نص بيان البنك المركزي المصري عن تحرير سعر الصرف



http://media.almasryalyoum.com/News/...1/502868_0.JPG


تحرير سعر الصرف وفقا لآليات العرض والطلب.

قرر البنك المركزى المصرى في بيانه السماح للبنوك بفتح فروعها حتى التاسعة مساء، وأيام العطلة الأسبوعية لتنفيذ عمليات شراء وبيع العملة وصرف حوالات العاملين في الخارج.

وأكد البنك استمرار حدود السحب والإيداع السابقة للشركات العاملة في استيراد السلع والمنتجات غير الأساسية.

وقال البنك، في بيانه، إنه حرصا منه على تأكيد ثقته في الاقتصاد المصري وتحقيق الاستقرار النقدي استهدافا لمستويات أدنى من التضخم فقد قرر اتخاذ عدة إجراءات لتصحيح سياسة تداول النقد الأجنبي من خلال تحرير أسعار الصرف لإعطاء مرونة للبنوك العاملة في مصر لتسعير شراء وبيع النقد الأجنبي بهدف استعادة تداوله داخل القنوات الشرعية وإنهاء تماما السوق الموازية للنقد الأجنبي.
وأضاف البيان أن هذه الخطوة تأتي اتساقا مع المنظومة الإصلاحية المتكاملة التي تتضمن برنامج الإصلاحات الهيكلية للمالية العامة للحكومة الذي يتم تنفيذه بحسم وأن حزمة الإصلاحات النقدية والمالية المتكاملة تمكن الاقتصاد المصري من مواجهة التحديات القائمة وإطلاق قدراته وتحقيق معدلات النمو والتشغيل المنشودة بما يناسب مع إمكانيات وموارد مصر البشرية والطبيعية والمادية.

وتابع البيان: قام البنك المركزي باتخاذ القرارات التالية اعتبارا من اليوم وإطلاق الحرية للبنوك العاملة في مصر في تسعير النقد الأجنبي وذلك من خلال آلية الإنتربنك ورفع سعري عائد الإيداع والإقراض لليلة واحدة بواقع 300 نقطة أساس ليصل إلى 75ر14% و75ر15% على التوالي ورفع سعر العملية الرئيسية للبنك المركزي بواقع 300 نقطة أساس ليصل إلى 25ر15% وزيادة سعر الائتمان والخصم بواقع 300 نقطة أساس ليصل إلى 25ر15% والسماح للبنوك بفتح فروعها حتى التاسعة مساء وأيام العطلة الأسبوعية بغرض تنفيذ عمليات شراء وبيع العملة وصرف حوالات المصريين العاملين بالخارج.

من جهة أخرى أكد البنك أنه لن يتم فرض شروط للتنازل عن العملات الأجنبية ويضمن البنك المركزي أموال المودعين بالجهاز المصرفي بكافة العملات ولا توجد أى قيود على إيداع وسحب العملات الأجنبية للأفراد والشركات واستمرار حدود الإيداع والسحب السابقة للشركات التي تعمل في مجال استيراد السلع والمنتجات غير الأساسية فقط بواقع 50 ألف دولار خلال الشهر بالنسبة للإيداع وبواقع 30 ألف دولار يوميا بالنسبة للسحب.

مفاجأة: تعويم الجنيه يرفع اسعار السيارات المستوردة بنسبة 50%



http://almogaz.com/sites/default/fil...?itok=KCxUAOph




في الوقت الذي توقع فيه البعض انخفاض أسعارها، إلا أن انعكاس سعر صرف الجنيه بعد تحريره "تعويمه" أمام الدولار على القيم الجمركية، أدى إلى زيادة التعريفة الجمركية للسيارات المستوردة من الخارج بنسبة 48%.

وكان البنك المركزي المصري قد أعلن صباح الخميس عن تحرير سعر صرف الجنيه بنسبة 48% ليسجل الدولار 13 جنيها في السوق الرسمية بالبنوك، مع السماح بتحركه في هامش بنسبة 10% ارتفاعًا وانخفاضًا.

وحول تأثر قطاع السيارات في السوق المصري بتخفيض قيمة الجنيه قال علاء السبع عضو الشعبة العامة للسيارات باتحاد الغرف التجارية لـ(مصراوي)، إن قرار البنك المركزي الصادر اليوم قد رفع سقف الدولار الجمركي من 8.88 إلى 13 جنيه، ما يعني ارتفاع قيمة الجمارك المدفوعة بنسبة تتراوح ما بين 48 إلى 50% عن السابق.

