مذكرة الترم الثانى لأولى ثانوى أ/إبراهيم البدراوى
 

hazim.mostafa@yahoo.com
 

واللة حاجة جميلة واللة يوفقك بس الروابط مش شغالة يا ريت تساعدونا مشكورينننننننننننننننننننننننن

100جنيه مبلغ تعبان خليها 200 علشان تكمل ويبقى بجملتها

حضرتك ليه زعلان
أخد اللى أخده ده عرض وطلب
ثانى حاجة أنا تعبت فى مذكرة الترم الأول اللى كانت على الموقع قبل أى كتاب خارجى بـ 26 يوم
وتعبت فيها تعب كبير والنسخة اللى كنت شغال منها كتاب المدرسة اللى متصور تصوير هباب
غير كده لو حضرتك شغال ثانوى و أخدت مذكراتى من على الموقع وطبعت منها و إشتغلت فانا أدعوا ربى ألا يبارك لك
كمان لو كنت طلبت فيى مذكرة الترم الأول 200 جنية كنت عملت مبلغ محترم لأولادى ومكنتش هسمع صوت ناكر للجميل
أو إن حضرتك مش شغال ثانوى و فى الحالة دى فأنت لا تدرى قيمة ماأخذت.
كمان كل المشاركين فى المنتدى و يعرفون قيمة عملى أثنوا عليه.
والله العظيم أنا مارفعت المذكرة كلها إلا بعد أن قال أحد الأخوة إرفع بقية الحدات دة إنت بتعمل جميل مش هننساه
وللعلم أكبر مدرس إنجليزى من حيث الشهرة فى منطقتى لسه ما نزل ورقة وحدة لأولى ثانوى
تجى إنت وتقول كنت خليه 200 عشان تكمل هو أنا جيت أخذت حاجة من حضرتك
كمان ده حقى وحق أولادى
المدرسين بيبعوا المذكرة دى للطلبة ب 50 جنية
كما أدعوا على نفسى قائلاً " اللهم إن كنت ظالماً فلا تبارك لى فى مالى و لا أهلى"

كما أدعوا على نفسى قائلاً " اللهم إن كنت ظالماً فلا تبارك لى فى مالى و لا أهلى"
مستر بدراوى كل عام وانت بخير
لاتزعل ابدا.....فنحن نحبك ومقدرين الجهد الذى قمت بة فى الترم الاول ومن حقك ان تستفيد .........والى يزعل...............................

شكراً أستاذ خالد
 

متشكر يا مستر خالد بس الأستاذ المحترم بيقدم السبت
وأنا أحمد الله إن المذكرة غطت تكاليف موقعى الذى بلغت تكلفتة 1050 جنية
هو أنا عايز أيه أكثر من كده
كمان إتفاقى مع الأخوة المدرسين إنى هعطى لهم المذكرة قبل ما نشتغل بإسبوع عشان اللى هيضيف حاجة قبل ما يطبع ويبقى قدامة وقت لعمل النسخ بتاع الطلبة.
كمان عشان المذكرة ما يخدهاش واحد ناكر للجميل
متشكر يا مستر خالد على كلماتك التى تنم عن حب و تقدير
جزاكم الله خيراً

مستر / بدراوي
لن اكن جاحدا بما قدمت من خدمات جليله لنا جميعا بتقديم مذكرة الترم الاول فجزاك الله الخير كله وبارك فيك وفي اولادك فسامح من غلظ الكلام ولم يفهم او يعي مقدار الجهد المبذول في منهج جديد كان المتوفر منه نسخه رديئه جدا قمت بعمل روعه من روائعك جزيت خيرا اخي الحبيب سامحنا جميعا ان لم نحسن التعبير
اختم كلامي لاخي الحبيب ببشره النبي الحبيب بجنه يري ظاهرها من باطنها فقيل لمن يا رسول الله ، قال : لمن لين الكلام واطعم الطعام وأكثر الصيام وصلي ركعات بالليل والناس نيام " صدق المصطفي عليه السلام
معذرة اخي الغالي ان اساء الزميل التعبير ولكن ربما كان يقصد ان العمل حتي لو طلبت فيه مال كثير فكتر خيرك وربما لم يقصد شيئا الا ان يقدرك عذرا اخانا وكل عام وانت بخير ورمضان كريم
اخوك / ايهاب فاروق
مدرس اول لغه انجليزيه
ادارة بندر دمنهور التعليميه

