|
الشباب والهجرة
مشهد يتكرر على فترات متقاربة ولا تخلو الصحف من أخباره ......هروب الشباب فى الهجرة غير الشرعية ... والسؤال الأن ماللذى يدفع الشباب الى الهجرة هل الهروب من سوء أحوال المعيشة أم الهروب من البطالة أو حلم الكسب السريع أو سوء أحوال البلاد أو الطمع كما يقول مناصرى الحكومة فى مصر.... لكن لا تأتى الرياح بما لا تشتهى السفن فغالبا مايكون مصير هؤلاء الشباب أما الموت أو السجن ........ ياريت تفكروا معايا وتقولوا ايه اسباب الهجرة ..... منتظر ردودكم
|
اسباب الهجرة ..... بجد سؤال غريب يمكن علشان مفيش شغل او يمكن علشان قعدوا يدرسوا 17 وللا 18 سنة من عمرهم و في الخر معملوش حاجة باللي درسوه ممممم طيب يمكن عشان الاسرة حالتها كويسة و بتتغدا لحمة و فراخ كل يوم وللا يمكن من كتر العيش ؟!!؟ مش عارف اعتقد ان الناس دي ملهاش حق تعمل كدا ...
انا اسف لو اسلوبي ضايقك بس اصل انا خلاااااااااص هطق من البلد و اللي فيها مش عارف لو الواحد في الخر مش لقى شغل هيعمل ايه على العموم بكرر اسفي و بشكرك على الموضوع و تقبل مروري |
طبعا زي ما سمسم قال
وكمان في بعض الشباب يقولك نفسي اعيش في مجتمع نضيف مع ناس نطيفة واكل نطيف و معاملة بني ادمين بني ادمين و يكون الانسان له قيمة بجد |
اقتباس:
|
اقتباس:
|
ياااااااا الاسباب بتعرف تعد لحد كام ؟ بجد بقا فى حاجات كتير اوى نظام وتعليم وصحة ونضافة وسرقة ونهب ومرتبات قليلة واسعار مرتفعة وحاجات كتير اوى ....على فكرة موضوعك ده شبه موضوعى شوية اسمه خليهم يشبعوا بيها اظاهر علينا كلنا بقينا يا عينى بنفكر فى الموضوع الجميل ده ههههههههه
شكرا على الموضوع |
الاسباب مالهاش حصر
ا-البطالة الكبيرة يعني دلوقتي الشاب بيتخرج عنده حلين يشتغل بـمرتب قليل جدا او يستني يجيله الفرج من عند ربنا 2-الاحباط اللي بيصيب الشباب لما يتخرجوا و مايلاقوش حاجة فبيضطر انه يسافر بره لان معندهوش حاجة يخسرها وشكرا علي الموضوع |
اقتباس:
|
اقتباس:
|
أنا بيتهيألى إنى رديت على موضوع زى ده هنه فى المنتدى وكان ردى بمنتهى البساطه أنا كده كده متهان متهان داخل بلدى هتهان بره بلدى هتهان بس فيه فرق أنا داخل بلدى بتهان ويطلع عينى بدون مقابل بره بلدى بتهان وبتفضل عينى معايا وبمقابل يبقى بيتهيألى كده الإجابه بقت اضحه :( |
هجرة ايه بس دا اسمه هروب من حال البلد المنيل لما الطبيب ياخد 200 جنيه فى الشهر يبقا ليه يستنا فى البلد محنا دايقيين الذل ونفضل نضحك على نفسنا ونقول هتفرج محنا بنفضل نتعلم 15 سنة وفى الاخر بل بتاعت شهادات يبقا هنعمل ايه نقعد جمب الحيط ونسمع الزيط لازم كل واحد يشق طريقه منا مفضلش اتذل فى بلدى واخد كام ملطوش ميجيبوش حتى العيش الحاف طب لما اكبر هتجوز منين طب لو اتجوزن ( بعد الشر طبعا ) هصرف على العيلة منين انما لو سافرت هكون مرتاح شوية على الاقل هتعب بس هلاقى مقابل اللى يقعد فى مصر ينتظر الموت وسلملى على وزارة الاسكان شكرا على الموضوع ودمتم فى رعاية الله |
اقتباس:
|
اقتباس:
|
يا جماعة انا من رائى ان كل اللى بيسافر بيهرب من الواقع بتاعه وبتخلى عن حاجات كتير
صدقونى بالرغم من القرف الكتير اللى موجود هنا البلد دى ارحم من غيرها ع الاقل لما تكون قرفان هتلاقى حبايبك تقبل مرورى |
اقتباس:
|
| جميع الأوقات بتوقيت GMT +2. الساعة الآن 02:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.