استفسار بسيط
 

ايه رائيكم فى كليه حقوق بصفه عامه
وايه بعد التخرج
انا عاوز ادخلها بس متردد
ارجو الرد بسرعه

السلام عليكم ورحمة الله وبركاته
كليه الحقوق كليه حلوة جدا بس المذاكرة فيها صعبة شوية عايز تكون عندك قدرة الفهم اولا ثم الحفظ لان المادة بتبقى كبيرة
ومجالات الشغل فيها كتيرة جدا بعد التخرج ( محامى -مستشار- نيابةالعامه- او ممكن تقدم فى وزارة الخارجية بس يكون معاك لغتين(انجليزى ولغة ثانية

صح كدة وفعلا مذاكرتها حلوة والله مش واحشة وممكن كمان تتعينى فى مصلحة الخبرا او الشهر العقااارى

بصى احسن حاجة فى حقوق حقوق انجلش هى اللى ليها مستقبل
حقوق العربى عايزة اما واسطة او تجيبى تقدير والتقدير صعب انك تجيبه علشان موادها تقيل شويه
انا مش بعقدك ولا حاجة بس انا بقولك نصيحة ويمكن تكون جات متاخر بس ما علينا
لو عرفت تخشى حقوق انجلش ليها مستقبل جاااااااااااااااااااامد جداا

وربنا يوفقك

لا انا هختلف معاكى يا وندا
وعلى رئى الرئيس السادات كما قلتها وساظل اقول حقوق انجليزى متفرقش عن عربى فى حاجة مطلقا
ومستقبلها الجامد دة كل الناس فهماة غلط ونفس المستقبل متاح لخريج حقوق عربى
كل الفرق هو مستوى اجادة اللغة الانجليزية او الفرنسية حسب نوع اللغة الى هتدرس بيها
ودة ممكن اى حد يوصل لية بمجهودة الفردى دة حتى كمان طالب حقوق انجليزى ممكن ميكنش مؤهل
للدراسة باللغة الانجليزية لان القانون بالانجليزى او الفرنساوى يختلف جملة وموضوعا عن الانجليزى بتاع ثانوى
فممكن يكون جايب درجة كويسة فى ثانوى ويخس يسقط فى حقوق انجليزى
كمان مش كل المواد يالانجليزى الا بالانجليزى بس هى المواد الخاصة بinternational loi يعنى القانون الدولى
بكل فروعة المنظمات والدولى العام والخاص والجنسية والحوارات دى والباقى كلة بالعربى
وحتة المستقبل دى بئة مش هكلم فيها لانى عارف ومتاكد انى مهما اتكلمت محدش هيصدق كلامى فهوفر على نفسى
لان الاغلبية العظمى مش هتفهم كلامى لانهم مدرسوش قانون دولى وبتعجب الكلمات الكبيرة زى محكم دولى مثلا
مع ان محدش فاهم يعنى اية محكم دولى ولو كانو فهمين مكنوش قالو ان خريج حقوق انجلش يبقى محكم دولى
بص يا مان كلية الحقوق من افضل الكليات فى مصر اذا ماكنتش فعلا افضلهم
ومش هقلك الا حاجة واحدة الكلية دى على قد ما تديها هتديك
بس