|
بين الأباء والأبناء(( 3 ))
ــ (( السلام عليكم ورحمة الله وبركاته )) ــ أزيكم ياجماعة أخباركم ايه يارب تكونوا بخير وفى الجنة جميعا ان شاء الله بقول تانى برضه اللى عنده فكره للموضوع او مشكلة معينة عايز يتكلم فيها ياريت يقولى وأنا هظبطلة حلقة ان شاء الله اتكلمنا ياجماعة فى الحلقة اللى فاتت ( بين الأباء والأبناء 2) فى موضوع (اهانة الأباء للأبناء) النهاردة بقى هنتكلم فى موضوع ممكن يكون مهم للبعض بس انا مجربتهوش بصراحة بس برضه الموضوع ده ممكن يكون شائع شوية وهو ( اختيار الأباء أصحاب للأبناء) طبعا ياجماعة أكيد فى أباء بتختار أصحاب لأبناءها يعنى مثلا ممكن تلاقى الأب يقولك متصحبش ده وصاحب ده وكده هو الموضوع ده منتشر فى الريف أكتر من المدينة على ما اعتقد فى اولاد طبعا بيسمعوا كلام الأباء ويوفقوا عادى على الأصحاب اللى اختاروها ليهم الأباء وطبعا ده بيأدى لمشاكل كتير لأنه مفيش تعامل فجأة لقيت حد صحبك وطبعا الأباء هما اللى غصبينك على كده ومتقدرش متقولش ليهم حاجة وممكن مثلا انت تصاحب حد ووالدك مش عجبك الحد ده ووالدك يقولك ايه ده مش فى مستوانا الإجتماعى وده صحبك تقوله ده صحبى يقولك شوف ليك صاحب ليك فى نفس مستوانا الواحد طبعا أكيد ساعتها بيدمر علشان أهلة بيفكروا بالطريقة دى وابقى سلملى على المستوى الإجتماعى وأسباب تانية كتير مع ان الأباء متعملوش مع صاحبة ده بس تقول ايه بقى فى التفكير وفى نوع تانى بقى ياجماعة يدخل فى صراعات مع الأباء وميتنزلش عن أصحابة انا من النوع ده على فكرة بس لو حصل خيانه من صاحبة ولا حاجة بتبقى صدمة بالنسبة ليه وهو اللى بيتحمل المسئولية وهنا بقى دور الأباء اللى هو المفروض يخففوا عنه الصدمة ويجب فى تلك الحالة النصح بهدوء وفى سؤال دلوقتى:ــ هل أنت موافق أن الأباء يوفقوا على الأصحاب لأبنائهم بحكم الخبرة والسن؟؟؟ انا بصراحة مش بوافق على كده اطلاقا وأترككم للمناقشة مع تحيات أحمد2025 أكتب لأعبر وليس لأتكلم |
اقتباس:
عشان كده لازم نسمع كلامهم وانا لو ابويا قالى على صاحب انو وحش وطلع كلامة صح اكيد مش هصاحب الولد ده |
اقتباس:
لو ماما او بابا قالولى ابعد عن واحدة معينة .. اكيد هاسمع الكلام بس يكون فيه سبب مقنع لكن اوقات برضو ماما مش بتكون عارفة صاحبتى زى مانا اعرفها يعنى فيه بنات هى شايفاهم كويسين بس انا مش باحب اكون معاهم عشان انا اعرفهم اكتر منها --- عموما ماحصلتش معايا قبل كدة ان حد يطلب منى ابعد عن واحدة صاحبتى ولو حصلت هاكون انا باطلب من نفسى لانى عارفة كويس مين اللى المفروض يكونوا اصحابى ومين المفروض ابعد عنهم شكرا يا احمد على الموضوع ومنتظرين الباقى :) |
اقتباس:
يعنى لازم اقول شكرا ع الموضوع:( طب يلا مش مشكله :p شكرا يااحمد ع الموضوع الجميل ;)[/CENTER] |
الاباء ليهم الحق في التدخل في موضوع الصحاب ده
لو هما شايفين اني مصاحبه حد مش كويس لازم طبعا يدخلوا مفهاش نقاش اما كون انهم يحددوا الصحاب لا بس في حاجات هما بيبقوا شايفينها احنا مش واخدين بالنا منها وحصلت معايا فعلا ماما كانت نصحتني اني ابعد عن واحده ما يعني وانا ما سمعتش الكلام بس بعد كده عرفت ان كلامها صح مشكور ع الموضوع |
