|
حكاية حصلتلى
من كام يوم كده كعادتى بصلى ركعتين قبل ما انام وبعد اسبح واذكر الله (( الحمد لله )
المهم وانا نايم حسيت مرة انى نفسى مكتوم وريقى ناشف ومش عارف اعمل ايه حسيت انى خلاص هموت ودى النهاية بس ما نمتش خالص وعمال اقرأ قرآن واقول الشهادة وعينى دمعت وفضلت قاعد لحد الفجر وانا مش حاسس بالوقت بس الاذان لما اذن قومت على طول وصليت الفجر وانا بصلى الفجر حسيت خلاص ان دى آخر ركعة اصليها واتمنيت انى اموت وانا ساجد المهم خلصت صلاة وقلت اقوم اريح على السرير كده واسبح برده وانا ماسك السبحة وبذكر الله نمت وما حسيتش بحاجة فتحت لقيت الشمس طلعت وانا عايش قولت الحمد لله ان شاء الله اعمل كتير لانى مهما عملت فى عمرى الصغير ده مش هيساوى شكر الله على نعمة واحدة بس انا حبيت اقول الموضوع ده ليكم علشان فى ناس للاسف بتتهاون بعمرها وتقول احنا لسه صغيرين الموت بيجى فى اى وقت واى مكان |
جزاك الله خيرا
|
جزاك الله كل خير
ياااااااااااااارب توفنا وانت راض عنا |
ياااااااااااااااااااااااا ميدو لو حلفتلك ان الموضوع دة حصل معايا فعلا
احساس صعب اوى تحس انك ولا حاجة بس انا للاسف يوم ما حصلى كدة قعدت اقرا قران وبس من على السرير ما كنتش قادرة اققف اساسا |
انا حصلى مره فى اعدادى وكنت متيقنه انى خلاص هموت ..واليوم ده كان البيت كله راضى عنى ..وكان فى استقرار ..فصليت
ودخلت انام ..بس صحيت تانى ..انا بجد نفسى اموت وانا على طاعه الله ..لانها حاجه ماتقدرش بكنوز...ونفسى ربنا يبعدنى عن اى حاجه تغضبه ... |
فلا الموت في اي لحظة و بيجي فجأة
و ياريت كل الناس فعلا تحس بكده و شكرا علي طرحك للموضوع |
شكرا يا جماعة على مروركم
بس والله كانت لحظات صعبه جدااااااا يارب احسن خاتمتنا |
ربنا يديك طوله العمر ويحسن خاتمتك يارب
|
تصدق ان فيه يوم بليل حسيت انى هموت النهاردة(يعنى فى اليوم ده) فضلت فى اليوم ده استغفر ونمت وانا ببكى وادعى ربنا يغفر لى وده كان من 3 سنين وانا لسه عايشة اهو
شكرا على الموضوع فعلا لازم نعرف ان الموت بيجي فجأة من غير سابق انذار |
اللهم احينا وامتنا علي طاعتك
بجد شكر ليك يا ميدو |
أنا الموضوع ده حصلي من سنة ونصف تقريبا رجعت من صلاة العشاء ، وكانت روحيا عالي جدا ، وبعدين رجعت البيت لاقيت نفسي مش أقادر أتنفس وحاسس إني خلاص بموت وكنت ساعتها فرحان وراضي إني ألاقي ربنا وكنت بقولهم خلاص هقابل ربنا وكان يوم جميل من أجمل أيام حياتي عندما تكون راضي وسعيد ومطمن إلي لقاء الله وبعدين نمت علي السرير ومقتنع إني خلاص هموت النهارده وماسك السبحة وسبحت كتير ونمت ولاقتني صاحي مرة تانية فزعلت ومش ببالغ
فسبحان الله الذي أحيانا بعد ما أماتنا وإليه النشور |
| جميع الأوقات بتوقيت GMT +2. الساعة الآن 08:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.