تعالوا نهرج شويه بعيدا عن هموم الكادر
 

[ زوجى وعدنى لو نجحت هايعملى حفلة كبيرة
ادعولى انجح

بنتى قالت لى روحى ياماما يارب تنجحى واشوفك دكتوره وهقفلك على الباب بكيس شيبسي وحاجه ساقعه وزمزميه وعموما انت عملتى اللى عليكي والباقى على ربنا وماتزعليش لو سقطى عشان انت ما قصرتيش
اما ابنى الصغير بيقولى هو انت مش ابله بتمتحنى تانى ليه .

أنا أمي الحاجة دعت لى وقالت روح يا ابني ربنا يعلى مراتبك وتنجح وتاخد الشهادة الكبييييرة ،،
أما بنتى الصغيرة فقامت من النوم مبكرا يوم الامتحان على غير العادة وكأنها تقصد ما تفعل وقالت لى يابابا اوعى تنسى القلم الرصاص والأستيكة ، وابري القلم كويس علشان خطه يبقى حلو ، مش عارف مين قالها على حكاية القلم الرصاص دى مع إنى كنت مخبي عليها .
ولما رجعت لقيت أولادي كلهم واقفين في أول الشارع ، منتظرين عودتى ، ولما شفتهم حاولت أستخبى منهم لكن لمحونى ولاد الإيه وجريوا ناحيتي وهم بيهتفوا ( جيم - حا ناجحين إن شاء الله ) وحاولت أسكتهم لكنى فشلت لأن أولاد الشارع كلهم اتلموا عليهم. ولأن العبارة دى مش بتتقال غير في موسم امتحانات الطلاب ، تعجب الجيران فخرجوا مندهشين ، متسائلين عن السبب، وإذا عرف السبب بطل العجب ، لما رأونى في هذه الزفة البلدي وأنا كالعريس في وسط هذا الهتاف أخذت الست أم خالد تدعو لى قائلة يارب تنجح يا أستاذ ، والست أم أحمد - بصفتها ست مثقفة - تسألنى الامتحان عامل ايه يا أستاذ ؟ لأنها بتحب تتعرف على الثقافات المختلفة ، ووجدت زميلي وجاري مدرس الرياضيات يجري نحوي وهو يلهث ويسألنى اللجنة كانت عاملة ايه فيه غش ولا هيمسكوها عليناولاد الـــ ......
المشكلة الكبيرة إنى لما روحت البيت أولادي بيسألونى عملت ايه يابابا في الامتحان ، فأجبت بثقة - وكنت قد خططت لذلك من قبل - نجحت يا أولاد وجبت 98 % فترد على ابنتى الكبرى وهي مازالت في سنة خامسة ابتدائي ، النتيجة بتاعتكم لسة في شهر عشرة . فصعقت وسكت .
هذا بعض ماحدث وسنوافيكم ببقية الأخبار في الحلقة القادمة
هذا وإنا لله وإنا إليه راجعون في كرامتنا .

هههههههههههههههههههههههههههههههههه
صحيح تهريج

من أراد أن يفرفش فليدخل هنا

http://www.thanwya.com/vb/showthread...144#post682144

انا بنتى كانت ماسكه المطبخ اسبوع الامتحانات عشان اذاكر وكل يوم تقولى اعملى حسابك يوم التلات بعد ماتخلصى الامتحان هتمسكى المطبخ عليكى من يوم الاربعاء

هههههههه
انا ماما اللي كانت رايحه تمتحن
كاااان يوووم عسل
ال ايه مسكالي التليفون بتتكلم ليلة الامتحان
قولتلها قوووووومى عشان تذاكرى
بجد امهات اخر زمن
فين امهات زمان اللي كانوا يقعدوا علي الكتاب ويجيبوا الدرجات النهائية :d
وطبعا فضلت صاحي لحد اما شوفتها وهي نازله من باب الشقه وعملتلها الفطار
طبعا مش عندها امتحان
وادتلها النصائح قبل اما تنزل :d
وقولتلها ماتخفييش يا ماما انتي عملتي اللي عليكي والباقي علي ربنا :d
وكل شوية طبعا لازم بهدلة ...مش باخد حقي بقي :d

فى ولد اعرفه بيقول لمامته لو سقطى اوعى تقوليلى بعد كدا روح ذاكر ههههههههههه

وسمعت كمان ان فى دور تانى ربنا معاكم

يعلي مراتبك ولا يعلي مرتبك

الظاهر انه محتاج يعلى المراتب ماصل القطن غلا تمنه زى كل حاجه ما عدا الانسان المصرى وربنا يعلى مراتبنا ومرتبنا ياسى غلبان

آمين آمين آمين

كل عام أنتم بخير