وبالنسبة للسيارات المستوردة من دول الاتحاد الأوروبي الخاضعة لاتفاقية الشراكة الأوروبية، فإن نسبة الزيادة فيها سيتم حسابها في قيمة الدولار من قيمة الجمارك المتبقية وهي 30%.

وانهى السبع حديثه ان تحرير سعر الصرف بوجه عام في التعاملات داخل البنوك يعد خطوة جيدة نحو جذب استثمارات خارجية في جميع القطاعات وبالتحديد في قطاع السيارات.

عبد الخالق فاروق تعليقًا على تعويم الجنيه: تخريب للاقتصاد.. والدولار سيعود للارتفاع يعقبه موجة تضخمية وتدهور للمعيشة



http://albedaiah.com/sites/default/f...?itok=ofPAarmg

عبد الخالق فاروق




وصف الخبير الاقتصادي عبدالخالق فاروق، رئيس مركز النيل للدراسات الاقتصادية، قرار البنك المركزي بتعويم الجنيه بـ«معركة السراب»، مؤكدًا أن القرار سيتسبب في فجوة بالموازنة العامة والميزان التجاري، وسيؤدي لإضرار فادح بالاقتصاد، حيث سنتعرض لموجة تضخمية غير مسبوقه، يتبعها تدهور في معيشة الفقراء ومحدودي الدخل، مقابل مكاسب لرجال المال والأعمال.

وأضاف الخبير الاقتصادي لـ«البداية» أن ما حدث هو تكرار لنفس السياسات الاقتصادية القديمة، والتي يتم استخدامها منذ مطلع التسعينات، موضحًا أنه في كل أزمة اقتصادية مرت بها البلاد يتم اللجوء لتعويم الجنيه، بدعوى محاربة السوق السوداء، الحفاظ على الاحتياطي النقدي، وتزويد الصادرات، مؤكدًا أنه في كل المرات التي تم اللجوء فيها لتخفيضه لم تتحقق أيًا من الأسباب الثلاثة، ولم نصل إلى ما يطلق عليه السعر المتوازن للجنيه، حيث يستقر السوق فترة قصيرة، ثم يعود بعد أسابيع قليلة إلى الارتفاع الشديد،
وأكد فاروق على أن ما ذكره البنك المركزي في بيانه صباح اليوم الخميس بأن «قرار تحرير سعر الجنيه جاء لتخفيض التضخم واستكمال البرنامج الحكومي للإصلاح الاقتصادي»، هو «ضحك على الدقون» موضحًا: «أي حد بيعرف أ، ب اقتصاد هيعرف إن اللي عمله وبيعمله البنك المركزي بيعبير عن برنامج تخريب برنامج وليس إصلاح».

وكان البنك المركزى قد أعلن صباح اليوم الخميس تعويم الجنيه المصري، وتخفيض قيمته بنسبة 48% ليسجل الدولار 13 جنيهًا في السوق الرسمية بالبنوك، مع السماح بتحركه في هامش بنسبة 10 % ارتفاعًا وانخفاضًا.

«الصناعات الدوائية» تطالب الحكومة بإنقاذ القطاع بعد «تعويم الجنيه»





http://media.almasryalyoum.com/News/.../470692_0.jpeg


دعت غرفة الصناعات الدوائية باتحاد الصناعات ، الحكومة إلى اتخاذ قرارات عاجلة لإنقاذ قطاع الدواء بعد قرار البنك المركزي، الخميس، بتحرير أسعار صرف الدولار «تعويم الجنيه»، مؤكدة أن الدواء الوحيد هو السلعة المسعرة جبريًا، ولا يمكنها زيادة أسعارها لتفادي الزيادات في تكلفة الإنتاج.



وقال أسامة رستم، نائب رئيس الغرفة، إنه «ليس هناك حلول كثيرة، إما أن تقوم الحكومة بدعم مباشر لسعر صرف الدولار اللازم لمشتريات الخامات الدوائية أو استيراد الأدوية تامة الصنع أو أن توافق وزارة الصحة لشركات الأدوية بزيادة سعر بيع بعص الأصناف، لتعويض الخسائر الناجمة عن ارتفاع الدولار في السوق الرسمي.
وأضاف «رستم»: أن «أغلب مستوردي الأدوية سيتوقفون عن الاستيراد بعد ارتفاع الدولار رسميا، خاصة أن هامش الربح ضئيل ولا يمكن أن يتحمل زيادات التكلفة».


وارتفع سعر الدولار الأمريكي رسميا، الخميس، بعد تحرير سعر الصرف، ليصل إلى 13 جنيها، مقابل 8.80 جنيه، بما يتجاوز 40%، فيما يعتمد قطاع الدواء في تلبيه احتياجاته على البنوك.


