|
يا جماعة حد يعرف ايه التحويل اللي بيدفع فيه 100 جنيه ده؟؟
حد يعرف ايه التحويل اللي في افرع مكتب التنسيق و اللي رسومه 100 جنيه .. ده موجود فعلا؟
ده تحويل لمناظر ولا غير مناظر ؟ |
ايه يا جدعان .. محدش يعرف خالص .. هي اشاعة ولا ايه؟
|
السماح لطلاب الكليات الجدد
بالتحويل من خلال الجامعات مقابل سداد100 جنيه كتب - محمد حبيب أعلن الدكتور هاني وزير التعليم العالي والدولة للبحث العلمي أن الطلاب المستجدين والمقبولين حديثا بالجامعات عن طريق مكتب التنسيق من الناجحين في الثانوية العامة والمرشحين من المرحلتين الأولي والثانية يمكنهم التقدم إلي مكاتب التحويلات المركزية بالجامعات مباشرة للتحويل إلي الكليات التي تقع في منطقتهم الجغرافية سواء المتخلفون عن التحويل من خلال التنسيق الالكتروني أو الذين لهم أعذار أو رغبات أخري مقابل سداد100 جنيه. وأضاف الوزير ـ في تصريحات خاصة لمندوب الأهرام ـ أن الوزارة قررت ذلك لاتاحة الفرصة مرة أخري للطلاب الراغبين في التحويل بعيدا عن التنسيق الالكتروني, وسوف تقوم الجامعات بدراسة هذه الحالات بالتعاون مع مكتب تنسيق القبول بالجامعات واتخاذ القرارات المناسبة وفقا للقواعد والشروط التي حددها المجلس الأعلي للجامعات واعلان النتائج قبل بدء الدراسة. وأوضح الوزير أن التحويل للكليات غير المناظرة يسمح للطالب بالتقدم إلي الجامعات في منطقته الجغرافية بشرط الحصول علي الحد الأدني لمجموع الدرجات الذي قبلته الكلية المطلوب التحويل إليها واستيفاء القواعد الخاصة بالقبول مثل النجاح في اختبارات القدرات إن وجدت. وقال أما بالنسبة للتحويلات إلي الكليات غير المناظرة وفقا للامكانيات الاستيعابية للكليات في حدود النسبة المحددة من المجلس الأعلي للجامعات والأولوية للحاصلين علي المجاميع الأعلي في الدرجات. وأشار الوزير إلي أن مكتب التنسيق الالكتروني قد انتهي من اعلان نتائج التحويلات التي تم اجراؤها من خلاله وقبول36 ألفا و273 طلبا بالتحويل إلي كليات مناظرة أو غير مناظرة ودراسة كافة الحالات التي تقدمت بأعذار.. موضحا أن التنسيق أو الوزارة لا يتسلمون التماسات تقدم باليد جميعها يقدم إلي الجامعات. جريدة الاهرام 30/8/2008 |
اقتباس:
ان القسم اللى عاوزه مش متاح ليك فى الجامعة اللى جت صح ؟؟ !!!!!!!!!! ،، |
دا طلب بتقدمه لمكتب التنسيق..و بتدفع 100 جنيه..و فيه تحويل لكليات مناظرة او غير مناظرة..و اعتقد بيقبلو ناس كتير..بس انت الحق قدم فيه بسرعة..و لو عندك اعذار يبأى كويس..مثلا واحدة صحبتى قبلوه منها السنة اللى فاتت عشان اخوها مصاب حرب ..و لو فيه شهادة مرضية مزورة مثلا يبأى كويس..هى دى معلوماتى
|
انشاء الله التحويل ده ينفع لأن ده أملي كله.. و الا هروح تجارة
بس |
انشاء الله التحويل ده ينفع لأن ده أملي كله.. و الا هروح تجارة
