|
ساعات بشوفها كده !
السلام عليكم و رحمة الله و بركاته
ده كلام أنا كتبته و ياريت تكتبوا لي رأيكم فيه ......... مش هطول ....... ع العموم القصيدة أهه :- كيف أضحك و المسجد الأقصى أسير ؟! و ليس في حياتي أمر يسير ! يا عم الفول كتير و العيش كتير ولا يكون في مخك ذرة تفكير و كبر و عيش ......تاكل قراقيش ........................ و ازاي أعيط وحولي كل الحاجات و ناس حلوين ومفرفشين و ضحك و لعب و حركات و فن و رقص و فوز في الكورة و شوية اشتغالات و العبور للمستقبل و النجاح في كل الجالات ........................ و اقلب التلفزيون ألاقي أخبار ولا أكني في بيت الرعب و قناة تانية ...الغنى والرقص واللعب و قناة ثالثة .. الكورة وفرحة الشعب و قناة رابعة ..النجاح و تخطي الصعب ......................... فابكي و أضحك و أتباكى و أتضاحك و تقولي نفسي.. كف يا عاقل عن صياحك و أقول أنا .. احنا فين؟! احنا في زمن المتناقضات؟! احنا سكرانين ولا بنرقص جوه الترب مع الأموات ؟! شاربين حاجة ؟مش واخدين بالنا من اللي بيحصل؟! ولا استهبال ؟ يقولوا.. يا عم عيش حياتك ولا تبص يمين ولا شمال تبقى أجدع الرجال .................................................. .................................................. ................... ساعات بشوفها كده .......ساعات بشوف الحقيقة كده .........ساعات بشوف مصر كده و ساعات تانية ......بشوفها حاجة تانية ........ بشوفها جنة ولا كل الجنان .........بشوفها ورد وريحان .............. بشوفها شعب طيب و كريم و ناس جدعان .............. بشوفها أصحاب و أهل و جيران ................ بشوفها أم بتمد لي الاحضان ............ فأحس بأمان ......... |
جميلة تسلم ايديك
|
اقتباس:
شكرا على مرورك :) |
أنا لست متخصصة فى الشعر ورأيي هذا لايعتمد علي دراسة ولكنى وصلنى احساسك وأكاد استنتج أنك مازلتى فى مقتبل الحياه فأحاسيسك تتارجح بين اليأس والرجاء كونى مطمئنة يا ابنتى فدائما هناك الأمل فلا تفقدى ثقتك فيما هو كائن و انتظرى الخير فيما سوف يكون ان شاء الله اما عن تجربتك فى الكتابة فلن استطيع التعليق عليها من الناحيه الفنية غير انى اشعر ان احساسك عالى جدا بارك الله فيك |
مصر جنة ولازم الكل يشوفها كدا انا للأسف مش عايشة في مصر بس أجمل أيام حياتي هيا اللي بتيجي عليا وانافيها مفيش اجمل من انك تعيش في بلدك مهما كانت الظروف فيها شكلها إيه أرحم كتييييييييييير من الإحساس بالغربة في أي بلد تانية تقبلي مروري وشكراً على كلامك الجميل |
اقتباس:
بس أنا في الحقيقة بحب مصر الى أقصى الحدود ....بحبها بجنون لدرجة اني ساعات بمشي في الشارع و أبكي لما أبص في وجوه الناس .... اللي بتعكس معاني جميلة مايتهيأليش أنها في مكان تاني موجوده.. والترابط الأسري ولمة العيد وتداخل الجيران و الحاجات دي ياترى موجوده في حته تانية ؟ مع ان في ناس بتقول ان الحاجات دي خلاص ما عادتش موجودة هنا كنتيجة للتأثر بمادية الغرب.... بس أنا أعتقد ان القيم دي و ان كانت بتنهار فهي لسة بتميز منطقتنا بتطور كبير في الحياة الاجتماعية ..... وع الرغم من كل الايجابيات الموجودة في مصر ما نقدرش نغمض عينينا عن السلبيات ... فهي موجوده ...... و كمان تميز الحياة الجتماعية ما يمنعش وجود فساد في الحياة السياسية ..... وعشقي لمصر ما يمنعش برضه توجيه النقد للمظاهر السلبية فيها ........ و علشان كل اللي قلته أنا خايفة أوي أن ييجي اليوم اللي أشم فيه هواء غير هواء مصر ........ وعلشان كده أنا مقدرة شعورك المؤلم بالغربة و قلبي معاكي...... و عقبال ما تيجي لنا بالسلامة ........ وتيجي تلاقي مصر أحسن بكتييييييييييير مما سبتيها و مرة تانية ... الف شكر ع مرورك الجميل ...... |
اقتباس:
و شهادتك أعتز بها بس في الحقيقة أنا عندي أمل في المستقبل لكن ساعات لما أبص ع الواقع ... الأمل بيضعف .. بس برجع و أول أن جيلنا هو الأمل ده يعني أتا لازم اعمل كل اللي أقدر عليه علشان أحافظ ع الأمل ........ و من ناحية تانية.... الأمل ما يمنعش ان انقد سلبيات الواقع نقد بناء ... مش يائس و ان كان في الشعر اللي كتبته شوية يأس و بعدين شوية رجاء فده لأن معظم اللي بيكتببوا شعر بيبقى عندهم شوية تقلب ...... و معرفش دي ميزة ولا عيب ؟ |
وراء الكلمات صدق
وأجمل حاجة إن الإحساس يكون صادق تحية لكى وأدام الله علينا نعمة حب الوطن |
أشكر لحضرتك مرورك يا أستاذ علاء عيسى
و طبعا شرف لي ان حضرتك تعلق على موضوعي وشهادة حضرتك اعتز بها |
تسلم ايديكى على الروعة ديه
هى بسيطة جدا بس جميلة جدا جدا |
موضوعك بسيط لكنه جميل اوى
وبجد عندك حق فى كلامك ده. |
كلام صادق وجميل وواضح ان احساسك عالى اوى ماشاء الله
|
اقتباس:
و شكرا ع مرورك |
اقتباس:
|
اقتباس:
ألف شكر ع المرور |
| جميع الأوقات بتوقيت GMT +2. الساعة الآن 05:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.