اين علاوة 10% ؟؟؟ المرتب نقص!!!!
 

اين علاوة 10%؟؟؟؟

كلتها القطة .....علاوة أيه ياأستاذ العوض على الله ...الزيادة هزيلة جدااااااااااا ....يدوبك تشتري بيها علبتين تونة
من المفتتة مش من التونة القطع لانها غالية شوية وهتخلى الميزانية تخرم منك....وعجبى ....خلينا احنا بس
اللى نصبر ونستحمل علشان غيرنا يهبر ويروح يصيف فى شرم والساحل والمنتجعات الفخمة ولنا الله ..ونحمد ربنا على الصحة والستر .....علشان حتى يبقى حسابنا عند ربنا خفيف ...ربنا الشاهد والمطلع وحسبنا الله ونعم الوكيل

وياريت ماحدش ييجى يعلق على كلامى ويعملى فيها أبو عرام ....على انه شخص مثالى ووطنى وبيحب بلده
كلنا وطنيين وبنعشق تراب بلدنا وبنتمنى ليها كل خير ....لكن ياريت شوية واقعية وقياس للواقع المزرى المؤلم
اللى الحال بقى عليه من مسؤوليات ومصاريف والتزامات تهد الجبل ومن الممكن تخلى كتير من الناس تشحت وتتسول .....والله المستعان على مايصفون ...

يا سيدي لا تبحث عن العلاوة بل ابحث عن العطاء ففي الوقت الذي يتقاضى القاضي في يومي انتخاب عشرون ألف جنيه يتقاضى مدير المدرسة عن نفس المدة ألف جنيه علما بأن مدير المدرسة يتبقى له ثلاث سنوات على المعاش بينما سيادة القاضي كان فيما مضى تلميذا له ونحن لا نعيب على السادة القضاه فلهم منا كل تقدير ويستحقون المزيد ولكن نرجو من الدولة أن تنظر بعين الرحمة لأولائك المعذبين في الأرض ألا وهم المعلمون

وحتى لو فيه علاوة 10% وعلى الأساسى يبقى برضه مرتبك نقص لأن الجنية نزل 30%.

حسبنا الله ونعم الوكيل
:angry2::angry2::angry2::angry2::angry2::angry2::a ngry2::angry2::angry2::angry2:

في دي عندك حق و احييك على هذه الملحوظة
بس يا ترى و يا هل ترى مين السبب في ارتفاع الدولار و خفض الجنيه ؟

ردا على صاحب الموضوع
علاوة ال 10% وصلت تعليمات بصرفها مع مرتب نوفمبر وبالتالي سيتم عمل فروق لشهور 7 ، 8 ،9 ، 10
نظرا لان القرار المنشور ف الجريدة الرسمية بيقول اعتبارا من شهر 7

أكيد هتقول حسن مالك هو اللى خبى الدولارات فى بيته طبعا .. بس لما هما قبضوا عليه ليه الدولار استمر فى الصعود ؟!.. الكذب ملوش رجلين خاصة إذا كان كذب عبيط واهبل وزنباوى.
كل الناس عارفة مين السبب فى هبوط عملة أى بلد فى العالم: السياسات الاقتصادية الفاشلة.

لا طبعا حسن مالك مش الكل في الكل في الموضوع دا واحد من افراد عصابة تهدف لضرب الاقتصاد القومي بتهرب الدولارات للخارج حسبنا الله ونعم الوكيل فيهم

هههههههههههههه
بقى فيه عصابة بتهرب الدولارات بره والحكومة مش عارفه تقبض عليها وعلشان كدة البلد اتفقرت!! يا سبحان الله، وانا اللى كنت فاكر إن البلد اتفقرت علشان السياسات النقدية والاقتصادية الخاطئة وغير المسئولة أتاريهم الإخوان بيحفروا تحت الأرض من السجون لغاية البنك المركزى وهما طبعا متخصصين فى الأنفاق علشان موضوع حماس زى ما كلنا عارفين وبيهبروا الدولارات اللى الحكومة عمالة تخزنا وتتلتلها من مشاريعها الناجحه ويهربوها على تركيا وقطر علشان يتغنوا على قفانا واحنا نتفقر..
ربنا يشفى.

الناس دى للأسف مستعدة تصدق كل حاجة وتبلع أى حادة وتبرر أى حاجة وتمشى للآآآآآآآخر لدرجة الجنون وما بعد الجنون.
احنا محتاجين ثورة على المجانين بصراحة أنا خايف الجنان يزيد عن حدة وكثرة تكرار هذا الكلام حتى يصير معتادا ومقبولا أخطر مائة ألف مرة من الفشل الاقتصادى والسياسى بل ومن الظلم نفسه.

مفيش عدالة اجتماعيه ولن!! يكون هناك انصاف للمعلم !! والطبيب!!
اظاهر الناس دي معقده من المدرس علشان كان بيدربهم بالخرزانه!! والدكتور بيفكرهم بالحقنه!!

تحب ارد عليك باللغة اللي تفهمها؟

ماااااااااااااااااااااء ماااااااااااااااااااااء ماااااااااااااااااااااء

هو حضرتك مدرس؟
لا صحيح ؟
المدرس كان ايه يا اخويا؟
بيدربهم
اسمها بيضربهم يا حبيبي مش بيدربهم
دي كارثة و الله