نقل معلم
 

بناء على طلبي تم صدور نشرة نقل لى لادارة اقرب لسكنى ولكني اكتشفت من كلام الموجه ان الاماكن المتاحة غير ملائمة هل يوجد طريقة للبقاء فى مكانى وتجاهل نشرة المديرية

نشرة المديرية يطلق عليها امر تنفيذي يعني واجبة النفاذ
طيب نعمل ايه؟
لازم نكتب طلب الغاء النقل و تطلع نشرة الغاء
ده على حد علمي و من واقع خبرتي و الله اعلم

ممكن تلغى النقل ده بعمل التماس لمدير الادارة اللى انت تابع ليها وتقدم اسباب مرضيه او رعاية احد الوالدين بس اوعى تنفذ واتحرك بسرعة وشوف حد تعرفه شغال فى الادارة قريب من المدير وبرضة مدير مدرستك ممكن يزكيك بان المدرسه فى حاجه لمجهوداتك المهم قدامك الف باب واوعى تنام قبل ماتخلص الموضوع ده وربنا معاك وابقى بشرنى لما تخلص شد حيلك

يا أستاذة أنا لما بقدم طلب نقل خارج الادارة بحدد اسم الادارة اللي عاوز أروحها و لو عاوز أنقل الي مدرسة معينة برضه بحدد اسم المدرسة عشان لو جاني ادارة غيرها مش بنفذ .....فحضرتك حددت اسم الادارة اللي عاوز تروحها و لا سبتها مفتوحة ينقلوك مكان ما يعجبهم ؟

مدير الادارة هيلغي الامر التنفيذي للمديرية؟!!
واضح ان خبرتك على قدك
يا ريت الواحد لما يكون مش متاكد ما يفتيش
انا مر علي من واقع خبرتي ثلاثة مواقف من النوع ده و كان بيتعمل نشرة الغاء بس بعد عذاب و مع ذلك باقول في نهاية المشاركة اللي فاتت الله اعلم

شكرا على الرد الحل ان الموجه العام يلغى النشرة