جالي جواب مراقبة اعدادية وطهقان
 

انا ارفت من الازهر ده ....
مكان بعيد جدا عني وبهدلة في المواصلات يمكن عشرين جنيه مواصلات في اليوم
مفيش الغاء للجوابات ولا تبديل لان الكل اصبح بيهرب منها
وفي الاخر تاخد منهم 150 جنيه كأنك بتشحت من ابوهم
اشكيك لمين يا ازهر

الفكرة مش فى ال20 جنيه و لا المشوار ، الفكرة ان المراقب بيروح يبقى طرطور فى اللجان و الغش بقى اجبارى و الزامى فى الازهر و الطلبة و أولياء الامور بيعتبره حق اساسى لهم و بيكونوا فى منتهى الجرأة و الفجاجة مع المراقبين و مفيش احترام او خوف من المراقب ، انا النهاردة كنت باصحح لغة انجليزية لنقل المرحلة الثانوية ، الطالبات ناقلين الاجابات بالنص من الكتاب لدرجة انهم كاتبين الاجابات فى غير موضعها و كاتبين صفحات كاملة من القصة و مختارات اسلامية غير مطلوبة منهم ، كل الاجابات موحدة بشكل يسبب الحزن و الاحباط ، و لو حاولت الغى درجة السؤال او انقصهم ، المراجع يقولى المهم انهم كاتبين يعنى لازم ياخدوا الدرجة كاملة

زي الفل ده الطبيعي
ولو حاولوا يطوروا بيطوروا غلط
كل قرارات الازهر غلط حتي اوقاتها غلط