|
مفاجأة أسئلة إمتحان البحيرة من الأسئلة التى تقيس المهارات العليا فى كتاب الإمتحان
مفاجأة أسئلة إمتحان البحيرة من الأسئلة التى تقيس المهارات العليا فى كتاب الإمتحان =*=*=*=*=*=*=*=*=*=*=*=*=*=*=*=*=*= السؤال بتاع مقاومة السلك أكبر من أم أقل من موجود ص 144 فى الأسئلة التى تقيس المهارات العليا فى كتاب الإمتحان السؤال بتاع رسمة القوة الدافعة الكهربية موجودة فى ص 169و 157 فى كتاب الامتحان يبقى الأفندى اللى بيحط الامتحان واللى المفروض ميخرجش عن كتاب المدرسة بيحط أسئلته بما فيها اسئلة المهارات العليا من كتاب الامتحان يعنى يا جماعه خلاص بلاش كتاب المدرسة وبلاش مذكرات ونشتغل من كتاب الامتحان ووزارة التربية والتعليم تقرر كتاب الامتحان ونخلصوا بدل الهم ده |
الله ينور عليك يا مستر احمد
|
حضرتك متحامل على واضع الامتحان كتير
اى موجه بيحط امتحان لازم يكون جرئ فيه مدرسين مش بيشرحوا التطبيييقات فيه مدرسين بييعتمدوا ع التحفظ فيه مدرسين مش بيطوروا نفسهم الامتحان فعلا رائع وبيبن مجهود المعلم فى الشرح فكفيانا امتحانات تقليدية وشكرا |
اقتباس:
ثانيا : الامتحان الجرئ يا أستاذنا بيبقى نقطة ولا نقطتين لكن يبقى 6 أسئلة 4 منهم تطبيقات ومسألتين عليهم جدال حتى بين المدرسين يبقى كتير أنا من كفر الدوار وبشوف امتحان البحيرة كل سنه بحكم شغلى وبيبقى كل سنه نقطة واحدة اللى عليها خلاف أو فيها فكرة لكن السنادى الموضوع زاد عن حده ثالثا : معاك حق ان بعض الناس مش بتشرح التطبيقات بس أنا شرحتها وراجعتها ليلة الامتحان مع الطلبة ومع ذلك كثير من الطلبة لم يهتموا بها لأنها فى الاصل معلومات اثرائية رابعا : الامتحان لا رائع ولا زفت الامتحان صعب جدا على طالب فى 3 ع لم يراجع لقصر الترم التانى خامسا : المسألة بتاعة القوة الدافعة الكهربية مش موجوده فى كتاب المدرسة منين الطالب يعرف فكرتها ؟؟؟ سادسا والأهم : حضرتك لم ترد على كلامى بأن الامتحان منقول من كتاب الامتحان وهذا يعنى أحد أمرين إما الموجة واضع الامتحان متواطئ مع اصحاب كتاب الامتحان واما أنه كسول وسيكوباتى عشان يجيب أسئلة وصفها كتاب الامتحان نفسه أنها أسئلة تقيس المهارات العليا أستاذى الكريم الامتحان له مواصفات الكل يعلم أن واضع الامتحان لم يراعيها فليس لان الامتحان به أفكار ويبين شغل المدرس الكويس اللى ذى حضرتك ننسى أنه غير مطابق للمواصفات وأن جميع الطلبة والمتفوقون اشتكوا منه ولا تقول لى أن الجميع يجمع على خطأ فربنا سبحانه وتعالى أمرنا بالعدل حتى ولو على أنفسنا |
الامتحان سئ جدا لا يصلح يكون إمتحان
|
السؤال بتاع مقاومة السلك أكبر من أم أقل من موجود ص 144
السؤال دا جة قبل كدا فى امتحان الغربية وسؤال الاعمدة بردو جة قبل كدا فى احدى المحافظات بصراحة الامتحان جميل انا بحب جدا الامتحانات اللى بالشكل دة واتمنى ان امتحان الغربية يكون كدا وفق الله الجميع والهم طلابنا الاجابات الصحيحة وكل سنة وانت طيب يا مستر احمد |
جزاك الله خيرا و بارك الله فيك |
اخى العزيز سبحان من يرضي العباد
