امتحان الكادر سوبر
 

انا ومدير المدرسة كنا بنمتحن سوا واللة العظيم على نفس الديسك وكمان هو نفس الامتحان يبقى دة امتحان سوبر يقيس كل المستويات وكل الاعمار وكل الوظائف معنى كدة لو المدير لاقدر اللة سقط وانا نجحت ممكن اتقدم انا لشغل وظيفة المدير اللى هاتكون شاغرة طبعا لغاية المدير مايخلص دراسة فى الاكاديميةولو حصل والمدير كان فى حاجة مش عارفها وسألك عليها ياترى تغششه ولا تعمل اية؟

نشكركم على المجهود

بارك الله لنا فيكم

بجد عندك حق امسك انت المدير
وممكن لو الوزير سقط فى الامتحان
تمسك وزير افضل

وفقككم الله

لا للغش حتى لو للمدير

لا للغش فى اى مكان

الله هو المعين

نرجو الردود يا جماعة

نرجو منكم التصويت لوجه الله تعالى

الحقيقة اللى حصل فى امتحانات كادر المعلمين كارثة بحق
الغش كان الأساس والحل الجماعى كان منتشر فى كل مكان بصراحة ده مش ممكن يكون امتحان يقس قدرات اى حد معظم المديرين انقطعوا عن التدريس من فترة كبيرة ودول اول ناس غشت انا عندى سؤال صحيح موضوع الكادر اغضب معظم المدرسين وكتير منهم احس بالإهانة لكن هل ده مبرر ان المدرس القدوة هو اللى بيدور ازاى يغش اسئلة الإمتحان هل يصلح هذا المعلم ان يكون معلما وينصح تلاميذه بعدم الغش وان من غشنا فليس منا !!!!!!!!!!!!!!!!

المشكلة مش فى كده
لو جت ع المدير سهلة
ولو جت على كمان اتنين تلاتة
اسهل


لكن
الخوف كله
لو سقطتم كلكم


المدارس هانقفلها ولا إيه؟!!!!!!!!!!!!

المراقب كان بيقول لنا لما يشوف حد واقف وهو بيكلم زميله، يقوله بصوت واطي:
- معلهش اتكلم معاه وانتو قاعدين عشان شكلنا ما يبقاش وحش
ودخل عميد الكلية وصاح بصوت عال:
- منورين...
وبعد ما اتلم الورق قال أحد المراقبين:
- إياك أسمع أن مدرس فيكو شد على العيال وهي بتمتحن...
وكانت مسرحية مضحكة إلى حد بعيد

طب انا كنت بمتحن مع الموجه العام لمادتي ايه شكلي أو شكاه لو حد فينا سقط
هبروني بالله عليكم مش ده ظلم

شكرا للمشاركات