|
جرحى انا
جرحك فى قلبى هداويه وبرموش عنيا هداريه
لو مهما يحصل ايه ارجعلك يعنى علشان ايه انت ماضى بندم عليه واذا كنت مستقبل هدوس عليه وهعيش حياتى وانسى لآهاتى ياللى علمتنى آهاتى هبعد وانساك خلاص مفيش ما بينا غير الفراق صدقت انى اقدر ابيع ومن غير حبك ما اضيع خلاص يا حبيبى ما بقيتش حبيبى وعمرى اللى راح وعشته فى جراح هنساه واعيش وجراح مافيش آدى آخرة قسوتك مع قلب كان بيحرسك لو كنت تبعد ما كنت انساك لو كنت تقرب قلبى كانت معاك وبروحى كان لقاك وبعقلى كنت معاك وكل ما فيا كان بيتمناك وملقتش غير جفاك خليك هنا وانا هبعد من سكات ومن بعدك ما فيش حياة |
ده اول موضوع ليا انا عضوة جديدة فاتمنى منكم اللى ينتقد ينتقد بالراحة بليييييييييييييييييييييز:huh:
|
بداية كويسة مش بطالة
و مشروع فنانة متميزة بجد بس نصيحة صغنططة قد كدة بعد ما تلخصى كتابة اقرى الكلمات على بعضها عشان بس الموسيقى الداخلية بمعنى ان الكلام يبقى ماشى مع بعضه فى فلك موسيقى ده هيفرق كتير لكن انتى مشروع فنانة هايلة يارب ما تكونيش اتضايقتى من كلامى |
اولا فى مثل بيقول ... اطلع السلم واحده واحده ومتبسش لفوق اصل تقع على رقبتك وتنكسر
كلمات اكثر من رائعه واحساسك ملموس سلمت يداكي ودومتي لنا شاعرة ومبدعه اختى الفاضلة واستمرى وبأذن الله القادم افضل أن شاء الله |
ميرسى على كلامك الجميل ده يعنى وخصوصا من مبدعين زيكم ودى حاجة تشرفنى وتدينى دافع انى اكتب
والله انا خايفة اتغر :) |
ميرسى على كلامك الجميل ده يعنى وخصوصا من مبدعين زيكم ودى حاجة تشرفنى وتدينى دافع انى اكتب
والله انا خايفة اتغر :) بهزر اوعى حد يفهم غلط |
ميرسى على كلامك الجميل ده يعنى وخصوصا من مبدعين زيكم ودى حاجة تشرفنى وتدينى دافع انى اكتب
والله انا خايفة اتغر :) بهزر اوعى حد يفهم غلط |
انا اتجننت ولا ايه كتبت الرد تلات مرات مين غير ما آخد بالى يللا مش مهم زيادة تاكيد
|
كلامك حلو اوووووووووى بجدجميل واحساسك احلى يارب ديمابالتوفيق واستمرى تقبل مرورى |
بداية كويسة يا هدير واللى جاى احسن ان شاء الله
|
يارب يسمع من بقك ربنا اصل دى تانى مرة اكتب فيها شعر وكمان بالعامية انا طول عمرى يا بكتب مقالات يا اما نثر وكمان مش رومانسى وبافصحى مش بالعامية فكلامكم ده شجعنى انى ممكن اكمل وميرسى ليكم جدا
|
والله يا هدير لو ماكنت قرات الشويه اللى فى الاخر كنت هسالك اغنيه مين دى
دى فعلا اغنيه وجميله كمان ورينا اللى بعده |
احسسك و صل و اهلا بيكى معانا فى امنتدى
و فى القسم و دى بدايه جميل و ان شاء الله كل ماتقرئى و تكتبى اكتر هيكون افضل اختك منه تقبلى مرورى |
اانا والله بحسبها اغنيه
بجد جميله ومنتظرين المزيد تقبلي مروري |
(جرحي انا )انا قولت دا هاني شاكر هنا ولا حاجه ...يلامش مهم ...بس كلام جميل جدااا..وبدايه موفقه باذن الله وشكرا
|
| جميع الأوقات بتوقيت GMT +2. الساعة الآن 07:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.