|
هام للدفعة الجديدة 2017
بسم الله الرحمن الرحيم
اولا انا اكيد معروف والي ميعرفنيش يسأل عني انا بقي صاحب اكبر موضوع ونسبة مشاهدة في قسم اجتماعيات طالب الا وهو " دفعة ثانوية عامة 2016" الحمد لله رب العالمين انا علمي رياضة ربنا كرمني ودخلت الكلية الي كان بيتمناها قلبي الا وهي كلية الحاسبات والمعلومات جامعة اسيوط واحد يقولي ليه مدخلتش هندسة اقوله والله انا مش ميولي هندسة خالص وبعدين انا بحب مجال البرمجة والتصميم والحاسب وكدا يبقي هدخل هندسة اعمل ايه !!!! وفي ناس بتدخل الكلية عشان منظر وكدا لا اانا مبيادش الكلام ده ولا بسمع لحد وكدا الي في دماغي بعمله الحمد لله التوبيك بتاعي جاب مشاهدات كتييييييييير وناس كتير اتبسطت معانا ودخلوا الكليات الي بيتمنوها امثال عبده واحمد وامل والاء وجينجر واسراء وضحي وأميرة:d الف مبرووووووووك لينا جميعاً وعقبال الدفعة الجديدة واي خدمة انا تحت امركم والله بس بسرعة قبل ما تبدأ الجامعة ومش هتشوفوا وشي غير فين وفين :d:d:d:d بالتوفيق ليكم جميعاًً ونسيت اقولكوا محدش يزعل من الي جاب مجموع وحش او مدخلش كلية كان نفسه فيها لا مفيش الكلام ده لكل مجتهد نصيب فعلا وربنا مقسم الارزاق علي عباده فانت اتكل علي الله وربنا مش هينساك ابدأً اي استفتسار انا في الخدمة وان شاء الله هقولكوا ازاي تذاكرو مادة مادة وتلموها :028ja7: |
الف مبروك و وربنا يوفقك في حياتك و دراستك
بس ماتنساش اخواتك في الدفعة الجديدة بقي ؛) |
مبروك وربنا يوفقك .....مستنين خبراتكم
|
اقتباس:
|
اقتباس:
|
الحمد لله ان حضرتك دخلت ال بتحبه ربنا يوفقك دوما ^^
|
اقتباس:
المهم انتي عاملة ايه ليا شهوووووووووور مدخلتش البوابة |
الف مبروووووووك يا duka tefa وعقبالنا ان شاء الله
انا عندي مشكلة وعايزه حضرتك تساعدني انا ثالثة ازهر وعندي مشكلة في شهر 8 ومازال اني مالحقتش اذاكر كنت باجي من الدروس مرهقة جدا وصداع وعلطول بتجه للنوم وبنام اكتر من المعقول ومش عارفه احل المشكلة دي ونفسي بجد اذاكر بس مجرد مابقعد علي الكتاب وربنا يهديني مابقاش عايزه اقوم من علي الكتاب ولوفصلت دقيقة مااعرفش ارجع تاني اذاكر ودلوقتي المدرسين كلهم بيدوا امتحانات فحسه بالضياع مع اني بااقعد نفسي اني بدا من النهاردة وانسي اللي فات لاني كدا بضيع الحاضر والماضي:(:( |
اقتباس:
اولا لازم تظبطي مواعيد دروسك وتنظمي وقتك يعني مثلاً تخلي يوم او يومين في الاسبوع فاضي من غير دروس وتحاولي تنجزي فيهم الي ضيعتيه وكدا بس لازم تتوكلي علي الله الاول لاني الازهر مواده تقيلة جداً ثانياً احنا داخلين علي عيد ان شاء الله وكل سنة وانتي طيبة يبقي تستغلي اجازة العيد فالي ضيعتيه ده وتبدي تذاكري انا السنة الي فاتت حصل معايا كدا خصوصا في الفيزياء كان معايا فصل كامل ملحقتش اذاكره ولا احل مسائله فالمهم اعتمدت علي ربنا واستنيت العيد بفارغ الصبر عشان اخد اجازة واقعد اذاكر الي ضيعته والحمد لله خلصت الفيزياء في يوم نص وحليت اكتر من 70 مسالة وكدا ثالثاً حاولي تنامي بدري وتصحي بدري يعني مثلاً جيتي من الدرس الساعة 9 بليل ومش قادرة تكملي يبقي تنامي وتصحي علي الفجر تراجعي الدرس ده الي خدتيه وبعض المواد الي اتزنقتي فيها وكدا ومش تنسي وقت الفجر ده طويل سبحان الله انا كنت بذاكر