|
قلوب صغيره تحت ال 18
فى الفترة الأخير نشأت وبقوة ظاهرة جديدة وهى الزواج المبكر أو بمعنى أصح الخطوبة المبكرة لدى الفتيات ( من 16 ـ 18 سنة) وهذه الظاهرة لها أكثر من احتمال:
1- اما البنت تفضل مخطوبة 4- 5 سنين لحد متخلص كليتها وبعدين تتجوز (مع العلم انها ممكن تفضل حوالى 4 سنين خطوبة فقط بدون كتب كتاب) 2- واما انها تتجوز بعد سنة واحدة أو سنتين من الخطوبة يعنى وهيا لسة بتدرس ( وانتو عارفين ايه اللى حيترتب على كده):57: 3- الاحتمال الثالث انها يتكتب كتابها بعد سنة واحدة من الخطوبة ولا يتم الزواج الا بعد انتهائها من الكلية( وده نادرا مابيحصل وانتو عارفين ليه):crazy: عايز أعرف رأيكو ايه فى الكلام ده؟ وانتو مع أى احتمال من الثلاثة دول؟ ومن وجهة نظركو ايه السبب فى التغيير اللى حصل ده فى تفكير البنات؟: يعنى فى الأول البنت مكانتش ممكن تفكر فى الخطوبة الا فى آخر سنة ليها فى الكلية أو حتى بعد متخلص دراستها .ايه اللى خلى البنات يغيرو رأيهم كده؟ |
مش عارف بس يعني بيتهيالي
ان دي الحالة الطبيعية والسن الطبيعي لحد ما دخلت الافكار الغربية المتخلفة الي اخرت سن الزواج بعد الدراسة والموضوع دا ممكن انه حاجة من اتنين ان الشباب بقت تحس انها حرام تمشي مع وحدة فيخطبها عشان ميبقاش دا حرام والموضوع يبقى رسمي على عكس ايام السبعينات والسيتينات لما الشباب بيقابلو البنات لحد ما يتجوزر او ممكن لان التعليم فقد اهميته واكل العيش بالشغل ومش هيفرق ان البنت تاخد شهادة او لا لان كد كدا مش هتشتغل وهتعد في البيت والف شكر عالموضوع |
هقول لسيادتك دلوقتى ظروف الجواز بقت صعبة جدا شبكة ومهر وشقة ........... كل ده بيأثر فى امكانيات العريس فبيفضل انه مايحرجش نفسه فالشباب بطلو يخطبوا وارتفعت نسبة العنوسة دلوقتى البنت بتوافق على اول عريس يجيلها ومش مهم انها تفضل مخطوبة اربع او خمس سنين المهم انها تهرب من لقب عانس فى رعاية الله |
ثانكس على التوبيك
وانا مياله اكتر لوجه نظر باسم اعتقدى اقرب حاجه لتفكير الشباب تقبل مرورى |
والله هو بيتوقف ع هدف البنت ف حياتها
عاوزة تبنى عيلة وكده مفيش مشاكل و تمشي طبيعى يعنى خطوبة وسنة او 2 وتتجوز عاوزة تثبت نفسها ف دراستها يبقي افضلها تنسي حوار الخطوبة ده حتى لكن خطوبة 5 او 4 سنين والحوارات دى غالبا بتفشل وبعدين الجواز بدرى مش وحش اهو عصمة من الفتنة ،، بس انا بأيد بصراحة ان البنت تاخد حقها ف التعليم تتخطب ع سنة 3 كده ممكن .. وكمان تكون نضجت شوية فكريا علشان تقدر تختار صح وفى كمان كلام سايد اليومين دول بيقول ان الشباب بياخد البنات الصغيرة افضل كمان فى اعتقاد بان البنت اول ما تتخرج طابور عرسانها بيكش للنص بس كده شكرا محمد ع الموضوع |
هو يبقى كويس لو بعد 18 سنة
مش قبل كده وطالما الظروف تسمح بكدة خلاص انما تقعد مخطوبة أكتر من سنه وكده لا ما افتكرش انها حاجه حلوه شكرا على الموضوع |
انا شايف ان الواحد ممكن يفكر عادى فى الجوازطالما امكانيته سامحاله
يعنى لو البنت تقريبا كبيره ومستعده تبقى مسؤله عن بيت يبقى ايه المشكله وكمان الولد لو له مصدر رزق كويس يقدر يفتحبيه بيت يبقى مفيش اى مشاكل شكرا يا حماده على موضوعك |
بيتهيألى إن السن اللى إنت بتتكلم عنه ده هو السن الطبيعى جداااً للزواج ثم إن معظم اللى بيتخطبو فى السن ده بنات الدبلومات ودد قليل جداااً من اللى داخلين كليات أنا عن ننفسى شايفها ظاهره صحيه جداً على الأقل هتقلل من الفتن |
اقتباس:
|
والله انا شيفة ان الموضوع دة مش صح و مش معاه خاااااااااااااااااااالص
و بعدين فعلا الموضوع دة بيبقا للنت اللى خدت دبلوم و قعدت و مكملتش لكن اى وحدة دخلت الجامعه يبقا المفروض الاول تخلص درستها و بعدة كدة موضوع الخطوبه دة |
انا بجد مع خطوبة البنت في سن ال 18 مش قبله
يعني على الاقل حمايه للبنت في الكليه بدل ما تقعد تدخل في قصص حب مالهاش نهايه وبردو تكون عرفت مستقبلها |
اقتباس:
فعلا كلامك صح هو دا الى المفروض الصح |
ايه يا جماعه فين الردود الحلوة عاوز رايكم
|
انا عندي 18 سنه بس عمري ابدا ما اتخيل اني ممكن اتخطب دلوقتي عشان انا لسه صغيره
|
| جميع الأوقات بتوقيت GMT +2. الساعة الآن 03:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.