بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   إبداعات ونقاشات هادفة (https://www.thanwya.com/vb/forumdisplay.php?f=59)
-   -   الى راعى الرعية " السيد رئيس الجمهورية " (https://www.thanwya.com/vb/showthread.php?t=67985)

علاء عيسى 26-08-2008 06:44 PM

الى راعى الرعية " السيد رئيس الجمهورية "
 
إلى راعى الرعية
السيد / رئيس الجمهورية
شكوى من داخل صفوف رغيف العيش******************




يا رئيس الجمهورية
كيلنا فاض م العيشة دية
اتفقنا ان انت أب
وانت راعى للرعية
جابو ناس ترعى المصالح
طلعوا ناس بايعة القضية
قول لهم بشويش علينا
قول لهم فيه آخرة جاية
عمرنا مانكون عبيد
والبلد ماهياش وسية
لو يعوزوا يدوخونا
قول لهم الشعب داخ
يفتحوا العشة يلاقونا
هشة وتنام الفراخ


يارئيس بالله عليك
ربنا يعزك كمان
وانت جاى تتعشى فكَُر
نص شعبك نام جعان
سيبنا من سعر الحديد
واللا أسمنت المبانى
نفسنا بس فى معيشة
ليها طعم وشكل تانى
إحنا مش طالبين فلوس
إحنا عايزين الرغيف
ندهنه بريحة غموس
أى حاجة بس ناكل
كنا راضيين بالفلافل
ليه يغلَُو الفول علينا؟
يارئيس إيه دا اللى حاصل ؟!
يارئيس والله استوينا
قول لنا إيه بس ناكله
وفروا لنا حاجة شكله
حتى مش طالبين لحوم
والفراخ مالهاش لزوم
والسمك مالهش عازة
والكبد زى القوانص
رخصوا بس البطاطس
إعتبر شعبك فريق
خد بطولة باسم مصر
إفتكر حاجة لشعبك
إحنا برضه شعب مصر
اللى ياما وقفنا جنبك
ياما قولنالك آمين
ياما شدينا الحزام
كلَلَََه ياريس بأمرك
ربنا يطول فى عمرك
نفسنا نستغنى عنه
فكَُها حبة علينا
والحزام ريحنا منه
البلد نقسمها بينًَنا
حاجة لينا وحاجة ليهم
أى حاجة تبل ريقنا
والبلد مبروك عليهم
يارئيس الجمهورية
كيلنا فاض م العيشة دية
يارئيس الجمهورية
نفسنا ف عيشة هنية
********* ......،،،


" هنا بعض منى "
تفضل لترانى

Drowns in a sea grief 27-08-2008 04:53 AM

جميله جدااااااااااااااااااا
بجد تسلم ايدك
بسم الله ما شاء الله
كتباتك كلها فى قمت الروعه
فى تقدم مستمر انشاء الله

elkingahmedtito 27-08-2008 05:57 AM

من الديمقراطيه انك تقول اللى انت عاوزه ومن الديمقراطيه برده ان الحكومه متعملش اللى انت عاوزه

msamido 27-08-2008 09:57 AM

أى حاجة تبل ريقنا
والبلد مبروك عليهم


عجبتنى دى اوى

بس السيد رئيس الجمهورية
مش فاضى للدوشة دية

mR . mOstafa Fathi 27-08-2008 12:43 PM

جميلة
تسلم ايدك

علاء عيسى 27-08-2008 01:02 PM

الإخوة الأفاضل
الى كل من زار مواضيعى
شكرا لكم


الفاضل
أ. مصطفى
اولا شكرا لك اخى

ثانيا
لا أدرى كيف ان هذا الرابط مخالف
انه رابط مدونتى الخاصة

واوادخل على اى منتدى انا مشارك فيه
ستجده اسفل توقيعى

وعموما
شكرا لك
وأعتذر على وقتى ووقت المنتدى


تحياتى
وفرصة سعيدة


سلام
وفى النهاية
اكرر شكرى لكل من قرأنى

علاء عيسى 31-08-2008 04:44 PM

اقتباس:

المشاركة الأصلية كتبت بواسطة drowns in a sea grief (المشاركة 714758)
جميله جدااااااااااااااااااا

بجد تسلم ايدك
بسم الله ما شاء الله
كتباتك كلها فى قمت الروعه

فى تقدم مستمر انشاء الله

الجمال هى تلك الزيارة
تحياتى
وكل عام وانتم بخير

علاء عيسى 07-09-2008 03:57 AM

اقتباس:

المشاركة الأصلية كتبت بواسطة elkingahmedtito (المشاركة 714864)
من الديمقراطيه انك تقول اللى انت عاوزه ومن الديمقراطيه برده ان الحكومه متعملش اللى انت عاوزه

المهم ان احنا نقول
فالفعل يبدأ بالقول سيدى تحياتى لك


جميع الأوقات بتوقيت GMT +2. الساعة الآن 09:15 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.