|
الشعب
ــ (( السلام عليكم ورحمة الله وبركاته )) _ أزيكم ياجماعة عاملين ايه يارب تكونوا بخير وفى الجنة جميعا ان شاء الله بصوا ياجماعة انا جه فى عقلى كده انى اتكلم عن الشعب شوية وما يعانية وما يفعلة بحماقته أيضا المهم ياجماعة الشعب المصرى الشعب ياجماعة بقى ماشى يكلم نفسة فى الشوارع من اللى بيشوفة واللى شافة يعنى والله الله يكون فى عون الشعب بس انا مش بحب الشعب فى حاجة الشعب عايز ينام ومش عايز يعرف ايه اللى بيحصل حولية الشعب بقيت احس انه معندوش طموح ولا عايز يغير حاجة فى حياته لما تقرأ تاريخ زمان أيام ثورة19 وثورة52 تحس ان الناس كانوا بيحبوا بلدهم قوى وعايزنها تبقى احسن بلد لكن دلوقتى الشعب قاعد تايهة مش عارف يعمل ايه ولا ينيل ايه انا عمرى ماشوفت بلد شعبها كده المفروض يجماعة يكون الشعب برضه ليه وقفة مش شعب الحكومة هى اللى تتحكم فيه مش عارف اقول ايه بصراحة بس لية سؤال :ــ هل يستمر الشعب المصرى فى غفلته هذة ويترك امبراطورية الحكومة المصرية توجهة على حسب غرضها؟؟ واتركم لكم المناقشة مع تحيات أحمد2025 أكتب لأعبر وليس لأتكلم |
اذا الشعب يوما ارد الحياة فلابد ان يستجيب القدر
ولابد للليل ان يجلى ولابد للقيد ان ينكسر يا احمد الشعب لو قال لا الحكومة مش هتقدر تعمل حاجة وهقلك على حاجة هو اة الحكومة ممكن تكون مقصرة لاكن معظم مشاكلنا دلوقتى اهنا السبب فيها يعنى مثلا دلوقتى ممكن تلاقى بتاع الخضار بيكسب ضعف السعر الى بيشترى بية لانة بيستغل ارتفاع الاسعار ويرفع بمزاجة مع ان نفس السلعة فى مكان تانى بسعر ارخص والناس اتعودت على تقلب الاسعار فبيدفعو على طول |
الشعب المصرى ده عامل زى اللى شارب بوظه او مسطول وبيتطوح وفى اعتقاد كبير انه بيتسعبط مهو اللى يتعمل فيه كل ده يبئا اكيد يامجنون يا بيستعبط من يومين جم ناس من مجلس المدينة عندنا بيقوله كل بيت يدغع 15 جنيه نظافة والا هنعملكم قلق قولت ليه بتلمه لمجلس الشورى مهو كلكم مجالس زى بعض ورحت جايب زجاجة مايه وكببها فوقى وقولته هيغم عليه من الخضه الراجل راح واخد بعضه وماشى يخيل ليه انه قال ايه المجنون ده المهم ان الجيران قعده يضحكه :d بس اكتر حاجة تضايق انه دفعه برضه :d |
الشعب يأس خالص وبقى معندوش امل
بقى بيرضى بقرارات الحكومه حتى لو كانت مش عاجباه بيقول وانا فى ايدى ايه يعنى اعمله مفروض يبقى فى تفاؤل شويه والشعب ميستسلمش لاى حاجه لازم يقف ادام الحكومه لو فيه حاجه تضره مش يستسلم ابسط حاجه موضوع الغلاء ده الحاجه عماله تغلى يوم بعد يوم ومرتبات الموظفين زى ما هى وكله تعبان والشعب المصرى ده طيب وغلبان محدش قدر يعمل حاجه وحاجات تانيه كتير شكرا ع الموضوع يا احمد وليا عوده:) |
اقتباس:
موضوع ممتز كالعاده:lol: وبلا مستنين ردودك لما ترجع لمصر بالسلامه وشكرا.......................... |
اجمل تعليق قراته عن موضوع الشعب دا كانت مقاله بعنوان عزيزى المواطن المصرى هل انت قابل للاستحمار
فمعرفش والله ردنا احنا هيكون ايه على الموضوع دا |
بصراحة يا أحمد اللي بيحصل دا مش يرضي حد شكرا ع موضوعكبس هتقول لمين بقي!!!! كل لما تتكلم مع حد يقول لك خلينا جنب الحيطة احسن هو انا قدوه !! انا عندي عيال عايزه اربيهم وهو مش عارف ان اللي بيعملوا دا اللي بيضمر ولاده لما تلاقي الاسعار اترفعت كل حاجه غليت حتي الفول اللي كان اكل الغلابه بقي غالي وحتي الناس الفقره كله كام شهر ومش هيكلوا احنا بنشوف اللي بيحصل ونقعد نشجعهم كمان وكمان \ احنا عمرنا ماعترضت ع اي حاجه تحصل لنا يمكن احنا مش حسينا باللا بيحصل بالدرجه الكافيه ان الاهل هم اللي بيدفعوا ويعملوا بجد مهزله اللي بيحصل بس انا مش عارفة هو انا ممكن انا اعمل انا مش بقول ان اعمل ثورات والحاجات دي بس ع الاقل اجتهد ف حياتي العلميه عشان اقدر اواجه هل يستمر الشعب المصرى فى غفلته هذة ويترك امبراطورية الحكومة المصرية توجهة على حسب غرضها؟؟ الله اعلم انا خلاص قربت اكره البلد الحكومه هي السبب اللي ينتقم من الناس اللي مش عندهم ذمه وضمير |