اختيار الأباء لاصحاب ابنائهم شايفه انها حاجه الابناء مش معظمهم هيوفقوا بيها وفيه اباء بتثق ف اولادهم اوي وتسيب لهم الحبل يعرفوا اللي يعرفوا ومش يعرفوا اللي هم عايزه انا اشايفه ان الاباء مش يفرضوا ع اولادهم بس ع الاقل يعرفوا مين دول واولاد مين وكدا يعني عشان برضوا الابناء مش يكونوا ف مرحلة نضح كفاية بس اعرف اب كان مديه لبنته مطلق الحريه وواثق فيها وهي فعلا كانت اد الثقة دي وعرفت واحده كويسة جدا وملتزمة وحافظة القران كله بس في كان فيه حد ف حياة البنت الملتزمه دي بس ان اخوها مش كويس هو دا ذنب ممكن المجتمع يعاقب عليه الاب بقي ادخل ف الموضوع ارغم بنته انها مش تكلمها تاني البنت طبعا مش سمعت كلام ابوها تعرف ليه لان الاب ولا الام كانوا بيسمعوا لبنتهم عشان كدا اللي بيدور ع الاصحاب بيبقي مش بيتسمع له ف بتهم وبردوا الاب كان ليه حق لان البنت بتتعرف من اصحابها خلاصة بجد اللي ممكن اضفها ان الام تقرب من بنتها ويبقوا اصحاب والاب يقرب من ابه ويبقوا اصحاب وبالذات بالمرحله اللي احنا فيها شكرا ع الموضوع |
معتقدش كله بيختار لابناءه اصحابه اه انا اوفق انه يتدخل ويقول دا وحش ماتمشيش معاه لكن لنه يختار صحابى من الاول اكيد لاء
ميرسى على الموضوع |
أنا موافقة ان الأباء يوافقوا على ان أبناءهم يصاحبوا ده أو ما يصاحبوش دة
يعني طبعا مهم يقولوا رأيهم بحكم الخبرة بس حكاية انهم يختاروا دي صعبة شوية |
عادى
ماما بتعمل الحركة دى فيا كتير تقولى تعالى معايا نسلم على طنط معرفش مين وتقوم معرفانى ع بنتها وتقولى صاحبيها وكده بس طبعا حاجة زى دى متوقف عليها اولا واخيرا ارتياحى للبنت يعنى مفيش مانع نبقي اصحاب لو حسينا اننا مايلين لبعض وكده ومتشكرين ع الموضوع يا احمد شكلهم معذبينك ف بيتكم :d |
اقتباس:
ممكن شكرا على مرورك الطيب اقتباس:
اه اهم حاجة يكون فى سبب مقنع احسن حاجة والله يامنى انك عارفة مين المفروض يكون اصحابك ومين المفروض تبعدى عنهم شكرا على مرورك الجامد جدا اقتباس:
بجد شكرا على الرد الجامد ايه يابنوته أنت دخلتى التاريخ علشان شوفتى الموضوع ده:p |
اقتباس:
مش عارف اقولك ايه بس بجد ربنا يخليلك والدتك اقتباس:
واحنا اللى بنبقى ضحية فى الأخر على فكرة ياتسابيح النجوم انت عندك ارأء حلوة قوى ياريت تستغليها فى كتابة المواضيع اقتباس:
اه حلو قوى الرد ده شكرا على مرورك الجامد جدا |
اقتباس:
انا برضه بقول كده شكرا على مرورك الطيب اقتباس:
هههههههههههه ياحركاتك ياطنط ده انا قولت فى الموضوع ان الحكاية دى محصلتش معايا تقوليلى معذبينك:d شكرا على مرورك الجميل |
والله ياجماعة الواحد مبقاش عارف مين الصح ومين الغلط
هو ولا اهلة ولا ولا ولا ولا تعبت والله انتظروا (بين الأباء والأبناء4) (بين الأباء والأبناء5) (بين الأباء والأبناء6) ان شاء الله |
| جميع الأوقات بتوقيت GMT +2. الساعة الآن 11:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.