الأخ الفاضل الأستلذ إبراهيم السلام عليكم ورحمة الله وبركاتة
تقبل الله منا ومنكم شهر رمضان الكريم وكل عام وحضراتكم بخير.
أولا: يجب أن يعرف الجميع أني إستأذنتك في طباعة الملزمة ولم أجد منك إلا كل كرم وجود وأسأل الله أن يجعله في ميزان حسناتك ووفرت علي الكل الكثير.
ثانيا: ليس هناك مبرر أن تقول هذا العمل (الترم الثاني ) لأولادي فهو حقك دون إبداء الأسباب فأطلب ما شئت فهو حقك وأرجو أن تسامح الأخ الذي أخطأ بحقك لأن الدنيا مش مستهلها وأعلم عنك الكرم.
ثالثا: ألف شكر علي هذا المجهود الرائع ولو طلبت أجر في الملزمة الأولي لسوف أتي إليك من بني سويف وأفطر عندك وأعطيك ما تطلبةفجزاك الله خيرا.

شكر
 

أخى الحبيب أ/ إيهاب
لكم جزيل الشكر عى تلك الكلمات التى تطيب الخاطر
وتعطى لمن هو مثلى دفعة للأمام
أسئل الله العظيم رب العرش العظيم
أن يشفى صدرى وصدور أخوانى من الشرور و الأثام.
و الله إن كلماتك أسعدت قلبى وجعلتنى أكثر إقبالاً على الحياة.
جزاكم الله خيراً

كل عام و أنتم بخير
تقبل الله منا ومنكم صالح الأعمال.

ذكرتنى بإناس أحبهم
 

أخى الكريم دمعت عيناى و أنا أقرأ تعليقك فقد ذكرتنى بإناس أحبهم
إنهم الصحابة بكرم أخلاقهم فعنما إستئذنتنى قلت فى نفسى قليل من يفعل ذلك
لذلك فأنا أكثر إمتناناً "جزاك الله خيراً"
ويشرفنى إفطارك عندى بل يزداد بيتى بركة
بارك الله لك فى مالك و أولادك
ورزقك بالحلال الطيب.
زال ما كان فى قلبى تجاه أخى لأنه بقوله الذى ضايقنى أظهر لى من يجب أن أحب
أحبكم فى الله
ليس لى طلب عندك إلا أن تدعوا لى بالبركة فى أولادى و أن يرزقنى ربى حج بيته العام القادم
أخوك/ إبراهيم البدراوى

الأستاذ الفاضل إبراهيم بدراوى كل عام وأنتم بخير وتقبل الله منا ومنكم الصيام والقيام
أولا: أتقدم لك بخالص الشكر والتقدير على ماتبذل من جهد فى خدمة زملائك المدرسين وجعله الله فى ميزان حسناتك
ثانيا: حقا لاأنكر إذا قلت بأنى سألت نفسى ذات يوم لماذا يفعل هذا الرجل كل هذا وظننت بك سوءا فى أنك تبغى شهرة أو شيء ما ولكن اليوم (أقول اليوم فقط ) تأكدت أنك فعلا تفعل ماتفعل ابتغاء مرضات الله وابتغاء دعوة مستجابة عن ظهر الغيب فأرجو أن تسامحنى وأدعو الله لك بأن يكفيك بحلاله عن حرامه ويغنيك بفضله عمن سواه وأن يرزقك حج بيته الحرام كما رزقنى إياها مرتين وأرجو ألا تنسانى هنا بالدعاء فاسمى الحقيقى هو المكتوب على يمينك
ثالثا: أنا لاأدرس الصف الأول الثانوى منذ سنوات طويلة ولكن بعدما رأيت مذكرتك فى التيرم الأول قررت أن أدرس الصف الأول هذا العام لأنك وفرت على مجهود كبير ووقت لم أجده هذا الصيف بسبب إجرائى عملية جراحية كبيرة ( استئصال ورم بالغدة الدرقية خلف عظمة القص ) والحمد لله الذى أحيانى ونجانى لأولادى فأنا أستأذن سيادتك بأن أطبع هذه المذكرة وأشتغل منها وإن لم تسمح لى فهذا حقك.
رابعا : مسألة تحديد مبلغ معين كنت أتمنى عدم ذكر المبلغ على الملأ هكذا حرصا عليك وعلى رزقك فالناس لهم أعين
خامسا: لاتغضب وتماسك وثق بالله الذى يقول (وفى السماء رزقكم وما توعدون فورب السماء والأرض إنه لحق مثلما أنكم تنطقون) صدق الله العظيم

