعتاش عليها.
عندك قطار المفروض يكون رايح من القاهرة للاسكندرية وبعد ساعة وجدته فى بنى سويف بوعد يبقى مفيش حاجة اسمها انتظر وهيحصل وهنشوف.

و انا مين عشان ادي و عود ؟ ولا ماسك مفاتيح وزارة المالية و البنك المركزي؟
ايه الكلام الغريب دا؟!!!!!!!
واضح ان الحالة متأخرة أوي

باللغة العربية شوية؟!
فلنجعلها شويتين .. عمت أبلج أى هذا البطاقى هل من رحيلة مسترطبة لثغر منبعج؟!
ههههه ربنا يرحمك يا فؤاد المهندس.

يعنى مفيش غير الطيور مفيش حاجة تمش على الأرض ولا حاجة نعرف نمسكها؟!!
ومفيش فى العربية غير السين وسوف وترجمة الفنكوش؟!!
زى ما كنت واثق كدة فى جهاز اللواء عبد العاطى ولا أكثر؟ يهمنى اعرف الإجابة أصل مية فى المية دى بقت درجات زى ما انت عارف.
هههههه ربنا يشفى
مين اللى بالى بالك دول؟!
هو فيه حد حكم سنة ولا حاجة من غير ما ندرى؟!
قلت لك الساعة واقفة.

كفاية عشان الكلام هيكتر و هنتهور على بعض و الموضوع هيتحذف كالعادة

جهاز اللواء عبد العاطي تم تأجيل العمل به لحين التأكد تماما من جدواه و اذا ثبت جدواه سيستخدم و اذا ثبت عيب و لو واحد ف المية سوف لاييستخدم و انا واثق انه لو ثبت انه فنكوش سيعاقب صاحبه لان الجيش مش بيلعب و فيه محاكمات عسكرية سريعة

اتكلم عن نفسك أنا والحمد لله لا أتهور ولا أستفز.
بالنسبة للرغبتك فى حذف الموضوعات كلما شعرت بالحرج والعجز عن نصرة قضيتك بطريقة منطقية وسليمة فمن المؤكد أن ذلك لن يخدم قضيتك التى تستميت فى الدفاع عنها وربما يشير إلى أشياء أخرى إذا تمت الاستجابة إليه!!!