|
هل توافق علي زيادة التحذيرات في علبة السجاير
الموضوع ده ظهر من فترة في مصر
ان كل علب السجاير بقي عليها صورة واحد في الانعاش و مكتوب عليها "نهاية التدخين " انا عن نفسي عمي بيشرب سجاير, دلوقتي بقي محتفظ بعلبة قديمة و يحط السجاير الجديدة فيها عاوز اعرف ايه رأيكم |
انا مش عارفة ازاى بيبقوا كاتبين الكلام ده على علب السجاير ومفيش فايدة
انا اعتقد انهم سواء كتبوا كلام او لا اللى عاوز يدخن هيفضل يدخن برضو وشكرا على الموضوع تقبل مرورى |
من الحاجات دى
مهما كتبوا التدخين ده عامل شكل الشرب والاكل عند كل مدخن دا لو حتى كتبوا على علب السجاير هتموت بعد ما تشرب النفس هتتشرب هتتشرب والله انا نفسى افهم حاجه يعنى لما هما كده وبيكتبوا عليها الحاجات دى ما يمنعوها احسن ويمنعوا نزولها السوق ليه يعنى |
أخي / أختي..
هناك جملة لا و لن يستطيعوا كتباتها على علبة الفواحش (أقصد السجائر) مع أنها رسمية (أي نعم من قالها تمت إقالته من الإفتاء و لكن تم تعينه و تثبيته في قلوب كل مسلمي مصر و العالم) التدخين حرام شرعا و المدخن أثم في حق الله و سيحاسب حسابا عسيرا على ما أنفق من مال في الهواء و على جسده الذي دمره مع أنه لا يملكه طيب الله ذكر الشيخ نصر فريد واصل |
ده فعلا رأيي لأن اللي هيشوف الصورة مش هيبطل بسببها
|
اقتباس:
نفس رأي والله |
اعتقد ان ملهاش اي لزمه اللي عايز يدخن
بيدخن وموش بيهتم بالصورة او التحذير |
هههههههههههههههه بص انا هقولك لا تعليق عشان حاجة واحده بس عشان عمك بيشرب سجاير وناس كتير اعرفهم بيشربوا سجاير فربنا يهديهم عشان لو اتكلمت هتكلم بطريقه وحشه :) اللي ممكن اتكلم عليهم البياعين المتخلفين اللي بيسألك بصورة ولا من غير صورة كنت هتخانق مع واحد بياع وانا رايح انا وواحد قريبي يشتري سجاير ليه - انا مبشربش الحمدلله - :d قولتله يعني معاليك لو اخد علبه السجاير اللي معلهاش صورة فيه امل انه يعيش قالي دي مضره انما دي مش مضره قولتله ربنا يوفقك ياحج هههههههه الشعب نسبه التخلف زادت فيه ربنا يستر واخد بالك انت كل ده ولا تعليق :D |
ياجماعة المدخن عارف اضرار التدخين سواء فى صورة او مافيش
وهو عارف اضرار التدخين اكتر من الى مش بيدخن وموضوع الصورة او زياده التحزيرات لن تجدى شكرا |
اقتباس:
لا احبز مطلقا :d بيبوظوا منظر العلبه ع الفاضى .. وبعدين اضرار التدخين والحاجات دى المدخنين مذاكرينها وعارفينها كويس اوى يعنى مش هيأثر فيهم لو كتبوا قصيده حتى ع العلبه ميرسى ع الموضوع |
الصراحه مش عارفه لازمتها بدام اللى بيشرب بيشرب ايه اللى جد ؟؟بس تعرفوا بتوع شركات السجاير بيعملو ا اللى عليهم بردو
:d :d ربنا يهدى |
اولا انا بيتهيالى الصورة دى الزام من وزارة الصحة
ثانيا انا مش معاها لان شكلها بجد.... مش عارفة اصلا اللى بييجى يدخن و يلاقى الصورة دى قدامه بيبأى لسة قادر يبص فى وش السيجارة ازاى دا انا مرة يعنى كنت ناوية...بصيت ع العلبة كرهت نفسى (هس هس):d بس اظاهر المدخنين الصورة دى مش نافعة معاهم يبأى بيحتوها ليه مالها يعنى "التدخين ضار جدا بالصحة و قد يؤدى الى الوفاة":d كله زى بعضه...لا يؤدى الى شىء ---------------------------------------------------- ---------------------------------------------------- اقتباس:
|
انا الى اعرفه ان مش الشركات الى بتحط الصوره ديه ده وزاره الصحه هيا الى بتحط الصور ده دلوقتى فى محلات فيها علب سجاير الى مش عليها الشكل بيروحوا يبوعها بسعر اكتر يعنى بيزودوا نص جنيه جنيه والناس بتدفع عادى وبس الصوره ديه حتاخد فتره وحتتشال تانى زى ما عملوا قبل طده صوره القلب
|
اعتقد ليها فايده
مادام المدخنين بيضيقو من المنظر ده بطول الوقت حيبطلو |
اللى عاوز يبطل هيبطل لوحدة
|
| جميع الأوقات بتوقيت GMT +2. الساعة الآن 10:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.