وأشار «رستم» إلى أن القرار سيكون له تأثيرات إيجابية في جذب الاستثمار الأجنبي، وبما يسهم في توفير العملة اللازمة لاستيراد الخامات، ولكن يجب أيضا رفع الظلم عن قطاع الأدوية.


وأضاف: أن «الغرفة تجري مشاورات حاليا لعقد اجتماع عاجل مع رئيس الوزراء، ووزير الصحة، لمعالجة الأزمة الطارئة حتى لا تتعرض الشركات للتوقف»، مشيرا إلى أن تكلفة الإنتاج ارتفعت بما لا يقل عن 40%، بعد زيادة سعر الدولار الرسمي.


وتابع: أن «وزارة الصحة كانت قد رفعت أسعار بعض الأصناف الدوائية، بعد قرار البنك المركزي بزيادة سعر صرف الدولار»، مشيرا إلى أنه تم امتصاص كل الزيادات في التكلفة، وأن الاعتمادات المستندية الجديدة للخامات أو الأدوية تامة الصنع ستكون بالأسعار الجديدة، وبالتالي يجب تحقيق زيادة جديدة في السعر.


وحذر «رستم» من تأخر الرد الحكومي، مشيرا إلى أنه قد يؤدى للتوقف عن استيراد العديد من الأصناف أو الإنتاج في بعض المصانع، بما يؤثر على زيادة الأصناف الناقصة في السوق.

ايه اللي حصل للجنيه ؟


الجنيه اتعوم .. والدولار النهارده سعره في البنوك ١٣ جنيه .. بعد قرار تحرير سعر الصرف من المركزي .. وفي السوق السودا بقى بـ 13.75 !! .. وده بعد ما كان وصل لـ 18.25 في اسبوع واحد .. والكل استغرب ان الفترة الصغيرة دي نط الدولار النطة دي .. لكن الواقع المر اللي صحينا عليه ان بقى سعره ( الرسمي ) في عهد السيسي ( ٣ اضعافه ) في عهد مبارك و ( ضعفينه ) في عهد مرسي .. وده بعد وعود غبيه!!!! كتير بانهياره ونزوله تحت العشره جنيه !!


مرجع لنص القرار الرسمي من البنك المركزي :

http://bit.ly/2egyUjp



تعالو نفهم القصة مع بعض على كام نقطة محددة لعدم التوهان ..


طبعا مفيش استثمارات دخلت البلد وكل اللي وعد بيه السيسي واتباعه من الاستثمارات الاجنبية طلعت فناكيش خلال السنتين اللي فاتوا .. ومفيش قروض دخلت من سنة .. والقروض اللي قبلها اتشرب بيها بيبس .. والدولارات ضاعت عالتسليح الوهمي والصفقات العسكرية اللي مش وقتها .. ده غير المشاريع اللي كلت حجم دولاري ضخم عشان بس ترفع الروح المعنوية للشعب حسب كلام السيسي .. فالغطاء الدولاري للحكومة بقى في ادنى مستوياته .. والسوق السودا اتكفلت هي بتزويد المستثمرين والتجار بالدولار .. فطبعا ولع نار ..


الحكومة بقى تعمل ايه ؟

يتبع

الحكومة بقى تعمل ايه ؟



فيه اجتماع عاجل حصل يوم : 22 / 10 اللي فات بين السيسي ومحافظ البنك المركزي وكذا وزير .. كان الكل متوقع فيه الاعلان عن ( تعويم الجنيه ) .. او تخفيض سعره مراعاة لشروط قرض البنك الدولي .. لكن بعد الاجتماع محصلش حاجة .. وولا فيه أي قرارات اتاخدت وفضل سعر الدولار في البنوك 8.88 .. والحكومة اكنها قالت للناس يكش تولعوا كلكم في الارتفاع الجنوني للدولار ومعاه غالب اسعار السلع .. بس برضه ناس كتير مصدقتش ان الاجتماع اتعمل وانتهى كده بدون قرارات سرية خفية حلزونية ولعب عالشعب زي العادة .. وقد تم !!


مرجع اجتماع السيسي العاجل :

http://bit.ly/2eg1EZC


بعد الاجتماع ده حصل اجتماع تاني لحاجة جديدة لانج اخترعتها الحكومة واسمها ( المجلس الاعلى للاستثمار ) يرأسها السيسي بنفسه .. عموما الاجتماع طلع بحزمة قرارات معلنة اهمهم دعم الاستثمار المصري والاجنبي بتخفيض الضرائب واتاحة فرص اوسع واشمل من الاول .. ومعاهم دعم الجنيه المصري .. لكن برضه شكل المعلن مش هو الخفي ..


