استفسار عن الهندسة الطبية
 

مافيش حد هنا هندسة طبيه ؟

الهندسة الطبية دى جزء من هندسة يعنى حضرتك بتخشى كلية الهندسة عادى و بعد اما تخلصى اعدادى "اول سنة " تقولى عايزة اخش قسم طبية و دى من علمى رياضة بس لحسن تفتكرى انها من علوم عشان اسمها
بالنسبة للجامعات الحكومة فى القاهرة و حلوان و المنصورة بس اللى ف المنصورة قسم خاص بفلوس
و الخاصة فى ف العاشر و الشروق معرفش فى تانى ولا لأ

شكرا لرد حضرتك ..
طيب وحضرتك كطالب هندسة شايف ايه فرص المجال دا فى الشغل .
وهل هوا اصعب ، واخيرا ممكن اعمل ايه عشان اعرف الجامعات الخاصه اللي بتوفره

فرص الشغل حلوة هنا مصر فى مجال المبيعات و التسويق,البرمجة"تبع طبية برضه",الصيانة
و فى برضه شغل الهندسة الاكلينيكية "جزء من طبية" ف المستشفيات و تركيب الاجهزة و معايرتها
و اللى مش موجود ف مصر كويس هو تصميم و صناعة الاجهزة الطبية عشان هنا بنعمل حاجات خفية و قليلة جدا
و بالنسبة للمرتبات حلوة جدا متقلقيش:)
اهم حاجة تكونى حابة القسم و مقتنعة بيه
عشان تعرفى الجامعات الخاصة غير الاتنين اللى ذكرتهم ياما تسألى حد ف جامعة خاصة او تقعدى تبحثى عن جامعة جامعة ف جوجل و تشوفى كلية الهندسة اللى فيها بتوفر اقسام ايه