فيه مواد كتيرة وحاولي لو صحيتي علي الفجر تصلي ركعتين قيام ليل لربنا وكدا رابعاً بعد ما تيجي من الدروس تذاكريها اول باول ومتسيبيش حاجة الا ولما تذاكريها وذاكري مواد الازهر اول باول عشان صعبة وطويلة خامساً حاولي متضعطيش علي نفسك في المذاكرة اول باول لا خليكي طبيعية خالص وهتوصلي والله للي انتي عاوزاه عيشي حياتك يعني اسمعي تي في وافتحي نت لازم يكون عندك وقت ترفييه وكدا سادساً ربنا يوفقك ويحقق لك حلمك باذن الله وربنا يكون في عونك عشان انتي ازهر يعني دارسة رياضة وفيزياء وكيمياء واحياء غير المواد الشرعية اي استفسار انا في الخدمة |
اقتباس:
انا فضيت يوم الاحد كان عندي فيه درس فيزياء بس كان بيضيع 4 ساعات ففضيته والثلاثاء عندي سته الصبح وخمسة بليل كان عندي واحده بس غيرته المشكلة اللي عندي في الفيزياء مش عارفة احل توصيل المقاومات وحاولت بس بيطلع لي ارقام غير الموجودة:bosyht9::bosyht9: |
ربى اختار لى و لا تخيرنى
فانت خير من يختار |
اقتباس:
ايه مشكلتك بقي فيها ؟ |
1 مرفق
اقتباس:
صراحة انا مش فاهمتها من المستر لانه كان بيحلها سريع جدا وكان بيحلها مش عارفة اوصف لحضرتك ازاي انا فاهمة القوانين بس في مسائل مش باااعرف احلها زي دي مثلا بس البطارية في النصف |
اقتباس:
فالمهم استغليت زي ما قولتلك اجازة العيد وجبت شرح الاستاذ محمد عبد المعبود الصراحة الاستاذ ده بسميه عبقري الفيزياء لازم تسمعيه من الاخر الاستاذ ده عرفني مش ازاي احل مسائل المقاومات وبس لا عرفني ازاي اصلا احب الفيزياء وانا كمان في كليتي عندي فيزياء بس الانجلش فلازم اكون دارس الحاجات دي كويس المهم لما تكون مسائلة زي الي جبتهالي دي امشي مع التيار وهاتي اقلام الوان وارسمي اسهم عشان متتلخبطيش زي مسائل كيرشوف وكدا المهم لما تكون دائرة فيها اكتر من مقاومة وانتي مش عارفة توالي ولا توازي يبقي بتبدي من اخر فرع وتمسكي مقاومة مقاومة وتشوفي التيار جاي فين وتحددي هما توالي ولا توازي زي مسائلة مصر 2015 شوفيها كدا هتفهمي كلامي |
يعني المسائلة الي انت ورتهالي دي
لو كان عايز يوجد المقاومة الكلية للدائرة بسيطة اولا هتبدي من الاخر خالص المقاومتين 8و8 متوصلين توازي يبقي 8/2= 4 اوم يبقي كدا معانا المقاومة الكلية للمقاومتين الي هما 8و8 الي جبناها ب 4 اوم يبقي كدا ال 4 اوم و مقاومة 1 اوم ومقاومة 3 اوم ومقاومة 4 اوم دول متوصلين توالي نجمعهم ونجيب المكافئة بتاعتهم هتطلع ب 12 اوم باقي معانا ال مقاومة 12 اوم والكلية الي جبناها دلوقتي الي هي ب 12 اوم هتلاقيهم توازي يبقي 12/2 هتساوي 6 اوم يبقي كدا خلصنا من اخر فرع نمسك الفرع التاني معانا المقاومة الكلية بتاعة الفرع الاول الي هيا 6 اوم يبقي 6 والمقاومة 2 توالي نجمعهم نلاقيهم 8 اوم المقاومة 8 اوم مع ال 24 اوم توازي نقول 24*8 علي 24+8 هتساوي 6 اوم مش فاضل معانا غير ال 6 اوم الي لسة جايبنها والي 9 الاتنين توالي يبقي تجمعي 6+9=15 اوم يبقي المقاومة الكلية للدائرة هي 15 اوم ولو عايز شدة التيار الكلي بس لازم يكون عندك فرق جهد الكلي للدائرة عشان ده من خلاله هتجيبي شدة التيار وبالتوفيق لكي اي خدمة انا موجود |
| جميع الأوقات بتوقيت GMT +2. الساعة الآن 04:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.