السلام علي من اتبع الهدي
 

كل عام و حضراتكم بخير اساتذه المنتدي الكرام
الحقيقة الرسالة دي مش لابراهيم البدراوي لانه عارف راي كويس في شغلة و في عملة و ربنا يباركله في رزقة و في اولاده يا رب و ان شاء الله المذكرة تتحجز و يجي منها الدخل المطلوب

لكن الرسالة دي للاساتذه المنتدي اللي زعلانين
1- انا عاوز اعرف اللي زعلان ده زعلان ليه هو انت شحات و بتتامر يعني عاوز تاخد مجهود انسان طلع عينه فيه غصب عنه الراجل نزل الشغل الترم الاول و كلنا مشكورين ليه جدا طيب اللي اخد المذكرة و اشتغل منها و باعها و كسب فيها و كتب اسمه عليها و كل ده ببلاش عاوز كمان دلوقتي ياخد مذكرة الترم التاني بنفس الطريقة و الله يا اخي انا خايف لحد يتصل بالبدراوي و يقوله ابعتلي تمن طباعه الورق بالمرة عشان يبقي كده جميلك تم.
2- المذكرة دي مش هتبقي اقل من 140 صفحة يعني الاستاذ المحترم اللي بيعترض لو تعب فيها و طلع عينه و عملها و جهزها بنفسه و خلها تمام و بعد كده راح لمكتب كتابة كمبيوتر و الله العظيم هياخد منه اكتر من 200 جنية يبقي انتي مستخصر شغل جاهز عندك بــ 100 جنية و انت بقي تضيف اللي انت عاوزه او تحزف اللي انت عاوزه. خلاص معدش فيه حياء عند الناس الشكله ان ممكن يكون الاساتذه اللي زعلانين بيشتموا في البدراوي و كمان بيدعوا عليه و مفكرين انهم كده يعني مظلومين. اخدوه شغل الترم الاول و يعني عليهم الراجل الظالم مرضيش يديهم مذكرة الترم التاني.
3- تصدقم انا طبعا شايف الموضوع ده اول واحد يعني يمكن جت صدفة و ابراهيم بيكتب الموضوع ده و انا موجود و مرضتش ارد الا دلوقتي عشان اشوف الناس المحترمه ردودها هتبقي ايه
4- انا شايف ان الناس المحترمه المعترضة علي الموضوع محدش ليهم ليه ورقة واحدو علي المنتدي و لا اي عمل سبحان الله طيب ورينا شطارتك يا اخي و اعمل حاجه زاي دي او اقل منها و ابقي تعالي اتكلم.
5- طبعا انا عارف اني ممكن اتشتم و اي حد يرد عليا رد مش كويس بس انا قولت اللي يرضي الله و يرضي ضميري.

متعك الله بالصحة يا أستاذ سييد ورزقك الله العافية والله العظيم
مذكرة الترم الأول هدية لكل أعضاء المنتدى و أسئل ربى أن يجعلها فى ميزان حسناتى و من علمونى.
كون حضرتك تكتب لى هذة الكلمات التى بخل على الكثيرون بها هو أعظم شرف وتقدير فجزاكم الله خيراً
المذكرة بتاعة الترم الأول هدية وأقسم بالله لولا أنى جعلت مذكرة الترم الثانى لأولادى لرفعتها إجلالً لكم على المنتدى بتاع الثانوية .
بارك الله لنا فى عمركم ومتعكم بالصحة والعافية ( الترم الأول حلال للناس الطيبين زى حضرتك)

لا شك انك اسديت جميلاً عظيماً للمنتدى ( طلابه و مدرسيه ) و ذلك بمجهودك الخارق الذى لا يستطيع أحد انكاره . و أعترف أننى أول المستفيدين . و نصيحتى لك أن لا ترعى بالاً لهؤلاء الجاحدون اللذين يريدون كل شىء دون تعب أو حتى كلمة ثناء وشكر .

أتمنى لسيادتكم موفور الصحة والعافية و الستر و راحة البال .
و أدعو الله عز وجل فى هذه الايام المباركة أن يرزقنى و اياكم حج بيته الحرام . آمييييييين

( ويا سلام لو نكون مع بعض يا أبو خليل )