أفيدوني في أجازة نص اﻷجر لﻷهميه
 

تقدمت بطلب أجازة نصف أجر إلى مدير المدرسة فوقع عليها و بعدين طلعت بيها على الإدارة عشان أمضيها من مدير التنسيق الإبتدائي (المسؤل عن توزيعنا على المدارس و ليس التوجية)
قاللي إنت معلم مساعد إيه ؟
قولتله علوم
قالي معلش مينفعش العلوم فيها عجز كبير ، إنت عارف في عجز كام مدرس علوم ؟ في عجز 35 مدرس
قولتله بس ده من حقي قانونيا
قالي آه من حقك بس القانون بيقول إلا في حالة العجز
مقتنعتش بكلامه فقولتله طب إمضيهالي و نرفعها للمديرية
قالي همضيهالك و هكتب تحتها يوجد لدينا عجز في مادة العلوم ، و من اﻵخر كده المديرية بتصدق على كلامنا و لو لقتنا مش موافقين هيترفض طلبك و ما هينوبك إلا المشاوير على الفاضي

أفيدوني أعمل إيه ؟؟؟
هل له الحق إنه يمتنع عن التوقيع ؟
و إن لم يكن له الحق ، إيه الجهة اﻷعلى اللي أشتكيه فيها ؟

الاجازة اسمها جزء من الوقت مقابل نسبة من الاجر
لا داعي للشكوي اخي الكريم لانها تفسد العلاقة بينك و بين التوجيه
من حق الموجه ان يقبل او يرفض الاجازة في حالة وجود عجز
بس ممكن تكلم مدير الادارة التعليمية و هو لو وافق الموشوع يمشي

شكرا يا أستاذنا الفاضل
كنت متوقع إجابة حضرتك
المدرس دايما هو أحقر واحد في وةارة التربية و التعليم
و ملوش حق في أي حاجة
شكرا وزارة التربية و التعليم
شكرا مصر أم الدنيا
تحيا مصر ..........