تعالوا نشتغل صح بقه
 

إلى كل مدرسى المرحلة الإعدادية /

أولا أسف جدا لتغيبى الفترة الأخيرة عنكم . بجد وحشتونى .رجعت لقيت مدرسين كويسين جدا وعاملين شغل عالى جدا جدا جدا .
طيب وبعدين هنعمل إيه ؟
عندى إقتراح
إيه رأيكم إننا كل أسبوع نرشح عمل نقوم بتثبيته فى المواضيع المثبت وممكن يكون إتنين بس إنتم إلىى هتختاروا . فمثلا الأسبوع ده هنختار أى عمل للأستاذ رضا الغريب على سبيل المثال طبعا . وكل يوم جمعه هيبقى فيه إستفتاء هل سنلغى تثبيت موضوع الأستاذ رضا " وطبعا ده مش تقليل منه " ولكن لأن الأستاذ وليد "على سبيل المثال طبعا " كان عاوز يتثبتله هو كمان فعمل شغل نار وملف نار والأعضاء شايفه إنه لازم يتثبت .فيقوم الأستاذ خالد غباشى عامل شغل ولعه الأسبوع اللى بعده قام الأعضاء أختاروا الملف بتاعه . وهكذا
على فكره ده مجرد إقتراح أتمنى إنى أشوف ردودكم ولو فى أى تعديل على الإقتراح ياريت تقولوه . الإقتراح ده لتنشيط القسم وعمل وخلق روح منافسه بين المدرسين لأن الموضوع المثبت ممكن يفضل متثبت لو الأعضاء ما رشحوش حد أو ما شافوش إن فى ملف نزل يستاهل إنه يتثبت فيبقى الملف المثبت هو ملف الأسبوع.
الترشيح هيكون يوم الجمعه وياريت نبعد عن المجاملات لأن كل مدرسين المنتدى مدرسين كفء ولا يحتاجون لأى مجامله .

فكره رائعه وتعبر عن مدى التواصل والود الذى بيننا :) وماتنسنيش فى المشروع ده

فكرة جميلة يا مستر تسلم وتسلم أفكارك

أنساك إيزاى يا عم جلال ده إنت من المدرسين اللى أعتقد هيثبتلهم أكتر من ملف فى المرة . بس ما تنساش يا عم جلال الجمعه اللى جايه تدخل هنا وترشح الملف اللى هيتثبت .

متشكر يا عم رضا بس ياريت ماتنساش ميعادنا يو مالجمعه اللى جايه ونشوف ترشيحاتكم لملف الأسبوع

يعنى يا جماعه مش حرام يبقى عدد المشاهدات 54 حتى الأن ولم يرد على هذا الموضوع إلا الأستاذ جلال والأستاذ رضا ؟؟؟؟؟ دح حرام والله يا جماعه لو سمحتم انا عاوز تفاعل فى الموضوع ده علشان أعرف رأيكم ويبقى فى تعاون يا جماعه ويبقى القسم لذيذ زى الأقسام فى المرحلة الثانوية

السلام عليكم يا حبيبى انا معاك ووحشنى جدا انا مواقف على الفكره

طيب تمام كده يبقى إن شاء الله ميعادنا يوم الجمعة القادمة لتحديد ملف الأسبوع يلا شدوا حيلكم وربنا يكرمنا وياترى مين هيبقى صاحب الكحلكة الأوى . وكل عام وأنتم بخير

وحشتنا بجد وانا معاك