اهلا بيك يااحمد موضوع جميل وبجد السؤال ده مالهوش غير اجابة وحيدة الشعب المصري طول عمره كده عاوز حد يقوده مايقدرش يتخيل حياته بدون قائد وبعدين ايام ثورة 19 و52 ماهي كلها كان ليها قواد بيحركوا الشعب علشان كده كان بيتحرك لكن الوقتي بجد مافيش قائد غير الحكومة فلازم يقولوها تمام يافاندم احنا وراك وتعيش الحكومة واكيد برضه سعد زغلول ماقالش مفيش فايدة من فراغ عالعموم شكرا عالموضوع تقبل مروري:mellow::mellow::mellow: |
اقتباس:
ده من حماقة الشعب ياجمال اقتباس:
والله حرام ع اللى الواحد بقى عامل زى المروحة بيحصل ده طيب العيب فينا ولا العيب فى الحكومة ولا فى مين مين بالظبط اقتباس:
عارفة علشان احنا شعب طيب وغلبان هيجى على دمغنا فى الأخر البلد فيها بس بتتسرق واحنا عارفين انها بتتسرق بس مش عارفين نعمل حاجة اقتباس:
مواضيعى مواضيعك يا أهلاوية احنا اخوات واحد يعنى |
ياااه الشعب بص يابو حميد زمان ايام عبد الناصر والسادات كنا مصريين بجد رجالة بجد عايزين نبقي احسن ناس كل حاجة عندنا ممكنة زمان كان في تقاليد وعادات وبعدين كانت الناس دمها حر اوى دلوقتي كله بيسكت وبيمشي في حاله وفاكر ان ده صح انما ده جبن كله بيستخدم نفوذه ومكانته كفاية اقولك ان ممكن لو امين شرطة يعمل فيها رئيس جمهورية علي خلق الله زمان مكنش كده وبقينا بنرضي باي ظلم واى حاجة سايبين مبارك يعمل فينا اللي هو عايزه ياراجل ده رئيس غصب عننا 27 سنة وبرضه بنقوله اخترناك:d كل حاجة تمنها زادت للضعف ومحدش بيتكلم ولا بنقول اى حاجة الشاى لما غلي في انجلترا محدش شرب في الدولة كلها لدرجة انهم رجعو تمنه اقل مما كان انما احنا لو الشاى غلي ل2 بنقول الحمد لله انه مبقاش بتلاتة:d صحيح الرجالة ماتت في 73:( |
ممممممممممم
وتبقى هنا الفقي تدخل المواضيع الي بتتكلم عن اي حاجة ف مصر عشان تحط دفعة امل في وسط الناس الموافقة لاننا ياس واحباط و...... احنا هنا لييييييييييييييييييه؟؟؟!! بلاش هبل اكيد يعني احنا الشباب وخصوصا الناس الي هنا الي بتفكر كويس واكيد برده احنا هنا مش عشان نقول ضعنا وقابلين للاستحمار ومفيش فايده و...........الخ لما احنا الي نقول كده مين هايدي للناس امل ومين هايغير ومين هايصلح ومين هايضحي ومين يقول للحكومة المعفنة لعععع ومين هايستحمل يضرب على قفاه ف اقسام الشرطة عشان ينهض ببلده انا هاتكلم باسم الشباب شباب الامة الاسلامية اولا ومصر ثانيا والعربية ثالثا واقول احنا غير قابلين للاستحمار ويا ايها المستحمرين اذهبوا الى حمير مثلكم فاستحمروهم او فليستحمروكم (يعني انتو حمير مع بعض بقى روحوا بس وبعدين هتلاقو حل) ثانكيو يا احمد اتمنى يكون ردي خالي من اي حاجة تدايقك |
اقتباس:
نعم شعب قابل للإستحمار اقتباس:
مش عارف انا الشعب ده بيعمل فى نفسه كده ليه بجد والله الواحد اتخنق طيب هنفضل على حالنا ده كده كتير ولا ايه اقتباس:
بجد كلام جميل نفسى الشعب ده يبطل نوم بقى هو احنا مش هنتغير بقى ولا ايه الحكاية بالظبط فى ايه وايه السبب |
اقتباس:
والله يادكتور عندك حق انا مش هعلق على حاجة بس 80 مليون واحد مفهموش رجالة ولا ايه النظام اقتباس:
مش عارف اقولك ايه ياهنا بس الناس معندهاش الطموح الناس مش بتسمع الناس خايفة ياهنا |
اشعب دا زى الفل والمنتدى زى الفل والاعضاء زى الفل كلو كلو زى الفل
|
ايه ده..!!!
مش عارف اقولك ايه ياهنا بليز يا احمد ماتحسسنيش اني بكلم نفسي بس الناس معندهاش الطموح الناس مش بتسمع الناس خايفة ياهنا ماهو عشان الناس حاسة بيأس ومفيش طموح و.... يبقى المفروض ان احنا الشباب نديهم الامل مش نعمل مشاركة اجتماعية معاهم ونقعد نقول مفيش فايده ولا ايه ...؟؟؟؟!!!!!!!!!!!!!!!!! |
| جميع الأوقات بتوقيت GMT +2. الساعة الآن 10:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.