مرجع نتايج الاجتماع :

http://bit.ly/2eg5JwX


الظاهر واللي اتضح ان الاجتماعين دول مكنوش بس عشان القرارات اللي تم الاعلان عنها.. لان حصل كام حاجة ضرب نار ورا بعض خلت الدولار بالصورة اللي احنا شفناها امبارح وبشكل منظومة احداث متسلسلة مطبوخة مسبقا ولا المافيا .. اهمهم الاتي :


- طلع المهندس / شريف اسماعيل رئيس الوزراء الاتنين اللي فات في مجلس الشعب .. وقال ان الدولار خلال ايام هتبقى قيمته في البنوك هي نفس قيمته في السوق السودا .. وده بسبب حزمة اصلاحات اتعملت فعليا مع البنك المركزي .. وطبعا ده كلام يربك أي سوق عملة لانه اكبر راس تحت الرئيس ولو بصورة شكلية ..


مرجع جلسة رئيس الوزراء :

http://bit.ly/2eg3eux


- بعده على طول طلع البنك المركزي بقرار وقف ايداع الدولار مجهول المصدر من اي حد في كل البنوك المصرية .. واللي معاه دولار يثبت بالوصولات والسندات انه جايبه شرعي مش سوق سوداء ..


مرجع بالمستندات :

http://bit.ly/2egc0Zb





يتبع

- يشاء السميع العليم وشوف حكمة ربنا يامؤمن ان ( اتحاد الغرف التجارية ) ربنا يهديه .. ويحط شوية الزامات على المستوردين وكبار التجار تمنعهم من التعامل بالدولار .. زي وقف الاستيراد المؤقت لمدة 3 شهور للسلع غير الاساسية .. والاكتفاء باستيراد السلع الاساسية فقط .. فطبعا محدش منهم عاد هيشتري دولار من تجار العملة .. فتجار العملة خافوا من ان الدولار يتكدس عندهم .. وبالتالي نزلوا سعره امبارح .. وعلى طووول خدوا على قفاهم النهاردة .. لان الحكاية طلعت فنكوش ولا هيقف استيراد ولا حاجة بعد ما البنك عوم الجنيه ..


مرجع بالتأثير على المدى القصير والطويل للحركة دي :

http://bit.ly/2egdHpT


- حملة اعلامية ضخمة امبارح عن انهيار مدوي للدولار على لسان كبار مسئولين المال والاقتصاد المصري .. منها مثلا ان يطلع ( رئيس البنك الاهلي ) ويتصل على احمد موسى ويقول ان الدولار بقى بيتباع في السوق السودا بـ 10 جنيه .. وده طبعا هتي × فتي ..


مرجع حديث رئيس البنك الاهلي :

http://bit.ly/2eggu2h


تأسيس كام هاشتاج وهمي عالسوشيال ميديا من الكتيبتين اللي قال عليهم السيسي في خطاباته والهشتاجات على نسق ( إلحق اصرفه قبل ما تلبسه ) .. ده غير التحفيل من غلابة الفيس بوك وتويتر على سعر الدولار من غير ما يكون حد نزل وشاف سعره في محلات الصرافة اصلا ..


مرجع الهاشتاجات :

http://bit.ly/2egdz9w


- احنا اول الشهر وكل سنة وانتم طيبين .. وكل العاملين بالخارج بيحولوا لأهلاليهم دولار وقليل لما تلاقي بيت مفيهوش مسافر او مهاجر .. فكل الاهالي الغلابة امبارح واول امبارح معاهم دولار وعايزين يصرفوه .. وبتوع الصرافة مش عارفين يصرفوا اللي عندهم عشان قرار حظر الاستيراد .. فاشتروا طبعا من الناس الغلابة بالسعر الجديد الواقع ده ..


مرجع السوق السودا وتحويلات المصريين :

http://bit.ly/2egioQu

يتبع
.

اخر حاجة هي ضربة النهاردة الصبح وهي تحرير سعر صرف الدولار بتعويم الجنيه الجزئي في البنوك .. فاللي معاه دولار هيروح يحوله من البنك اريح له .. لان كده اعلى من سعره في السوق السودا النهاردة .


