ازاي اجيب مجموع عالي في الثانويه النظام الجديد
 

السلام عليكم
ممكن تساعدوني بالله عليكم انا في تالته ثانوي ادبي وفاضل 4 شهور علي الامتحانات ازاي اقدر اجيب مجموع عالي وادخل كليه اعلام جامعه القاهره ده اول موضوع ليا ممكن تساعدوني:(:blink:

في مواضيع كتير هنا لتالته
اول موضوع لواحد اسمه مصطفي بصراحه بيفيدوا بعض كتير جدا جدا
وفي فيديوهات هنا لواحد اسمه البشمهندز فيه نصايح حلوه للثانويه العامه ان شاء الله تنفعك
وطلبه تالته ثانوي هيساعدوكي باذن الله هما كويسين جدا

خيرا ان شاء الله ..اكيد انتى قراتى تنمية بشرية لما زهقتى ..
حددى خطوات تمشي عليها ..برنامج محدد يومى فقط مش اسبوعى ..يعنى بنهاية اليوم تقولى لنفسك انا هكون عملت 1/2/3
هقولك حاجات تساعدك
*لو كنت بتذاكري من اول السنة فده عظيم ..ولو مش بتذاكرى من الاول فمش تقلقي لسه وقت وانتى بس ما تضيعيش وقت
*دايما استعينى بالله ..الصلاة فى وقتها ..لو تقدرى تصلي ركعتين بالليل ..هتحسي براحة ما تتوصفشي ..اكثرى من الاستغفار وخليها دايما على لسانك ..اكثري من الدعاء ده سلاحك يامؤمنة ..دايما ادعى ربنا باللى انتى عاوزاه خليكى دايما واثقة بالاستجابة واعملى كل الل تقدري عليه ..لا تدخري اى جهد
*المواد الل انتى حاسة انك ضايعة فيها ,,,,اكتبيها فى ورقة ..كل مادة اكتبي الدروس الل انتى عاوزه تفتكريها اول حاجة ..ولو مثلا الدرس واخد كذا تقسيم ..اكتبي التقسيم ده ..اعمليه يعنى على جزئيات ..كل يوم تاخدى جزئية وتذاكريها وتعملى صح عليها ..
ده هيعطيكى تشجيع انك تكملى وتشوفى انجزتى اي ولسة باقيلك اى ..مش كله سايح فى بعضه ..
*ذاكرى بلم ..ومش قاصدى تكتبي الدرس تسميع بالقلم ..اوانتى بتسمعى لنفسك ..تشوفي الجملة فيها كلمة هى المفتاح عشان الجملة تثبت فى دماغك ..فتكتبي الجملة فى الورقة
*بعد ما تخلصي الدرس ..اكتبي النقاط اللى مريتى عليها ..واكتبيها كتلخيص ..لما تيجى تراجعى تانى مرة هيوفر وقت بالهبل لانك عارفة النقاط ال هتذاكريها .
*حلى كتير الحاجات ال بتنسيها هتثبتيها بالاسءلة
*اى اعراض اكتءاب ما عليكى الا بسماع شئ يسعدك ....او ادخلى على البوابة هتلاقي بنات حلوين اوى هيخرجوكى منه فى ثوانى .اه لو هتقراي صفحة من كتاب المولى عز وجل يبقي جميل اوى ـــــــــــــ
*دى الحاجات الل ف دماغي حاليا ..:078111rg3:
*يارب اكون افدتك ولو محتاجة حاجة باذن الله هساعدك ^^

نسيت اقولك ..المذاكرة حلوة اوى بعد الفجر ذاكري اصعب المواد ف الوقت ده ..البركة فى البكور ^^

المهم تبدئي لأن الوقت اللي باقي قصير

شكراً ياجماعه علي الرد وجزاكم الله كل خير ولوممكن تقولولي جدول امشي عليه للمذاكره وانا ادبي

اسفه والله انا علمي مش اعرف اعملك حتي لو انا كنت ادبي مش هقدر ٠ لان مش بحب فكره جدول اسبوعي زي ماقلت.

والله عندك حق عمري ما عملت جدول اسبوعي ومشيت عليه الدروس بتغير كتير
بس انا رايي الادبي سهل لو قعدت شهر حتي من الدروس ولمت اللي فاتها هتقدر لان معتمد ع الحفظ اي رايك انا اعرف ناس عملوا كده ولحقوا

شكرا علي الرد

طيب معلش هو انا اقدر اجيب درجات عاليه في العربي والانجلش ازاي 😢

بصي ياقمر بالنسبه لسبيكر كل يوم تحل اتنين
اليونتس تحفظ الكلمات كويس وتطلع النوتس من الدرس ع الفايند
الجرامر افهم كويس من المستر.
*كل اسبوع اكتبي برجراف.
*احفظ كل يوم 5كلمات او حسب ماتقدر وراجعيهم اخر الاسبوع.
#العربي
كل يوم تحل نحو وبلاغه والباقي بقي هتذاكريه وتراجعي وتحل اسئله ع ال تذاكريه

هههه بالنسبة ليكى الادبي سهل ..انا بقي بشوفه اصعب كتير ..وبعدين كل حاجة فيها الصعب والسهل احنا الل بادينا نخليه صعب او سهل
*مش هقدر اتفق معاكى يا نورهان فى النقطة دى ..دى حسب رغبتها هى ..لو هى شايفة انها محتاجة بس مراجعة ومش بتستفاد من الدروس فممكن تقعد مع نفسها ..بس لو وقف عليها حاجة هتعمل أي ؟
فانصح انها تروح وتنظم وقتها كويس لحد ما توصل لمرحلة ..خلاص انها ممكن تستفاد اكتر من كده ..فممكن تراجع وتلم مع نفسها بقي .^^

انا مقصدش ان الادبي سهل لان ادبي
انا اقصد ان معتمد ع الحفظ لو هي فاتها كتير اقصد تقعد لان ف الدرس بتاخد كلام مفروض تحفظه بالكلمه لانها ثانويه عامه ولو وقف قدامها حاجه البوابه وانتوا موجودين
ده اسلم حل والله
اما العلمي مسائل وافكار لو عملتي اي مكن ماتوصليهاش لوحدك
بس ده القصد

اوك بس ف النهاية الامر يرجع ليها هي عارفه نفسها اكتر^^