|
محتاجه رأيكم
السلام عليكم طبعا حضراتكو عارفين ان انا لسه ماسكه الاشراف جديد اكيد مش عندي خبره بس بنحاول نتعلم المهم دخلت قسم محمد رسول الله وبما انه قعد لفتره معليهوش مشرف فمكانش فيه متابعه لقيت مواضيع مثبته حوالي 6 المهم ميهمش العدد بس المهم لقيت مواضيع تانيه تحتاج تتثبت ومش من العدل ابدا ان موضوع يكون خد حقه في التثبيت لفتره ع الاقل لحد ما عدد كبير من الاعضاء شافوه وموضوع تاني يحتاج يتثبت لانه مثلا مهم وبينزل علي هيئة حلقات او ما شابه ميتثبتش لمجرد ان المواضيع المثبته كتير المهم اللي انا عملته اني لغيت تثبيت 3 موضوعات اللي فاكراه ان واحد منهم كان لاستاذ ضياء لدين وواحد كان لنيره وثبتت موضوع لهيام سمير لاهميته بتاع المسابقه الممهم خلص الموضوع لقيت موضوع في اهداءات لاستاذ ضياء بيقول فيه انه هيمشي والسبب ان في موضوعين ليه اتلغي تثبيتهم في اسبوع واحد وواحد منهم اللي انا لغيته جيت ارد عشان اوضحله وجهة نظري المنتدي كالعاده وقع ونيره برده بتعتب عليا ازاي موضوع مهم يكون متثبت وانا الغي تثبيته طيب انا مش هتكلم بس انتو شوفولي حل انا عايزاكو تشوفوا المواضيع هي كويسه جدا ومفيده جدا بس في مواضيع تانيه بنفس القيمه محتاجه تتثبت ومش لاقيه اللي يثبتها المواضيع اللي اتلغي تثبيتها هي فضل الصلاة علي النبي صلي الله ليه وسلم http://www.thanwya.com/vb/showthread.php?t=35315&highlight=%C7%E1%D5%E1%C7%C 9+%C7%E1%E4%C8%ED والموضوع التاني النبي والقرآن في رأي الغربيين http://www.thanwya.com/vb/showthread...D1%C8%ED%ED%E4 وانا بكرر ان انا ملغيتش تثبيتهم غير لان في مواضيع تانيه محتاجه تتثبت وياريت تلقوا نظره علي القسم وتشوفوا المواضيع المثبته ولو حد في حضراتكو شايفني اخطأت ياريت ميترددش ويقوللي ويرجع كل حاجه زي ماكانت ولو حب استاذ اشرف يشيل اشرافي مفيش مشكله لاني وقتها مش هكون كفء في ادارة القسم والمواضيع المثبته حاليا موضوع لهيام مهم جدا وبينزل حلقات يوميه وبعدها اتاذ محمود ثبتلها موضوع تاني مهم برده وموضوع قوانين القسم بتاع استاذ عصام وموضوع تاني في موسوعات الاحاديث لاستاذ عصام وموضوع سجل حضورك بالصلاة علي النبي صلي الله عليه وسلم بس ده الموضوع ومحبتش اعمل حاجه من غير مشورتكو وماخاب من استشار وياريت كل مشرف يقول رأيه بصراحه من غير مجامله وانا منتظره الردود |
بصى يا سندرلا ده قسمك ومن حقك التصرف فيه كما تشائين بدام فى الصالح العام وإنتى بدام شرحتى وجهة نظرك لكل عضو تم فك تثبيت موضوعه يبقى خلاص مفيش عليكى أى لوم ثم إن مش معقول الموضوع اللى يتثبت مش هيتشال تثبيه أبداً يعنى دا شىء طبيعى وسنه الحياه كده مره فوق ومره تحت عمرك ما هتفضل على القمه وربنا يقدرك على إداره قسمك على أكمل وجه |
اقتباس:
يعنى اعملى اللى عليكى بس حاولى توضحى وجهة نظرك للعضو اللى هتلغى تثبيت موضوغه او هتحذفى موضوعه مثلا انا لما باجى احذف موضوع برد فى الموضوع الاول واوضحله انى هحذف الموضوع واستنى لما يرد على كلامى وبعد كدا بحذفه من الاخر اعملى اللى عليكى القسم اعتبريه ملكك لكى مطلق التصرف |
مش عارفة هما زعلانين من ايه يعنى هو المواضيع ال هما عملوها مفيش زيها ولا حاجة اكيد فى مواضيع تانية احق يا بنتى انتى تعملى ال انتى عايزاه قسمك وانتى حرة تعمليه فيه ال انتى عايزاه طالما من وجهة نظرك ان دا الصح |
تصرفك صح يا سندريلا
المواضيع اللى اتثبت لفترة معينة والاعضاء شافوها يتم فكها بعد الفترة دى وتثبيت الموضوعات الاخرى ذذات الاهمية اللى تستحق التثبيت وماحدش ليه الحق انه يزعل |
اقتباس:
ومواضيع جديدة ومهمة يتم الثبيت موقتاً لفترة وهكذا |
اقتباس:
انتى اتصرفتى صح هما موضوعينه دول يعنى هيفضله مدامت الحياة |
خلاص انا هعمل اللي عليا
واشوف شغلي وخلاص شكرا لردودكم ورأيكم |
| جميع الأوقات بتوقيت GMT +2. الساعة الآن 04:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.