بس بالنسبة للاعذار او الاسباب .. مفيش في الورقة بتاعت التحويل مكان لاي حاجة من دي .. فقط كانوا عايزين وصل نور او ميه عشان تثبت محل اقامة الطالب. و طبعا صورة من شهادة النجاح عشان يعرفوا المجموع و بطاقة الترشيح بتاعت الكلية اللي عايز تحول منها. و مفيش كمان رغبات هي تكتب انت جتلك كلية ايه .. و تكتب انت عايز تحول فين. ادعولي يا جماعة في الايام الكريمة دي انه ينفع التحويل ده لأنه ده يعتبر فرصتي الاخيرة |
يارب ينفع ان شاء الله
|
اقتباس:
و بالنسبة للاعذار ..انا واحدة صاحبتى مقدمة تحويل و بعتت مع الحاجات اللى انت قلتها دى ورقة هى طبعاها بنفسها كاتبة فيها حاجات كتير بس دى بأى بنت و من المنصورة و قبلت فى اسيوط و مستعدة تروح لو التحويل مش اتقبل بيتهيألى خسارة عشان سنة واحدة يعنى تسيب الكلية اللى انت عايزها و تدخل تجارة ...و ربنا يوفقك |
اقتباس:
اقتباس:
|
الله ينور يا hkk-happy
بالضبط كده زي ما قالت يا precious انا مش مستعد اسافر عشان قسم انا مش عايزه ده غير ان في واحد في اتحاد الطلبة في المنصورة و دكتور في كلية العلوم جامعة الاسكندرية قالولي ان في اقسام لو دخلتها هقعد الاربع سنين في المنصورة و مش هينفع احول و في اقسام سنتين .. يعني الموضوع مش مستاهل .. بس انا لسه بفكر .. و يمكن ربنا يوفقني و التحويل ده ينفع و ارتاح من كل ده و كمان ادخل القسم اللي انا عاوزه .. يا رب |
اقتباس:
و بجد لو حصل اى جديد ياريت تطمننا عايزين نفرح برده معاك و ناخد الحلاوة بتاعتنا بقى (دى اهم حاجة ) |
انتوا تأمروا و الله ..
ده كفاية انكم بتدعولي و خصوصا في الايام دي .. انشاء الله ربنا يستجيب .. و لو نفع التحويل انشاء الله اوامركم اوامر. انتي في علوم اسكندرية يا nogha صح .. علوم ولا رياضة؟ و سنة كام؟ |
انا من كلية صيدلة و قريت الموضوع بالصدفة
الموضوع نفسه بالنسبة لكلية الصيدلة يعنى مثلا فى ناس قبلت فى بنى سويف و الزقازيق و كدة و الناس دى من اسكندرية و فى الاخر قالوا المحافظات دى نظام حديث يعنى اتلغى الاعدادى و بيدخلوا على اولى على طول فاتصلوا بمكتب التنسيق و قالوا لهم ممكن تحولوا محافظة تانية زى المانيا فيها نف نظام اسكندرية و ده على فكرة بعد ما اتقفل باب التحويل فممكن تتصل بيهم و خد نمرتهم من الدليل و ممكن يساعدوك و الوزير بيقولوا برده انه نزل قرار من 3 ايام ان ممكن حد يروح كلية العلوم اللى فى الشاطبى و دى اخر فرصة مدتها من الاتنين الى الخميس فممكن تروح تسال ضرورى و اى نمرة عايزها اتصل بالدليل او ممكن تقوللى على النمرة اللى انت عايزها لان انا برده اقاليم بس الحمد لله هعد سنة انا معايا نمر التنسيق اللى فى مصر و نمر كليات العلوم |
معلش انا كتبت المشاركة دى من غير مارا المشاركات اللى فوق
ياريت تدعولى انا كمان يتقبل تحويلى فى صيدلة اسكندرية و ربنا يوفقك و يوفقنى و يوفق جميع الطلبة ارجوكم ارجوكم تدعولى انا فى امس الحاجة للدعاء و يارب يتقبل تحويلى و تحويلك و جميع الطلبة اللى محتاجين التحويل ده |
| جميع الأوقات بتوقيت GMT +2. الساعة الآن 06:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.