حضرتك بتقول 6 نقاط فيها صعوبة منهم 4 تطبيقات ( طيب هى من كتاب المدرسة واضحة وصريحة ومش مكتوبة تحت عنوان معلومة اثرائية بل هى تطببيقات) و الجزء الممتع من العلوم ربط المادة بالحياة و الميل من قانون اوم معروف انه المقاومة مع الربط بالرياضة يعرف مين الاكبر ميل يتبقى السؤال بتاع فرق الجهد ودا جه ققبل كدة واكيد فكرته واصلة اما موضوع النقل من الملخص فده مرفوض تماما لكن عموما من وجهة نظرى الامتحان كويس وكنت اقصد من تحاملك على الموجه ان من سيضع اى امتحان بعد كده هيكون تقليدى وهيخاف وهيريح نفسه ولحضرتك كامل الاحترام |
اقتباس:
امتحان جميل ايه بس يا استاذ محمد ؟؟؟؟ اذا كان فيه مدرسين ثانوى كبار وأتلخبطوا فى سؤال اكبر من وكتبوها أصغر من فى الرد على الموضوع اللى بعنوان امتحان البحيرة فإذا كان بعض المدرسين الكبار - ولهم كل الاحترام والتقدير - واتلغبطوا أو مأخدوش بالهم فما بالك بالطالب ؟؟؟؟ دا اللى بقوله للاستاذ كريم مختار ولكل اللى مصر ان الامتحان حلو احنا كمدرسين اتلخبطنا فما بالك بالطلبة |
اقتباس:
لكن معترض انه يجيب 4 منها فى الامتحان كان كفاية قوى 1 ثم الاصل فى المعلومات الاثرائية انها اصلا متجيش فى الامتحان والا فليضعوها ضمن المنهج وخلاص ثانيا : انا معترض على ان يجى شئ خارج كتاب المدرسة بحجة ان فكرته جات قبل كده ثالثا : حضرتك أقريت انه نقل من كتاب الامتحان ودا الخطأ الأكبر فكان يكفيه ان يحضر اسئلة من كتاب المدرسة اللى تدريباته كتيره جدا ولو عايزين يحطوا اسئلة فيها فكره يحطوها فى اسئلة الكتاب بحيث يبقى عند المدرس والطالب نموذج يدور على حلة ويدرب طلابه عليه حتقولى دى جات فى امتحان 2013 حقولك مين لحق يخلص حتى امتحانات السنه اللى فاتت بس عشان يلحق يخلص امتحانات 2013 ويمكن ميكونش معاه امتحانات قديمة |
انا متفق معك مستر احمد انا عانيت اكثر من عام فى امتحانات الغربية من اسئلة خارج كتاب المدرسة بس كانت اسئلة فعلا تحدى للمدرسين وكان صعب ع الطلبة يحلوها
وسؤال اختر مقاومة السلك ا ( اكبر من ) فعلا انا اتلخطبت فية وجاوبتة اصغر من فى الاول لان انا نظرى ضعيف والورقة مش واضحة اوى كنت شايفها عندى فى الرسم ان نهاية المنحنيين مش شكل بعض عند شدة التيار لكن لما ركزت فى الرسم وكبرتها لقيت شدة تيار ثابتة يبقى السلك ا فرق جهدة اعلى يبقى مقاومتة اعلى عند ثبوت شدة التيار انا منكرش ان دا سؤال فى فيزيا 3ث لو فاكر فى سنة كان جايب فى علوم 3ع سؤال فى توصيل المصابيح الكهربية ع توالى وتوازى وكان طالب شدة التيار تقل ولا تزيد عند غلق مفتاج السؤال دا كان مقرر ع 3ث ومع ذلك جة فى 3ع وجاب مرة اسئلة ع الاكسدة واختزال من كيمياء 2ث لازم الطالب يتعود ع التفكير حتى لو كان فية اكتر من نقطة صعبة عليهم الطالب الشاطربيبدع وبيجيب النهاية كل واحد لة وجهة نظر يا مستر احمد ارجو مش تضايق وكل طالب حياخد نصيبة اللى ربنا كتبة لة |
اقتباس:
|
استاذى العزيز هى مش محتاجه لخبطه انت لو دخلت الرياضه بس وبصيت للميل هتلاقى ان ميل ا اكبر من ب
|
جزاكم الله خيرا
|
الامتحان فعلا صعب على طالب اعدادى
|
| جميع الأوقات بتوقيت GMT +2. الساعة الآن 08:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.