مرجع لقرار البنك المركزي :

http://bit.ly/2egyUjp


اخيرا .. طبعا كل الحركات اللي حصلت دي عشان شعب السيسي يهيص ويفرح ان الدولار نزل من ١٨ الى ١٣ في ٦ ساعات .. وينسى مصيبة انه كان اصلا ب ٧ جنيه .. ومحافظ البنك المركزي قال هيرجع يبقى ب ٤ جنيه !! .. ياجدعان الحكومات المحترمة بتشتغل عالمصارحة والشفافية مع شعبها .. مش بتشتغله اول باول وبتلعب بيه .. طبعا بعد قرار التعويم هيحصل ارتفاع جنوني في الاسعار لان 70 % من المواد الغذائية بيتم استيرادها فهتزيد بنسبة 48 % .. اما بالنسبة للدولار فبدون استثمارات اجنبية .. وصادرات جدية عالارض .. وتشغيل مشاريع قومية بتجيب عملة صعبة بجد هيرجع الجنيه يقع اكتر وبصورة ابشع من الاول ..

وتجربة زيمبابوي والسودان في التضخم تشهد

الدولار وصل ١٦ جنيه رسمي في البنك


https://scontent-cai1-1.xx.fbcdn.net...fa&oe=58A238C8

بعد تعويم الجنيه.. ''المصرية للأدوية'' توقف بيع الأدوية المستوردة

http://media.linkonlineworld.com/img...7_55_10_10.jpg


قال مصدر بالشركة المصرية لتجارة وتوزيع الأدوية، إن الإدارة أبلغت مديري الفروع هاتفيًا بوقف بيع الأدوية المستوردة، في أعقاب قرار البنك المركزي بتحرير سعر صرف العملات الأجنبية اليوم الخميس.

وحرر البنك المركزي سعر صرف الجنيه صباح اليوم الأربعاء ليخفض قيمته بنسبة 32.3 بالمئة إلى سعر استرشادي مبدئي عند 13 جنيها للدولار، مقارنة مع ربط العملة عند مستوى 8.8 جنيه للدولار منذ مارس الماضي.

في ذات السياق، أكد الدكتور جميل بقطر، عضو مجلس نقابة الصيادلة، أن "الشركة المصرية اتخذت قرارًا بوقف بيع الأدوية المستوردة، ووصلنا هذا الخبر من مدير أحد الفروع اليوم".

ووصف "بقطر" هذا القرار في تصريحاته لمصراوي، بـ"الكارثة الكبرى لأن عدم توفير أدوية المريض أو تقليلها أمر غير أخلاقي".

لكن الدكتور شريف السبكي، العضو المنتدب للشركة المصرية لتجارة الأدوية، أكد أن "الشركة اتخذت قرارا بتحجيم البيع لحين وضع سياسة واضحة بعد قرار البنك المركزي".

ويطالب المسؤولون عن صناعة الدواء بحلول عاجلة لمعاجلة خسائر الشركات والمصانع بعد قرار تحرير سعر الصرف، في حين أعلنت وزارة الصحة على لسان متحدثها الرسمي اجتماع الوزير مع غرفة الدواء لمناقشة هذا الامر.

وتأتي تلك الزيادة المتوقعة بعد مُضي نحو 6 شهور على قرار مجلس الوزراء بزيادة أسعار جميع الأدوية التي يقل سعرها عن 30 جنيهًا، بنسبة 20%، بحد أقصى 6 جنيهات للعبوة، الأمر الذي أدى لتحريك أسعار قرابة 75% من الأدوية المتداولة بالصيدليات.

وقال السبكي لمصراوي "لم نعرف بعد ما يحدث. نتوقع ان تكون هناك سوق سوداء في الفترة المقبلة ولذا اتخذنا هذا القرار".

لكن عضو نقابة الصيادلة قال "ما يحدث في الشركة المصرية قرار خاطئ ونحن كنقابة نطالب بفتح البيع للصيدليات حيث انه لن يتم توفير الدواء ولعدم إثارة المريض".

وأكد العضو المنتدب للمصرية للادوية ان مسئولي الشركة سيتخذون السياسة المستقبلية للبيع خلال يومين على أقصى تقدير.
وقال كريم كرم المتحدث باسم الشركة "تم وضع كوتة حتى لا يحدث نقص أو سوق سواء للدواء".
وأضاف السبكي "سعر الخامات سيرتفع سيرتفع ومن المتوقع ان تحدث ازمة في بعض الأصناف. المشكلة الأكبر ستكون في الشركات المستوردة لانها تستورد كامل المنتج وليس مادة بعينها".

وطالب السبكي الحكومة بضرورة دعم صناعة الدواء بشكل استثنائي بعد تعويم الجنيه.​

https://scontent-cai1-1.xx.fbcdn.net...b3&oe=589861EA