بلاش تمثيل
لأن حكايتك الماسخه بقت بايخه
ودورك مات !!
معدش معاك غير حبة ورق وحاجات
فدورك مات
ومش بإديا أحييكي
ولا أزرع أمل بكرا
لأن الميه لو جنبي ..
مش هسقيكي
لأنك ذكرى منحوته على الشباك
ومش في القلب من جوه عشان أهواك
ما كانت فرصتك حيه
ومستني أمل ييجي
عشان نحيا سوا لبكرا
بغبائك مات
فمش مستني منك صوت
ولا إحساس ولا همسه
ولا حتى كلام دافي
ولو غبت سنين عايش على ذكرى
فماتت كل لحظة حب كانت واقفه تستناك




#ضياء_الدين_سعيد